Dagblaðið Vísir - DV - 10.10.2011, Blaðsíða 4

4 | Fréttir 10. október 2011 Mánudagur
Endurnærir og hreinsar ristilinn
Í boði eru 60-150 töflu skammtar
+
Betr i apotekin og Maður l i fandi www.sologhei lsa. is
OXYTARM
Sól og
heilsa ehf
30
=
Losnið við hættulega
kviðfitu og komið maganum
í lag með því að nota náttúrulyfin
Oxytarm og 30 days saman120 töflu skammtur
days
detox
Datt í sjóinn
Mikill viðbúnaður lögreglu, slökkvi-
liðs og sjúkraliðs var við Reykjavík-
urhöfn á laugardag þegar að kona
féll í sjóinn. 
Þegar mest lét voru þar að
minnsta kosti þrír lögreglubílar, tvö
lögreglumótorhjól, slökkviliðsbíll og
tveir sjúkrabílar. Konunni mun ekki
hafa orðið meint af volkinu, en þeg-
ar blaðamann DV bar að garði var
hún komin á þurrt land og viðbún-
aður öllu minni við höfnina. Konan
mun hafa hrasað og fallið í sjóinn.
Hún fékk aðhlynningu á Borgar-
spítalanum.
Gengu berserks-
gang í amfeta-
mínvímu
Tveir menn, sem lögregla greip
glóðvolga við innbrot í Kópavog-
inum á föstudagskvöld, gengu ber-
serksgang í fangaklefum langt fram
á laugardagsmorgun. Mennirnir
gleyptu mikið magn af amfetamíni
þegar lögregla kom á staðinn til að
handtaka þá, en starfsmaður Securi-
tas hafði þá náð að hlaupa innbrots-
þjófana uppi og halda þeim þangað
til lögreglu bar að garði. Mennirnir
höfðu mikið magn af amfetamíni
í fórum sínum og gleyptu það rétt
áður en lögreglan handtók þá. Þeir
voru því í mikilli amfetamínvímu og
brutu þeir og brömluðu allt sem þeir
gátu í klefunum. Víman hélt þeim
gangandi lengi og börðu þeir klefana
að innan. Það var þó mat lögreglu
að ekki væri nauðsynlegt að flytja
mennina á sjúkrahús.  
Eldur á
Grettisgötu
Nokkuð mikið tjón varð þegar eldur
kom upp í litlu húsi á Grettisgötu í
miðbæ Reykjavíkur um miðnætt-
ið á föstudagskvöld. Allt tiltækt lið
slökkviliðs höfuðborgarsvæðis-
ins var kallað út en þegar slökkvi-
lið kom á staðinn var þó búið að
slökkva eldinn, og var því flestum
snúið við. Engu að síður þurfti að
reykræsta húsið og tók það nokkurn
tíma. Upptök eldsins eru talin vera
frá kerti, en íbúarnir voru heima og
urðu eldsins varir.
Fangar hættir að fá Viagra
n Föngum gefin lyf við sjúkdómum og vandamálum líkt og öðrum
S
amkvæmt Agli Rafni Sigur-
geirssyni, sérfræðingi í heim-
ilislækningum hjá Heilbrigð-
isstofnun Suðurlands, var sú
ákvörðun tekin fyrir nokkru, af lækn-
um á Litla-Hrauni, að hætta að skrifa
upp á Viagra og skyld lyf til fanga.
„Það er hugsanlegt að upp komi til-
vik sem krefjast þess að þessi ákvörð-
un verði endurskoðuð,“ segir þó jafn-
framt í svari Egils við fyrirspurn DV
um málið.
DV greindi frá því í síðustu viku að
fangar á Litla-Hrauni gætu óskað eft-
ir „einni blárri“ með lyfjagjöf á kvöld-
in, sem og fyrir heimsóknir á skipu-
lögðum heimsóknartímum. Í frétt DV
var þó tekið fram að þar sem Viagra
væri lyfseðilsskylt þá skrifuðu læknar
væntanlega upp á lyfið fyrir ákveðna
fanga, sem þyrftu á því að halda.
Egill staðfestir að fangar hafi í ein-
hverjum tilvikum fengið Viagra hér
áður fyrr en þá þurftu þeir að greiða
sjálfir fyrir lyfið. „Lyfjum er ávísað til
fanga eins og til annarra eftir skoðun
og mat læknis og er lyfið þá gefið við
tilteknum sjúkdómi eða vandamáli,“
segir Egill sem telur að fréttaflutn-
ingur af málinu hafi verið rangur.
Líkt og DV greindi frá í síðustu
viku er stinningarlyfið Viagra ekki á
lista Landlæknisembættisins yfir lyf
sem óæskilegt er að gefa föngum, líkt
og ávanabindandi og róandi lyf.
Óskar Reykdalsson, fram-
kvæmdastjóri lækninga hjá Heil-
brigðisstofnuninni, sagði í samtali
við Vísi í síðustu viku að fangelsis-
læknar á Litla-Hrauni hefðu fengið
góða dóma fyrir lyfjagjöf í fangelsinu
og að þeir væru á heimsmælikvarða
hvað það varðar. Hann minntist þó
ekkert á að fangar væru hættir að fá
Viagra. solrun@dv.is
Engar bláar pillur Fangar á Litla-Hrauni
fá ekki lengur Viagra en hugsanlegt er að
ákvörðunin verði endurskoðuð.
S
érstakt vinnuteymi hefur
unnið að því innan Íslands-
banka síðastliðna mánuði
að undirbúa sölu á bank-
anum fyrir kröfuhafa hans,
samkvæmt heimildum DV. Vinnu-
teymið hefur unnið í samvinnu við
svissneska bankann UBS sem Ís-
landsbanki valdi til að annast sölu-
ferli bankans. Þá hefur heyrst að
bandaríska fjármálafyrirtækið Mer-
rill Lynch, sem er dótturfélag Bank of
America, komi einnig að söluferlinu.
Erlendir kröfuhafar Glitnis, meðal
annars erlendir bankar og vogunar-
sjóðir, eiga 95 prósenta hlut í bank-
anum á móti 5 prósenta hlut sem
Bankasýsla ríkisins heldur utan um.
Upphaflega ætlun stjórnenda Ís-
landsbanka var að ganga frá sölunni
á bankanum fyrir lok þessa árs. Af
þessu verður þó líkast til ekki. Reikna
má með að salan á Íslandsbanka
dragist því fram á næsta ár en hugs-
anlegt er að viðræður við mögulega
kaupendur hefjist aftur í lok ársins.
Mikill trúnaður hefur ríkt um sölu-
ferlið innan Íslandsbanka og er ein-
ungis mjög þröngur hópur af æðstu
stjórnendum bankans sem þekkir til
málsins. Innan Íslandsbanka mun
vera rætt um að söluverðið á bank-
anum geti orðið á bilinu 130 til 150
milljarðar króna.
Hægðist á söluferlinu
Heimildir DV herma að að minnsta
kosti 3–4 erlendar fjármálastofnanir
hafi sýnt áhuga á að kaupa Íslands-
banka og að viðræður um kaupin hafi
farið fram í vor og fyrri hluta sum-
ars. Áhuginn virðist hins vegar hafa
minnkað hjá þessum erlendu aðil-
um eftir þennan tíma og þess vegna
næst ekki að selja bankann í lok árs
líkt og markmiðið var. Hugsanlegt er
að kaup Íslandsbanka á sparisjóðn-
um Byr spili þar inn í og eða óstöð-
ugleiki á erlendum fjármálamörkuð-
um – fyrir helgi lýsti seðlabankastjóri
Bretlands, Mervyn King, því yfir að í
heiminum gæti skollið á kreppa sem
yrði dýpri en heimskreppan mikla á
fjórða áratug síðustu aldar. Tekið skal
fram að DV hefur ekki heimildir fyrir
því að neinn íslenskur aðili hafi lýst
yfir áhuga á bankanum.
Engin af þeim erlendu aðilum
sem lýst hafa yfir áhuga á bank-
anum er í kröfuhafahópi Íslands-
banka. Kröfuhafar Íslandsbanka,
meðal annars Deutsche Bank, hafa
einnig lýst því yfir að þeir hafi ekki
áhuga á að eiga Íslandsbanka til
langframa.
Áhugi á orku og sjávarútvegi
DV hefur ekki heimildir fyrir því um
hvaða erlendu banka er að ræða en
einhver norræn fjármálafyrirtæki
munu vera þar á meðal. Meðal þess
sem kaupendurnir hafa áhuga á er
eignasafn og sérþekking Íslands-
banka í orkuiðnaði og sjávarútvegi.
Reikna má með, samkvæmt þessu,
að um sé að ræða tiltölulega litla
banka í alþjóðlegu samhengi.
Bankinn hefur unnið að því síð-
astliðin ár að byggja upp sérþekkingu
innan bankans á orkuiðnaðinum,
meðal annars endurnýjanlegri orku,
og í sjávarútvegi. Glitnir, fyrirrennari
Íslandsbanka, opnaði til að mynda
útibú í New York haustið 2007 sem
átti meðal annars að einbeita sér að
útrás bankans í orkumálum. Íslands-
banki hefur sömuleiðis lagt nokkuð
upp úr því að veita sjávarútvegsfyrir-
tækjum sérhæfða þjónustu.
Ingi Freyr Vilhjálmsson
fréttastjóri skrifar ingi@dv.is
n Vildu klára sölu Íslandsbanka á þessu ári n Reiknað með að söluverðið
verði 130 til 150 milljarðar n Þrír til fjórir erlendir bankar áhugasamir
Unnið að sölu
Íslandsbanka
„ Innan Íslands-
banka mun vera
rætt um að söluverðið á
bankanum geti orðið á
bilinu 130 til 150 milljarðar
króna.
Íslandsbanki seldur Unnið er að því að finna kaup-
anda að Íslandsbanka. Salan hefur dregist á langinn en
stefnt var að því upphaflega að ganga frá henni á þessu
ári. Birna Einarsdóttir er bankastjóri Íslandsbanka.