Dagblaðið Vísir - DV - 31.08.2011, Blaðsíða 4

4 | Fréttir 31. ágúst 2011 Miðvikudagur
Íslendingar til
starfa í Írak
Tveir íslenskir hjúkrunarfræðingar
halda til Íraks þann 1. september til
starfa fyrir Rauða kross Íslands með
Alþjóða Rauða krossinum. Þær Ás-
laug Arnoldsdóttir og Magna Björk
Ólafsdóttir munu ekki starfa á sama
stað en þær eru báðar reyndar í
störfum sínum fyrir Rauða kross-
inn.
Áslaug mun dvelja í 9 mánuði í
Írak og starfa við það að heimsækja
fangelsi, sjúkrahús og geðsjúkrahús
í Bagdad þar sem unnið er að því að
bæta aðbúnað vistmanna. Þá mun
hún einnig sjá um heilbrigðismál
starfsmanna Alþjóða Rauða kross-
ins í borginni. Hún hefur starfað
sem sendifulltrúi síðan 1996 og
hefur starfað meðal annars í Suður-
Súdan og áður í Írak. Magna Björk
mun starfa í 3 mánuði í borginni
Najaf í Írak og tekur að sér þjálf-
un lækna, hjúkrunarfræðinga og
sjúkraflutningamanna á gjörgæslu-
deildum í Najaf. Þetta er í annað
sinn sem Magna starfar sem sendi-
fulltrúi Rauða kross Íslands, en hún
vann í tjaldsjúkrahúsi eftir jarð-
skjálftana miklu á Haítí árið 2010.
Ölvuð móðir með
barn í bílnum
Kona á þrítugsaldri var stöðvuð af
lögreglu við akstur á höfuðborgar-
svæðinu í síðustu viku. Hún reynd-
ist í annarlegu ástandi og í fórum
hennar fundust fíkniefni. Ásamt
henni var í bílnum barn hennar.
Móðirin var handtekin og flutt á
lögreglustöð en hún reyndist þar
að auki undir stýri ökuleyfislaus. Í
tilkynningu frá lögreglunni segir
að ráðstafanir hafi verið gerðar
varðandi barn hennar og barna-
verndaryfirvöld upplýst um málið.
Samkvæmt heimildum DV hafa starfs-
menn verktakafyrirtækis verið að
moka úldnum afurðum út úr frystihús-
inu á Flateyri síðustu daga. Heimildirn-
ar herma að um sé að ræða sæbjúgu,
beitu og fleira og að ekkert rafmagn sé
á frystihúsinu. Þannig hafi það verið í
einhvern tíma. Þá hafi megna ýldulykt
lagt frá frystihúsinu undanfarið, með-
an á hreinsuninni hefur staðið.
Samkvæmt upplýsingum frá
Byggðastofnun kom upp bilun í ein-
um frystiklefa í húsinu í sumar sem
varð til þess að frystir stöðvaðist í
einhvern tíma. Skiptastjóri þrota-
bús Eyrarodda var ekki látinn vita af
biluninni strax sem varð til þess ein-
hverjar afurðir þiðnuðu og skemmd-
ust. Byggðastofnun vísaði þó alfarið
á skiptastjóra búsins, Friðbjörn E.
Garðarsson, en ekki náðist í hann við
vinnslu fréttarinnar. Aðalsteinn Þor-
steinsson, forstjóri Byggðastofnunar,
sagðist ekki vita til annars en að raf-
magn væri á frystihúsinu enda væru
miklar skemmdir yfirvofandi ef svo
væri ekki.
Lotna ehf. keypti skrifstofuhús-
næði, fiskvinnslu og aflamarksbát úr
þrotabúi Eyrarodda í febrúar á þessu
ári en Byggðastofnun deildi ekki út
kvóta til fyrirtækisins. Lotna ehf. varð
því að segja upp tíu til ellefu starfs-
mönnum fyrirtækisins því ekki fékkst
hráefni til úrvinnslu.
Kristján Kristjánsson, einn eiganda
Lotnu ehf., sagði í samtali við DV að
engin verðmæti hefðu skemmst þeg-
ar bilun varð í frystiklefanum í sum-
ar. Hann sagði öll verðmæti hafa verið
fjarlægð strax, nema hugsanlega göm-
ul steinbítsroð. Þá sagði hann það af
og frá að rafmagnið hefði verið tekið af
húsinu. solrun@dv.is
Bilun varð í frystihúsinu á Flateyri:
Úldnum afurðum mokað út
Mokað út Heimildir DV herma að verið sé að moka út úldnum afurðum úr frystihúsinu..
Í
slenskir áhættufjárfestar hafa
ekki séð krónu af þeim pen-
ingum sem þeir lögðu í óskráð
erlend fyrirtæki í gegnum pa-
namska fjárfestingaklúbbinn
Bridge. Forsvarsmenn félagsins
hér á landi segja þó peningana
ekki vera tapaða heldur séu þeir
einungis fastir á reikningum í Sviss
vegna gjaldeyrishafta. Bridge hefur
ekki staðið að neinum nýjum fjár-
festinum frá hruni. Einstakir ís-
lenskir fjárfestar hafa tapað hundr-
uðum þúsunda króna á sumum
fjárfestingum sínum í Bridge á
meðan hlutabréf þeirra í öðrum
Bridge-fyrirtækjum situr fast á er-
lendum reikningi.
Yfir 2.000 Íslendingar skráðir
Meira en 2.000 Íslendingar stofn-
uðu reikning í gegnum Bridge á
árunum 2007 og 2008. Þóra Við-
arsdóttir, forsvarsmaður Bridge á
Íslandi, segir að einstaklingar hafi
ekki enn fengið arð af fjárfesting-
um sínum þar sem öll fyrirtækin
sem fjárfest var í hafi frestað því að
skrá sig á opinn markað. „Bridge-
samfélagið sjálft byrjaði svona í
endaðan nóvember [2007 innsk.
blm.] að safna meðlimum til þess
að geta fjárfest. Eina sem Bridge
gerir er að koma með fyrirtæki og
fjárfestar ráða hvort þeir fjárfesta,“
segir Þóra um starfsemi Bridge.
Þóra segir að enginn fjárfestir borgi
fyrir þátttöku í Bridge en segir að
fólk borgi þjónustugjald fyrir að
opna bankareikning í Sviss sem er
notaður til að kaupa bréfin. „Þeir
sem fjárfestu í Allbury, við getum
sagt að þeir hafi tapað fé,“ segir
Þóra sem segir þó engar aðrar fjár-
festingar tapaðar.
Kynnt sem áhættufjárfesting
Á vefsíðu Bridge er ekki farið í laun-
kofa með að um sé að ræða áhættu-
fjárfestingar. Fyrirtækið tekur líka
skýrt fram að það sé einungis milli-
liður um kaup einstaklinga í óskráð-
um fyrirtækjum víða um heim. Þátt-
takendur í Bridge-samfélaginu hafa
ekki grætt á fjárfestingum sínum
en sumir þeirra hafa grætt á öðrum
meðlimum samfélagsins. Hver og
einn aðili fær umboðslaun fyrir að
koma með nýja félaga í samfélagið.
Á vefsíðunni eru gefin upp
nokkur fyrirtæki sem einstakling-
ar hafa fjárfest í í gegnum Bridge.
Meðal þeirra fyrirtækja má nefna
Allbury Travel Group. Það félag fór
á hausinn ári eftir að 2,5 milljóna
evra fjárfestingar voru gerðar í fé-
laginu í gegnum Bridge. Fjárfestar
töpuðu 411 milljónum króna á
fjárfestingunni í Allbury. Félagið
fór með áberandi hætti í gjald-
þrot en 100 farþegar sem höfðu
verið á vegum ferðaskrifstofunnar
í Egyptalandi og Grikklandi urðu
strandaglópar. Fjögur þúsund
manns misstu þá einnig af ferðum
sínum sem þeir höfðu bókað hjá
félaginu fyrirfram.
n Þeir sem fjárfestu í gegnum Bridge-samfélagið hafa tapað peningum n Hlutabréf
föst á reikningum í Sviss n Ekkert fyrirtækjanna hefur verið skráð á opinn markað
Fé Bridge-fjárfesta
fast á reikningum
„Á vefsíðu Bridge er
ekki farið í laun-
kofa með að um sé að
ræða áhættufjárfestingar.
Aðalsteinn Kjartansson
adalsteinn@dv.is
Fjármál
Frá Bridge til Finanzas Forex
Einn af þeim aðilum sem kynntu Bridge á Íslandi var
Sigurður Örn Leósson. Hann er hvað þekktastur fyrir að hafa
verið í forsvari fyrir Finanzas Forex hér á landi en fjármála-
eftirlit í fjölda landa varaði eindregið við að fólk fjárfesti hjá
félaginu. Íslenska fjármálaeftirlitið þar á meðal. Sigurði Erni
hefur þá verið gert að greiða 14 milljónir króna í skaðabætur
til manns sem fjárfesti í Finanzas Forex. Sigurður Örn
fékk þann 1. apríl síðastliðinn samþykkta beiðni sína um
greiðsluaðlögun hjá umboðsmanni skuldara. Gefur það
vísbendingar um að hann hafi verið einn af þeim fjölmörgu
sem töpuðu á fjárfestingum í Bridge, án þess að hægt sé að
fullyrða það.
Finanzas Forex var svokallað FX gjaldeyrismiðlunarfyrirtæki
sem þýðir að það þarf ekki að lúta reglum fjármálaeftirlits. Algengt er að slík félög séu
tengd mafíum og glæpasamtökum til þess að þvætta eiturlyfjagróða. Þannig leggja
glæpasamtökin ágóða af starfsemi sinni í slík batterí og taka út sem hagnað.
Háar fjárhæðir
Fjárfestar sem hafa
treyst ráðleggingum
Bridge hafa tapað
háum fjárhæðum.
2 dálk r = 9,9 *10
Útsölulok

Opið: má-fö. 12:30-18, lokað um helgar.
Dalvegi 16a,
Rauðu múrsteinshúsunum
Kóp. 201 - S: 517 7727
www.nora.is facebook.com/noraisland
Fyrir bústaðinn og heimilið