Dagblaðið Vísir - DV - 04.06.2012, Qupperneq 12

12 Erlent 4. júní 2012 Mánudagur
Lamaðar rottur læra að ganga á ný
n Gefa mænusködduðum von n „Gulrótin“ er súkkulaði
E
f rannsóknir evrópskra vísinda­
manna sem hafa fundið leið til
að hjálpa lömuðum rottum
að „læra að ganga á ný“ halda
áfram að bera árangur þá verður
hægt að prófa meðferð á mönnum
innan tveggja ára. Meðferðin gengur
út á að rafbylgjur eru notaðar til að
líkja eftir boðum heilans, um mæn­
una, sem skipa útlimunum að hreyfa
sig. Einnig er notast við grind og ólar
til að hjálpa dýrunum að standa upp­
rétt í upphafi.
„Í upphafi virðist dýrið eiga mjög
erfitt með að fóta sig,“ segir Greg­
oire Courtine, einn vísindamanna
sem stýra rannsókninni í Lausanne í
Sviss. „En síðan þegar það nær skrefi
í fyrsta skipti verður því afar brugðið
og lítur á mann eins og í forundran,“
bætir hann við.
Rannsóknin sýnir vissan árangur.
Boð milli heila og mænu jukust fjór­
falt við meðferðina.
Rotturnar eltu súkkulaðimola eft­
ir þrepaskiptri braut og vísindamenn
segja frá því að það hafi ekki liðið
nema þrjár vikur þar til þær hlupu
á eftir súkkulaðinu eftir flóknum
þrautabrautum.
Rotturnar gefa mænusködduð­
um mikla von því álíka meðferð hef­
ur þegar verið reynd á Bandaríkja­
manninum Rob Summers, sem er
lamaður frá brjósti eftir bílslys. Rob
hefur öðlast hreyfigetu í vöðvum
neðan mittis.
Óttast mann-
áts faraldur
n Opinber stofnun reynir að hrekja sögusagnir um mannátsvírus
A
lla jafna snúast tilkynningar
sótt­ og forvarnarmiðstöðv­
arinnar í Bandaríkjunum,
CDC, um grafalvarlega
hluti á borð við viðvaranir
um miltisbrand, fuglaflensu eða
annað slíkt sem banvænt getur ver­
ið fólki. Nú reynir stofnunin fyrir al­
vöru að kveða í kútinn sterkan orð­
róm þess efnis að uppvakningavírus
sé raunverulegur og dreifi sér hratt.
Ástæða þessa orðróms, sem vald­
ið hefur ótta hjá stöku einstakling­
um, eru þrjú aðskilin atvik síðustu
daga um menn sem hafa ráðist á eða
myrt og étið fórnarlömb sín en slíkt
heyrir venjulega til undantekninga.
Snæddi heila og hjarta
Slíkt átti sér stað í borginni Miami í
Flórída fyrir tæpri viku þegar maður
réðst á annan og bókstaflega át and­
lit fórnarlambsins. Skömmu síðar var
maður stunginn til bana í borginni
Maryland og gæddi árásarmaðurinn
sér á hjarta og heila þess látna. Á
sama tíma hófst mikil leit að kanad­
ískum manni sem myrti kínverskan
nema í Montreal og gæddi sér á lík­
amsleifum í kjölfarið. Sá tók atvikið
upp á myndband og dreifði áður en
hann flúði til Frakklands.
Hrein tilviljun
Svo rammt kveður að þeim orðrómi
að nýr vírus dreifi sér nú að leitarorð
tengd uppvakningum skipuðu sér í
þriðja sæti á lista Google yfir vinsæl­
ustu leitarorðin. Varð það til þess að
talsmaður CDC, stofnunar sem lítur
þetta alvarlegum augum, gaf út opin­
berlega að stofnunin viti ekki til þess
að til sé vírus eða kringumstæður
sem gera fólki kleift að rísa frá dauð­
um eða brjálast og fá skyndilega lyst
á mannakjöti.
Fræðingar telja það hreina tilvilj­
un að þrjú slík atvik hafi átt sér stað
með svo skömmu millibili en fréttir
um mannát birtast nokkuð reglulega
í fjölmiðlum víða um lönd. Slík mál
hafa einnig komið upp í Brasilíu og
Suður­Kóreu á þessu ári.
Gríðarmikil leit er nú gerð í Frakklandi að
Luke Rocco Magnotta sem grunaður er
um að hafa myrt og limlest kínverskan
nema í Montreal í Kanada fyrir stuttu. Það
tók Magnotta upp á myndband þar sem
ennfremur mátti sjá hann skera bita úr
fórnarlambi sínu og borða.
Magnotta er talinn hafa flúið Kanada á
föstudaginn var og rannsakar lögregla nú
ábendingar um að hann sé að finna í París
en myndir sem Interpol hefur dreift sýna
að Magnotta kom til Frakklands þann 26.
maí síðastliðinn.
Albert Örn Eyþórsson
Blaðamaður skrifar
16 milljónir í
rafmagn og hita
Friðrik krónprins Danmerkur
og eiginkona hans Mary krón­
prinsessa eru gagnrýnd harkalega
fyrir að fara óvarlega með peninga
danska ríkisins.
Extra Bladet dregur nú fjármál
þeirra í dagsljósið og í ljós kemur
að eyðsla þeirra hefur stóraukist
frá árinu 2010.
Þá fluttu hjónin á nýtt lúxus­
heimili sitt í Amalienborg í Kaup­
mannahöfn. Nýja heimilið er um
4.500 fermetrar að stærð og gerðu
hjónin húsið upp að fullu áður
en þau fluttu inn. Endurgerðirnar
kostuðu hjónin hátt í fimm millj­
arða íslenskra króna. Rafmagns­
reikningurinn sem er sendur
ársfjórðungslega í Danmörku er
einnig svo svimandi hár að hann
þótti fréttnæmur. Hjónin greiða
15,9 milljónir íslenskra króna í
hita og rafmagn fyrir hvern árs­
fjórðung.
Mannát kemur reglulega upp Lögregluyfirvöld víðs
vegar um heiminn þurfa reglulega að takast á við mann-
ætur. Hér leita lögreglumenn í Bradford í Englandi að
líkamsleifum fórnarlamba fertugs karlmanns sem játaði
að hafa myrt þrjár vændiskonur og lagt sér til munn.
Slátrarinn frá Montreal
Barðist við
hlébarða
Hlébarði komst inn fyrir bæjar­
mörk Duliajan í Assam á Ind­
landi nýverið og réðst þar á mann.
Myndir frá fréttastofu AP sýna
baráttu mannsins við hlébarðann
sem stóð yfir í nokkra klukkutíma.
Hlébarðinn var síðar fangaður í
net af tíu starfsmönnum dýragarðs
í bænum. Undravert þykir hversu
lítið maðurinn er slasaður.
Þetta er ekki í fyrsta sinn sem
hlébarði ræðst á fólk í bæjum á
þessum slóðum. Í janúar fór öllu
verr og einn bæjarbúinn missti
höfuðleður í glímu við hlébarða og
þótti heppinn að lifa þá árás af.
Hillary styður
samkynhneigða
Um 400 manns tóku þátt í hin­
segin göngu í Ríga. Þar á meðal
var starfsfólk sendiráðs Bandaríkj­
anna í Lettlandi. Hillary Clinton,
utanríkisráðherra Bandaríkjanna,
hefur skipað sendiherrum lands­
ins í Austur­Evrópu, og annars
staðar, að veita samkynhneigðu
fólki stuðning í baráttu þeirra fyrir
mannréttindum sínum.
Um 2.500 manns gengu í Varsjá
í sama tilgangi og fjölmennt lið
lögreglu þurfti til að verja fólkið
ágangi þeirra sem á horfðu og
voru ekki sáttir við gönguna. Þetta
er í fyrsta skipti sem lögregla ver
hóp göngumanna í Varsjá en í
fyrra voru þeir eltir með hrópum
og köllum.
Eltir súkkulaðimola Áður lömuð
rotta lærir að ganga á ný eftir meðferð
vísindamanna í Lausanne í Sviss.