Dagblaðið Vísir - DV - 31.08.2011, Page 20

Á
undanförnum árum hef-
ur maður orðið meira og
meira var við auglýsing-
ar í sjónvarpsþáttum og
kvikmyndum. Stundum hefur
þetta farið yfir öll velsæmismörk
og manni líður eins og að hand-
ritshöfundum sé meira í mun
að koma auglýsingum að held-
ur en að koma söguþræðinum
rétt til skila. Kvikmyndagerðar-
maðurinn Morgan Spurlock,
sem er hvað þekktastur fyrir
kvikmyndina Super Size Me, er
einn þeirra sem hefur pirrað sig
á þessu. Þess vegna gerði hann
kvikmyndina POM Wonderful
Presents: The Greatest Movie
Ever Sold.
Myndin er heimildarmynd
þar sem Spurlock er fylgt eftir
þar sem hann reynir að sann-
færa fyrirtæki um að fjárfesta í
kvikmyndinni sjálfri í skiptum
fyrir að vörum frá þeim sé kom-
ið fyrir í myndinni. Undarleg en
athyglisverð tilraun.
Myndin sýnir á ótrúlega
skemmtilegan hátt hvernig aug-
lýsendur eru hægt og rólega
að taka stjórnina í borg kvik-
myndanna, Hollywood. Mynd-
in fer þó ansi nálægt því að
vera áróðursmynd gegn aug-
lýsingum í sjónvarpsefni og
kvikmyndum en Spurlock set-
ur fram ýmis dæmi um það
hvernig fyrirtæki nota skemmt-
anabransann til að koma sér á
framfæri. Að því sögðu finnst
mér myndin segja athyglisverða
sögu og gera það á þann hátt að
áhorfandinn getur myndað sér
skoðun án þess að vera blindað-
ur af skoðunum Spurlocks sjálfs.
Myndin er skemmtileg fyrir
þá sem kunna að meta eitthvað
dýpra en Hollywood-sumar-
myndir. Í myndinni er þó ekki
farið jafn djúpt og ég sjálfur
hefði viljað en hún gefur manni
tilefni til að fara og kynna sér
málið betur.
20 | Fókus 31. ágúst 2011 Miðvikudagur
J
apanski rithöfundurinn
Haruki Murakami birtir
smásöguna Town of Cats
í heild sinni í netútgáfu
The New Yorker. Þetta eru
góð tíðindi fyrir aðdáendur
Murakamis sem margir bíða
spenntir eftir næstu skáld-
sögu hans, 1Q84, sem kem-
ur út seint í október og er að
sögn útgefenda eins konar
óður til bókar George Orwells
1984.
Í sögunni tekur aðalsögu-
hetjan, Tengo, lest til að hitta
föður sinn sem er vistaður á
geðveikrahæli fyrir sjúklinga
með ýmsa ofskynjunarsjúk-
dóma.
Í söguna fléttar Murakami
svo sögu um borg sem er full
af köttum. Það má velta því
fyrir sér hvort Murakami á
við Reykjavík en hann skrif-
aði grein um ferð sína á Bók-
menntahátíð í Reykjavík árið
2003 í Lesbók Morgunblaðs-
ins. „Mannlaus þögnin fer
þessari eyju ótrúlega vel,“
skrifaði Murakami.
Hann veitti því einnig at-
hygli að Reykjavíkurborg er
full af áhugaverðum köttum
sem rölta um bæinn eftir eig-
in geðþótta, tiltölulega frjálsir
og makindalegir.
Murakami taldi Reykjavík
vera sælureit fyrir fólk sem
elskar ketti. „Maður öðlast
hugarró af því einu að labba
um borgina.“
Áhugasamir geta lesið
söguna í heild sinni á vefút-
gáfu New Yorker og dæmi
hver fyrir sig.
kristjana@dv.is
Reykjavík er sælureitur fyrir
fólk sem elskar ketti Murakami
birtir smásögu sína Town of Cats í
New Yorker. Það má velta því fyrir
sér hvort Murakami á við Reykjavík
en hann veitti því athygli að borgin
er full af áhugaverðum köttum sem
rölta um bæinn eftir eigin geðþótta.
n Er Haruki Murakami að skrifa um Reykjavík?
Skrifar um borg kattanna
Erró á leið
til landsins
Laugardaginn 3. september
verður opnuð ný sýning Errós
þar sem sýndar verða teikn-
ingar sniðnar fyrir börn á aldr-
inum 6–12 ára. Erró er á leið til
landsins
og hittir fyrir blaðamenn á
morgunfundi á föstudaginn.
Teikningin er sú grein Errós
sem hann er minnst þekkt-
ur fyrir, segir í kynningu frá
Listasafni Reykjavíkur, en á
sýningunni eru sýnd um 200
slík verk. Erró færði sig seinna
í samklippiverk og gaf grafíska
sköpun upp á bátinn.
Aðdáendur
Tinna gleðjast
Aðdáendur ævintýranna um
Tinna gleðjast um þessar
mundir. Nýrrar kvikmyndar í
leikstjórn Stevens Spielberg er
að vænta í vetur og hér á landi
hafa bækurnar Kolafarmurinn
og Leynivopnið bæst í safn end-
urútgefinna bóka um ævintýri
Tinna.
Í bókinni Leynivopninu
byrjar allt gler á Myllusetri að
splundrast fyrirvaralaust kvöld
eitt og þó að þrumuveður geisi
er skýringarinnar að leita ann-
ars staðar. Skyldi það tengjast
Vandráði prófessor sem bisar
að venju við eitthvað á tilrauna-
stofu sinni?
Í bókinni Kolafarminum rek-
ast Tinni og Kolbeinn á gamlan
kunningja, Alkasar hershöfð-
ingja, á förnum vegi og augljóst
er að hann hefur óhreint mjöl
í pokahorninu. Sama dag fær
Kolbeinn hrekkjalóminn Ab-
dúlla prins í heimsókn og er því
dauðfeginn þegar Tinni dregur
hann með sér í ferðalag.
Stefán Máni
læstist inni á
bókasafni
Rithöfundurinn Stefán Máni er
tíður gestur á Borgarbókasafni
Reykjavíkur við Tryggvagötu og
situr þar oft og les. Á sunnu-
daginn heimsótti hann safnið
og var þar í góðu tómi þangað
til hann áttaði sig á því að það
var búið að loka bókasafninu
og læsa hann inni. Frá þessu
sagði hann á Facebook-síðu
sinni með eigin orðum: „Var
ég búinn að segja ykkur frá því
að ég varð eftir inni á Borgar-
bókasafninu þegar það lokaði
á sunnudaginn var? Ég hélt að
það væri opið til sex, svo var
bara allt í einu voða þögult og
dimmt en ég fattaði ekki neitt.
Ég fatta yfirleitt aldrei neitt.“
Það væsti ekki um rithöf-
undinn sem sagði enda mikla
næringu að finna í bókum.
Hann hefur greinilega fundið
bók við hæfi meðan hann beið
eftir björgun því hann segir:
„Lengi er hægt að lifa á Tabúla-
rasa eftir Sigurð Guðmunds-
son.“
n Selma Björnsdóttir leikkona er með ótal járn í eldinum
Í
svona hamagangi líður
mér best. Þetta er lang-
skemmtilegast,“ segir
leik- og söngkonan Selma
Björnsdóttir sem leysir
Nínu Dögg Filippusdóttur af
í krefjandi hlutverki húsmóð-
urinnar í samnefndu leikverki
í uppfærslu Vesturports. Verk-
ið verður fært á fjalir menn-
ingarsetursins Hofs á Akureyri
um næstu helgi og þá fá Ak-
ureyringar að sjá verkið með
Selmu í aðalhlutverki en hún
stökk til með stuttum fyrirvara
og fékk lítinn tíma til að undir-
búa sig. Hún þykir þó standa
sig með mikilli prýði.
Nína Dögg er upptekin
við tökur á Heimsenda, nýrri
sjónvarpsþáttaseríu sem
Ragnar Bragason leikstýrir, en
það er ekki eina ástæða þess
að Selma tekur við keflinu því
Nína Dögg á von á barni og nú
er farið að síga á seinni hluta
meðgöngunnar.
Hraðinn er mikill
„Það var nú dálítið sérstök
upplifun að stökkva til í þetta
verk. Ég hef nú áður hoppað
inn í sýningar með skömm-
um fyrirvara en enga eins og
þessa. Í Húsmóðurinni leik ég
þrjár persónur sem eru uppi
á þremur ólíkum tímabilum.
Maður þarf að skipta býsna
oft um búninga,“ segir hún og
skellir upp úr.
Húsmóðirin er farsi og því
er mikill hraði í verkinu. „Það
er svona dæmigerð hringa-
vitleysa sem einkennir verk-
ið eins og flesta farsa og því
er hraðinn mikill. Það var oft
sem ég vissi hreinlega ekki
hverja ég átti að leika næst.
Þá stóð ég á hliðarvængnum
og hvíslaði í óðagoti: Hvað er
næst? Hver er ég næst?“ seg-
ir hún og hlær. „Þetta hef-
ur verið svolítið fát. Að rata í
myrkrinu og rata á rétta bún-
inga. En þetta hafðist nú allt
saman, sem betur fer er þetta
ekki sýning sem tekur sig há-
tíðlega.“
Selma segir oft hafa leg-
ið við mistökum á sviðinu.
„Ég var næstum því komin
inn á svið með fiftíshárkollu í
senu sem átti að gerast í nú-
tímanum. Sem betur fer náði
Víkingur að grípa af mér hár-
kolluna. Við hlógum eins og
vitleysingar baksviðs að þess-
ari uppákomu.“
Gísli Örn er verstur
Húsmóðirin er að sögn Selmu
lifandi verk og hún segist aldrei
vita upp á hverju mótleikarinn
tekur. „Gísli Örn er verstur,“
segir hún. „Hann hlífði mér
við öllu óvæntu á fyrstu sýn-
ingunum en nú er það búið.“
Hún segir Vesturportara einna
kræfasta í því óvænta og að-
spurð hvernig þeir vígi inn
nýja meðlimi segir hún: „Þeir
henda manni út í djúpu laug-
ina, það er á hreinu.“
Þau Gísli Örn Garðarsson
munu vinna meira saman í
vetur en Selma heldur út til
London með honum og að-
stoðar hann við uppfærslu
hans á Hróa hetti. Þá er Selma
einnig að leikstýra talsettu
efni hjá Myndformi. Hún er
með fleiri járn í eldinum því
hún mun leikstýra Vesaling-
unum sem verður stærsta sýn-
ing Þjóðleikhússins á næsta
leikári.
Hún hefur staðið í undir-
búningi síðan í vor þegar
henni var úthlutað verk-
efninu. „Ég hef verið að lesa
þetta meistaraverk eftir Vic-
tor Hugo og umhverfið sem
ríkir í söguheimi hans. Þá hef
ég verið að fara yfir búninga-
mál með Maríu Ólafsdóttur
búningahönnuði, hitta Frið-
rik Erlingsson sem er að leggja
lokahönd á endurþýðingu
handritsins og fara yfir tónlist-
ina með Þorvaldi Bjarna.“
kristjana@dv.is
Líður best í
hamagangi
Nóg að gera hjá Selmu Selma leysir Nínu af með stuttum fyrirvara, leik-
stýrir talsettu efni hjá Myndformi, aðstoðar Gísla Örn við uppsetningu á Hróa
hetti og leikstýrir stærstu uppfærslu Þjóðleikhússins í ár; Vesalingunum.
Seldi sál sína fyrir ágætis mynd
Aðalsteinn Kjartansson
adalsteinn@dv.is
Bíómynd
The Greatest Movie
Ever Sold
IMDb 6,3 RottenTomatoes 70% Metacritic 66
Leikstjóri: Morgan Spurlock.
Handrit: Morgan Spurlock, Jeremy
Chilnick.
90 mínútur