Dagblaðið Vísir - DV - 10.10.2011, Blaðsíða 6

6 | Fréttir 10. október 2011 Mánudagur
Jón Gnarr Ferðakostnaður borgarstjóra
hefur lækkað umtalsvert undanfarin ár.
Kostnaður við tæknifrjóvganir eykst
n Gleði hjóna, sem sáu fram á að fara í glasafrjóvgun, varð að sorg
Þ
rátt fyrir að velferðarráðuneytið
hafi sett nýja reglugerð um
endurgreiðslu sjúkratrygginga
vegna kostnaðar við tækni­
frjóvganir nú í vikunni, hefur gjald­
skrá ArtMedica hækkað svo mikið
að kostnaðurinn er sumum ofviða.
„Þetta er það mikil hækkun að við
þurfum að hætta við og ég veit um
fleiri,“ segir 36 ára kona sem DV var
í sambandi við í síðustu viku vegna
málsins. Hún er búin að fara í gegn­
um mikla rússíbanareið tilfinninga­
lega á síðustu dögum.
Í byrjun síðustu viku sá hún fram á
að þurfa að hætta við glasafrjóvgunar­
meðferð sem hún átti að hefja þann
11. október næstkomandi. Sú staða
kom upp eftir að samningur á milli
Sjúkratrygginga Íslands og ArtMedica
rann út um síðustu mánaðamót og
óvissa ríkti um niðurgreiðslur. Svo bár­
ust fréttir úr velferðarráðuneytinu um
að ný reglugerði yrði sett sem myndi
tryggja óbreytta niðurgreiðslu vegna
tæknifrjóvgana. Það voru mikil gleði­
tíðindi fyrir marga, þar á meðal kon­
una sem sagði í samtali við DV í vik­
unni að hún hefði „gargað“ af gleði
þegar hún heyrði fréttirnar. Gleðitíð­
indi snérust þó upp í andhverfu sína
þegar hún fór að kynna sér málið bet­
ur. Þá kom í ljós að þrátt fyrir að nið­
urgreiðslurnar haldist óbreyttar til
áramóta þá hefur kostnaður við með­
ferðina hækkað um rúmlega 60 þús­
und krónur. Þá þurfa þeir sem hefja
tæknifrjóvgunarmeðferð hjá ArtMed­
ica nú að leggja út fyrir öllum kostn­
aði vegna með meðferðarinnar, ólíkt
því sem áður var. Sjúkratryggingar Ís­
lands endurgreiða svo hluta af útlögð­
um kostnaði, frá 15 til 65 prósenta, eftir
að kvittanir hafa verið lagðar fram.
Áður en samningur ArtMedica við
Sjúkratryggingar Íslands rann út lá
fyrir að konan þyrfti að greiða 267 þús­
und krónur fyrir meðferð sína. Hún
og maðurinn hennar eiga saman eitt
barn fyrir og því eiga þau aðeins rétt á
15 prósenta niðurgreiðslu. Kostnaður­
inn rauk upp í 376 þúsund krónur um
mánaðamótin og er það sú upphæð
sem þarf nú að leggja út fyrir glasa­
frjóvgunarmeðferð. Samkvæmt gjald­
skrá ArtMedica þurfa hjónin nú að
greiða rúmlega 320 þúsund krónur
fyrir meðferðina, eftir niðurgreiðslu.
„Ég er búin að vera svo ánægð síð­
ustu daga en svo í morgun þá fór allt í
klessu aftur. Það er alveg ömurlegt að
þetta skuli vera svona. Það er ekki eins
og maður hafi tímann með sér held­
ur,“ segir konan sem vísar þar til ald­
urs síns. Aðeins 20 prósenta líkur eru
á frjóvgun með tæknifrjóvgun, en kon­
an segir að það dragi úr líkunum með
aldrinum. Hún býst því við að þau
þurfi að hætta við meðferðina, frek­
ar en að fresta henni. Þau hjónin hafa
reynt að eignast annað barn í þrettán
ár og hafa farið í nokkrar tæknifrjóvg­
anir, en án árangurs. Hún hefur einn­
ig misst fóstur nokkrum sinnum.
„Þó við höfum efni á því að ala upp
börn þá eigum við ekki til þessa pen­
inga í banka, eða fjölskyldu sem get­
ur pungað út þessum peningi fyrir
okkur tímabundið. Það var fjölskylda
mín sem hjálpaði okkur fyrir rest með
það sem vantaði upp á og ég get ekki
farið að biðja þau um meira en það,“
segir konan döpur. Að sögn Stein­
gríms Ara Arasonar, forstjóra Sjúkra­
trygginga Íslands, sagði ArtMed­
ica upp samningi þeirra á milli.
Gert er ráð fyrir því í fjárlögum 2012 að
dregið verði úr kostnaðarþátttöku rík­
isins ríkisins vegna tæknifrjóvgana.
Mikil sorg Konan og maðurinn hennar
hafa reynt að eignast annað barn í 13 ár,
en án árangurs. Þau sjá fram á að þurfa að
hætta við tæknifrjóvgunarmeðferð.
sviðsett Mynd eyþór árnason
n Ferða-, risnu- og dagpeningakostnaður Jóns Gnarr birtur n 1.573
þúsund frá því hann varð borgarstjóri n var 3 milljónir frá 2008–2009
Ferðakostnaður
Jóns Gnarr lægri
F
erða, risnu­ og dagpeninga­
kostnaður á skrifstofu borg­
arstjóra nam 1.573 þúsund
krónum frá 1. júní á síðasta
ári og fram til 25. ágúst síð­
astliðinn. Jón Gnarr tók við sem
borgar stjóri 15. júní í fyrra. Þessar
tölur koma fram í svari við fyrirspurn
borgarráðsfulltrúa Sjálfstæðisflokks­
ins, sem lögð var fyrir borgarráð á
fimmtudaginn.
Í svarinu kemur ekki fram hver
eða hverjir fóru í ferðirnar, en um
er að ræða ferðir til Brussel, Lond­
on, Stokkhólms, Akureyrar og Ár­
ósa á tímabilinu sem um ræðir. Þar
af voru greiddar um 553 þúsund
krónur í dagpeninga á þessu tíma­
bili.
3 milljónir áður
Þá óskuðu borgarráðsfulltrúarn­
ir einnig eftir tölum fyrir tímabilið
1. júní 2009 til 31. maí 2010, þegar
Hanna Birna Kristjánsdóttir var
borgarstjóri. Á því tímabili nam
heildar ferða, risnu­ og dagpeninga­
kostnaður rétt rúmum tveimur millj­
ónum króna. Um er að ræða ferðir
til Stokkhólms, Kaupmannahafnar,
Helsinki og Belfast.
Ljóst er að þessi kostnaður hef­
ur dregist verulega saman á undan­
förnum árum því í svari borgarstjóra
kemur einnig fram að á tímabilinu 1.
júní 2008 til 31. maí 2009 hafi heild­
arkostnaður skrifstofu borgarstjóra
við ferðalög verið rétt rúmar 3 millj­
ónir króna. Á því tímabili var Hanna
Birna lengst af borgarstjóri, fyrir utan
um tvo mánuði af því tímabili þar
sem Ólafur F. Magnússon var borg­
arstjóri.
„við erum að gæta aðhalds“
Frá júní 2008 til loka maí 2009 var
farið til Hollands, Prag, Feneyja,
Óslóar, Málmeyjar, Chicago, Fær­
eyja og Lundúna. Á tímabilinu námu
dagpeningagreiðslur tæpum 1.200
þúsund krónum.
Borgarráðsfulltrúar Sjálfstæðis­
flokksins, sem óskuðu eftir þessari
sundurliðun, sögðust í samtali við
DV ekki gera neinar sérstakar at­
hugasemdir við ferðir borgarstjórans
síðastliðið ár.
S. Björn Blöndal, aðstoðarmaður
borgarstjóra segir að skorið hafi ver­
ið mikið niður hjá borginni frá hruni.
„Við erum að gæta aðhalds í þessu
sem og öðru. Við viljum að það séu
alþjóðleg samskipti en það er brýnt
fyrir öllum að kostnaður sé innan
hóflegra marka. Það þarf bara að
velta fyrir sér hverri krónu og þetta er
ekki undantekning,“ segir hann.
„Við erum að gæta
aðhalds í þessu
sem og öðru. Við viljum
að það séu alþjóðleg
samskipti en það er brýnt
fyrir öllum að kostnaður
sé innan hóflegra marka.
Valgeir Örn Ragnarsson
blaðamaður skrifar valgeir@dv.is
Eltu skjól-
veggi og báta
Miklar annir voru hjá björgunar­
sveitum á suðvesturhorni landsins
á laugardagsmorgun, enda veður
afar slæmt. Meðal verkefna sem þær
glímdu við voru bátar sem losnuðu
frá bryggjum.
Á laugardaginn voru raunar 500
björgunarsveitarmenn staddir á Ísa­
firði, en það hafði þó ekki teljandi
áhrif á starf björgunarsveitanna,
sem höfðu nóg að gera.
Björgunarsveit Suðurnesja var
kölluð út á áttunda tímanum á
laugardagsmorgun þegar bátur
losnaði við bryggju í Keflavík. Þegar
björgunarsveitin kom á staðinn
hafði lögreglan náð að festa bátinn.
Þá var Björgunarfélag Akraness
einnig kallað út vegna báts sem var
að slitna frá bryggju og Björgunar­
sveit Hafnarfjarðar var einnig á ferð­
inni en þar er var skjólveggur við
fjölbýlishús að fjúka.
Réðst á hjúkrun-
arfræðing
Kona réðst á sjúkraflutningamann
og hjúkrunarfræðinga á slysadeild
Landspítalans aðfaranótt sunnu­
dags. Sjúkraflutningamenn höfðu
verið kallaðir til þar sem stúlkan var
meðvitundarlaus, eftir krampakast
að því er virtist, á Lækjartorgi. Þegar
stúlkan hafði verið færð inn í sjúkra­
bíl rankaði hún fljótlega við sér en
gekk þá berserksgang og sló meðal
annars einn sjúkraliðann.
Lögreglumenn sem voru á staðn­
um sáu sér ekki annað fært en að
handjárna konuna sem var þó flutt
á slysadeild. Þegar á slysadeild var
komið reyndist ekkert ama að kon­
unni en þar veittist hún að hjúkrun­
arfræðingi. Var konan því látin gista
fangageymslur lögreglunnar.
Konan er ein þriggja einstaklinga
sem gistu fangageymslur um nóttina
en tiltölulega rólegt var hjá lögregl­
unni. Um fimmtíu mál komu upp
frá miðnætti. Flest voru þau tengd
skemmtanalífi.