Dagblaðið Vísir - DV - 31.08.2011, Blaðsíða 19

S
amtök launamanna, sjálft
alþýðusambandið, púar á
nýtt kvótafrumvarp Jóns
Bjarnasonar. Sannlega er
frumvarpið gallað og betur
heima setið en að ljá því framgang.
Kyndug er þó gagnrýni verkalýðs­
forkólfanna. Hún er lens með hags­
munaaðilum útgerðarinnar og það
svo mjög að sameining þessara
tveggja stéttarfélaga kæmi ekki á
óvart.
ASÍ vill að sjávarútvegsfrumvarp
verði unnið í víðtæku samráði við
hagsmunaaðila. Það er bara einn
hagsmunaaðili og hann er þjóð­
in. Þjóðaratkvæðagreiðsla er samt
hvergi nefnd á nafn í máli ASÍ. Með
þessu afhjúpar ASÍ þá afstöðu sína
að best sé að gera út um þessi mál
snúandi baki í þjóðina.
ASÍ er sátt við veiðigjald en seg­
ir ráðstöfun hluta þess til sjávar­
byggða óheppilega vegna mismun­
unar milli svæða. Heldur svo áfram
orðrétt: „Ef pólitískur vilji er til þess
að mismuna byggðarlögum er eðli­
legra að láta Jöfnunarsjóð sveitar­
félaga sjá um úthlutun fjárins.“ Þessi
ályktun er með eindæmum. Eitt
augljósasta vandamál margra sjáv­
arbyggða er einmitt svipting veiði­
réttarins, réttar sem þessar byggð­
ir þakka tilveru sína og sjálfsbjörg
um aldir. Gera forkólfar ASÍ sér ekki
grein fyrir að kvótakerfið er meiri­
háttar pólitískt inngrip. Og mismun­
un svæða og reyndar þjóðarinnar
allrar er einmitt vegna eignatilfærsl­
unnar sem kvótakerfið hefur inn­
leitt. Það er mismunun þegar sjávar­
byggð fær ekki að njóta nálægðar
við uppsprettu sína hver sem hún
er. Það er mismunun þegar sjálf­
bæru samfélagi er breytt í félagsleg­
an þurfaling, þurfaling sem þarf að
treysta á pólitíska úthlutun eins og
Jöfnunarsjóð sveitarfélaga. Samtök
með viti myndu fagna langþráðum
áfanga sjávarbyggðanna til aukins
sjálfstæðis.
Mesta undrun vekur þó þetta:
ASÍ vill taka upp kerfi tímabund­
inna nýtingarsamninga og skerpa á
því að fiskimiðin tilheyri allri þjóð­
inni. En í stað þess að stytta nýt­
ingartímann vill alþýðusambandið
lengja hann úr fimmtán árum upp í
þrjátíu. Þó sjálfum finnist mér hroll­
vekjandi að framlengja nýtingu
fiskimiðanna við þann hóp sem
hefur í samkrulli við banka veðsett
fiskveiðiauðlindina margfalt miðað
við framlegð er auðvitað ekki úti­
lokað að einhverjum finnist þetta
hið besta mál og jafnvel gráupplagt.
Kannski eru 500 milljarða skuldir út­
gerðarinnar og 70 milljarða afskriftir
líka einhvers konar hagkvæmni ein­
hvers staðar? Hitt er þó sennilegra
að einmitt þessi tengsl útgerða og
banka skýri hvers vegna sumir vilji
nýtingartímann sem lengstan. Með
afstöðu sinni hefur ASÍ skipað sér í
þann hóp.
ASÍ átelur einnig takmörkun
framsals. Segir það ógna hag­
kvæmni, rýra virði sjávarútvegs­
fyrirtækja, tefja endurreisn efna­
hagslífsins og veikja þannig stöðu
þjóðarbúsins. Þetta eru kunnugleg
rök og vond. Hringrás framsalsins
hefur fært þeim sem seldu sínar
aflaheimildir mikinn auð en stigvax­
andi aukið skuldsetningu atvinnu­
greinarinnar sjálfrar. Hagræðingin
er því skuldaok með tilheyrandi
fjármagnskostnaði. Það er þetta
sem hefur rýrt virði fyrirtækjanna
og afkomu og það er þetta sem tefur
endurreisn efnahagslífsins og veikir
þjóðarbúið. Og þessu sjúski vill ASÍ
viðhalda.
Og enn telja forkólfar ASÍ bann
við veðsetningu skerða aðgang fyrir­
tækjanna að lánsfjármagni. Þó veð­
setning kvóta sé ólögleg samkvæmt
lögum um samningsveð hafa hand­
hafar aflaheimilda og bankar skaut­
að framhjá þessu og stjórnvöld stað­
ið hjá aðgerðalaus. Því stöndum við
nú í þeim sporum að veiðirétturinn
á Íslandsmiðum er ofurveðsettur og
til að ná þessum töpuðu fjármunum
aftur þurfa útgerðirnar og bankarnir
þrjátíu ár. Útgerðirnar munu malla
inn fyrir bankana og til þess njóta af­
skrifta en vagninn í raun dreginn af
skattborgurum þessa lands, ekki síst
launafólki. Þetta styður ASÍ.
Margt má finna kvótapottum til
foráttu en aðfinnsla ASÍ eftirtektar­
verð: „Pottafyrirkomulagið mun
auka óhagkvæmni í greininni með
því að færa afla frá útgerðaraðilum
með mikla framleiðni til útgerðar­
aðila með minni framleiðni.“ Ég
spyr: Hvers vegna er minni fram­
leiðni óhagkvæmari en stærri? Oft
skapast fleiri störf í minni einingun­
um sem kallast atvinna. Undarlegt
að forsvarsmenn launafólks skuli
vera á móti því.
Fullyrðingar ASÍ um strandveið­
ar eru blátt áfram. Fyrst er sagt að
vegna fárra veiðidaga séu störf í
strandveiðum ekki langtímastörf.
Þá liggur beinast við að fjölga dög­
unum en slíkt ámálgar ASÍ ekki.
Næst er sagt að fjárfestingar í
strandveiðum séu ekki skynsam­
legar. Samt eru næstum þúsund
bátar á strandveiðum. Væri það
þannig ef þessi veiðiskapur skilaði
engu? Sýnu verst er þó sú fullyrðing
að segja afla strandveiðibáta svo lé­
legt hráefni að hann hreinlega komi
óorði á íslenskan fiskútflutning.
Þessi málflutningur er étinn upp
eftir andstæðingum strandveiða og
ekkert til handhægt sem sýnir afla
strandveiðibáta síðri en annarra.
Að ASÍ skuli telja strandveiðar þjóð­
arfjandsamlegar er með ólíkindum
þegar haft er í huga að aukið frjáls­
ræði þessara veiða gæti aukið gjald­
eyristekjur þjóðarinnar um nokkra
milljarða og skapað þrjú þúsund
störf. Með einu litlu pennastriki
gæti ríkisstjórnin hrundið þessari
þörfu bylgju atvinnu­ og verðmæta­
sköpunar af stað en hefur heykst á
verkinu vegna andstöðu sérhags­
munaafla. Að þurfa að glíma við al­
þýðusambandið að auki er óvænt
staða en upplýsandi.
Umræða | 19Miðvikudagur 31. ágúst 2011
Hvað finnst þér um áform Kínverja um að kaupa Grímsstaði?
„Er það ekki bara gott? Það styrkir ferða-
þjónustuna og það koma fleiri ferðamenn
til Íslands.“
Arnar Guðmundsson
28 ára flugmaður
„Ég bý ekki á landinu og veit ekki hvað er í
gangi.“
Ásgeir Einarsson
31 árs flugmaður
„Bara frábært.“
Inga Hulda Helgadóttir
27 ára á leið úr landi
„Ég tel að það eigi að gilda sömu reglur
um Kínverja og aðra útlendinga en ég tek
undir að það sé sjálfsagt og nauðsynlegt
að stjórnvöld hafi skýrar reglur um þau mál
en alls ekki að fara af stað með neina mis-
munum hvað það varðar. Það verða að gilda
sömu reglur fyrir alla.“
Ingibjörg Guðmundsdóttir
69 ára eftirlaunaþegi
„Ég hef þá skoðun að þetta þurfi að skoðast
en geti verið mjög hagstætt mál. Ég segi
eins og Ingibjörg að það á ekki að mismuna
fólki eftir þjóðerni. Það eiga að gilda mjög
ákveðnar reglur.“
Bergur Felixson
73 ára ellilífeyrisþegi
Mest lesið á dv.is
Myndin Haust í nánd Eftir langvarandi þurrkatíð, á suðvesturhorninu að minnsta kosti, er farið að rigna. Það var ekki laust
við að finna mætti fyrir hausti í lofti þegar ljósmyndari átti leið um Grasagarðinn í Laugardal á þriðjudag.
Mynd sIGtryGGur ArI
Maður dagsins
Færir gleði og
samkennd
Valgerður Guðmundsdóttir
Ljósanótt hefst á morgun en þessi menn-
ingar- og fjölskylduhátíð Reykjanesbæjar
verður nú haldin í tólfta sinn. Valgerður
Guðmundsdóttir er framkvæmdastjóri
menningarsviðs Reykjanesbæjar og segir
menningarlegan þátt Reykjanesbæjar
einstakan.
Hver er maðurinn?
„Valgerður Guðmundsdóttir, framkvæmda-
stjóri menningarsviðs Reykjanesbæjar.“
Hvar ert þú alin upp?
„Ég er alin upp í Hafnarfirði.“
Hvað drífur þig áfram?
„Metnaður og von um að bæta samfélagið.“
uppáhaldsmatur?
„Allur fiskur.“
uppáhaldshljómsveit?
„Hjálmar.“
Átt þú þér fyrirmynd?
„Duglegar konur liðinnar kynslóða.“
Hvaða máli skiptir hátíð eins og
Ljósanótt fyrir samfélag eins og
reykjanesbæ?
„Mjög miklu máli. Ljósanótt færir birtu,
jákvæðni, samkennd og gleði í þetta sam-
félag og varpar ljósi á allt það skemmtilega
sem við eigum í þessu bæjarfélagi. Hátíðin
fyllir okkur íbúana stolti og gleði.“
Hvert er markmið Ljósanætur?
„Markmiðið er að vekja athygli á þessu
jákvæða í bæjarfélaginu, þessum menn-
ingarlega þætti sem er svo einstakur.“
Af hverju ætlar þú ekki að missa?
„Á fimmtudeginum ætla ég ekki að missa
af opnuninni á Listasafninu auk þess sem
ég ætla að reyna að ná sem flestum af
þeim 50 myndlistarsýningum sem eru í
bænum. Á föstudeginum ætla ég svo að
sjá mjög skemmtilegan viðburð sem heitir
Klikkaður kærleikur í Víkingaheimum og á
laugardaginn er það flugeldasýningin og
á sunnudaginn ætla ég ekki að missa af
Hátíðartónleikunum í Andrews.“
ASÍ og LÍÚ orðin samrassa?
Dómstóll götunnar
Kjallari
Lýður
Árnason
1 Heimurinn hrundi tvisvarMarvin Haukdal, 27 ára Akureyringur,
segist hafa verið edrú í að verða þrjú ár
en segir drauga fortíðar minna enn á sig.
2 Steini í Kók yfirgefur ÞingholtinÞorsteinn M. Jónsson hefur selt
einbýlishús sitt á Laufásvegi 73 í
Reykjavík og er fluttur í Garðabæ.
3 Kynlífsmyndband með Rihönnu?Bandaríski klámframleiðandinn Hus-
tler segist vera með eintak af upp-
töku af kynlífi söngkonunnar Rihönnu
og rapparans J. Cole.
4 Krefst skaðabóta vegna ólögmætrar uppsagnar
Salmanni Tamimi var sagt upp sem
tölvunarfræðingi á Landspítal-
anum árið 2006. Hann hefur stefnt
spítalanum.
5 Framsóknarmönnum var tryggð okurleiga
Leigutakar í Borgum við Norðurslóð
á Akureyri eru háttir við of háa leigu í
leigusamningum sem gilda til 25 ára.
Bankar eiga húsnæðið.
6 Enn slysagildra á skólalóðinniGirðingu við Áslandsskóla í
Hafnarfirði hefur ekki verið breytt til
að draga úr slysahættu, þrátt fyrir að
slys hafi orðið.