Dagblaðið Vísir - DV - 30.11.2011, Blaðsíða 8

8 Fréttir 30. nóvember 2011 Miðvikudagur
Með kíló af hassi í bílnum
n Karlmaður dæmdur fyrir vörslu á talsverðu magni fíkniefna
K
arlmaður á fertugsaldri var á
þriðjudag dæmdur fyrir brot á
fíkniefnalögum og umferðar­
lögum en tæpt kíló af hassi
fannst í bifreið hans. Var hann dæmd­
ur í sex mánaða skilorðsbundið fang­
elsi fyrir brotin. Maðurinn var hand­
tekinn eftir að hafa verið stöðvaður við
akstur af lögreglunni en hann reyndist
ekki vera með ökuréttindi.
Við leit í bíl hans kom í ljós að
hann var með 969,54 grömm af hassi
í rauðum plastpoka. Eftir að hann
var handtekinn var svo gerð húsleit á
heimili hans en þar fundust áhöld til
kannabisræktunnar auk 87 kannabis­
plantna, 1,20 gramma af marijúana,
36,5 gramma af kannabislaufum, fjög­
urra ljósapera, eins tímarofa og einnar
loftdælu, sem lögregla lagði hald á.
Plönturnar sem hald var lagt á í
húsleit lögreglunnar voru samkvæmt
dómnum litlar, eða á bilinu 5 til 60
sentímetrar. Þá var styrkleiki þeirra
ekki mældur en styrkleiki hassins sem
fannst í bíl mannsins reyndist vera 60
mg/g til 63 mg/g.
Maðurinn hefur áður verið dæmd­
ur fyrir fíkniefnalagabrot en hann ját­
aði brot sitt skýlaust. Þá var sérstaklega
litið til þess í dómnum að maðurinn
hefur sótt sér meðferð við fíkniefna­
vanda sínum, verið án eiturlyfja í fjór­
tán mánuði og hefur hafið háskóla­
nám. Var því niðurstaða dómsins að
maðurinn fengi skilorðsbundna refs­
ingu þrátt fyrir að frá árinu 2001 hafi
hann sex sinnum verið dæmdur fyrir
fíkniefnalagabrot. Manninum var þá
einnig gert að greiða um það bil 230
þúsund krónur í sakarkostnað.
adalsteinn@dv.is
Hátíðarkörfur
Ostabúðarinnar
eftir þínu höfði
OSTABÚÐIN
SKÓLAVÖRÐUSTÍG
Við erum byrjuð að taka á móti pöntunum
í síma 562 2772 og á ostabudin.is
Opið: Mán - Fim 11:00 - 18:00
Fös 10:00 - 18:30 & Lau 11:00 - 16:00 Ræktaði sjálfur Maðurinn var með
tæplega níutíu kannabisplöntur heima hjá sér.
Fundu
vopnabúr
Lögreglan á höfuðborgarsvæðinu
lagði hald á nokkrar byssur og tugi
hnífa í tengslum við rannsókn á
skotárásarmálinu í Bryggjuhverfi
á dögunum. Vopnin fundust í einu
og sama húsinu. Lögreglan sýndi
fjölmiðlum vopnabúrið á blaða­
mannafundi á þriðjudag. Lögregl­
an leggur á hverju ári hald á veru­
legt magn af vopnum sem oftast
finnast við húsleitir. Vopnin eru
af ýmsum toga; haglabyssur, loft­
byssur, rifflar, skammbyssur, hníf­
ar, hnúajárn og raflostbyssur. Á
árunum 2007–2011 hefur lögregl­
an lagt hald á samtals 1.155 lífs­
hættuleg vopn af þessu tagi sem
hún segir til marks um aukinn
vopnaburð brotamanna. Lögregl­
an upplýsti einnig á fundinum að
farið hefði verið í nokkrar húsleitir
í tengslum við rannsókn skotárás­
armálsins í Bryggjuhverfinu þann
18. nóvember síðastliðinn og
fundið skotvopn og fíkniefni.
Vilja nýja ferju
Tíu þingmenn með Árna Johnsen
í broddi fylkingar hafa lagt fram
þingsályktunartillögu um að ríkis­
stjórnin hefji nú þegar undir­
búning að alútboði um smíði og
rekstur nýrrar Vestmannaeyja­
ferju sem verði tilbúin til sigl­
inga milli Landeyjahafnar og Eyja
árið 2013. Samkvæmt tillögunni
verður þess krafist að tilboðsgjafi
sjái um hönnun skipsins sam­
kvæmt útboðskröfum sem kveði
meðal annars á um að skipið hafi
að minnsta kosti 15 mílna gang­
hraða, flutningsgetu fyrir 475
farþega og 80 bíla auk vöruflutn­
inga. Þá megi djúprista hinnar
nýju ferju ekki vera meiri en 3,1
metri, Hún skal vera 70 metrar á
lengd og siglingageta í Landeyja­
höfn óháð vindi í að minnsta kosti
3,5 metra ölduhæð. Í greinargerð
með þingsályktunartillögunni
segir að áætlaður kostnaður við
smíði ferjunnar sé um fjórir millj­
arðar króna. Að auki þurfi að gera
ráð fyrir kostnaði við breytingar
á hafnaraðstöðu í Vestmannaeyj­
um, Landeyjahöfn og Þorlákshöfn
vegna draumaferjunnar.
K
ona um tvítugt leitaði til
Neyðarmóttöku vegna
nauðgana aðfaranótt föstu­
dagsins 25. nóvember síðast­
liðinn. Hún tjáði starfsfólki
Neyðarmóttökunnar, sem er á Land­
spítalanum í Fossvogi, að karlmaður
á fertugsaldri hefði nauðgað henni
fyrr um kvöldið. Starfsfólk Neyðar­
móttökunnar rannsakaði konuna og
tók lífsýni af líkama hennar, líkt og
gert er í slíkum tilfellum.
Konan hafði verið á meðal gesta
í Eldhúspartýi FM957 sem haldið
var á skemmtistaðnum Glaumbar í
Tryggvagötu í miðbæ Reykjavíkur fyrr
um kvöldið. Eldhúspartýinu lauk um
miðnættið á fimmtudagskvöldið.
Samkvæmt heimildum DV seg­
ist konan hafa hitt par, konu og hinn
meinta ofbeldismann, sem hún
kannaðist við, í partíinu á Glaumbar.
Konan hafði ætlað að verða samferða
parinu í bíl á annan skemmtistað að
loknu skemmtikvöldinu á Glaumbar.
Enduðu heima hjá manninum
Bílferðin með parinu endaði hins
vegar ekki á öðrum skemmtistað
heldur heima hjá manninum á höf­
uðborgarsvæðinu, að sögn stúlk­
unnar. Konan ber því við, samkvæmt
heimildum DV, að þar hafi maðurinn
nauðgað henni.
Kærasta mannsins er sögð hafa
verið stödd í íbúðinni þegar nauðg­
unin átti sér stað. Hún er sögð hafa
vitað að nauðgunin ætti sér stað í
öðru herbergi. Af einhverjum ástæð­
um, sem ekki eru kunnar, kom kær­
asta mannsins konunni ekki til að­
stoðar þrátt fyrir þetta.
Heiðar Austmann, dagskrárstjóri
FM957, segist ekki hafa heyrt af hinni
meintu nauðgun sem sögð er hafa
átt sér stað eftir að dagskránni lauk á
Glaumbar. Hann segir að allt hafi far­
ið vel fram á Glaumbar og að útvarps­
stöðin geti ekki borið ábyrgð á því
sem gerist eftir að dagskránni lýkur
á slíkum kvöldum. Hann undirstrikar
að honum þyki mjög miður að heyra
af meintri nauðgun.
Kæra í farvatninu
Málið hefur ekki verið kært til lög­
reglu en konunni hefur verið útveg­
aður réttargæslumaður. Það er svo
hennar að ákveða hvort hún kærir
málið til lögreglu eða ekki, en henni
er frjálst að gera það hvenær sem
er. Neyðarmóttaka vegna nauðgana
geymir sönnunargögn í nauðgun­
armálum í minnst níu vikur eftir að
leitað er til hennar en þeim er síðan
fargað.
Á Neyðarmóttökunni fer fram
réttarlæknisfræðileg skoðun, taka og
varðveisla sakargagna  en þjónustan
er ekki háð ákvörðun um kæru. Sam­
kvæmt heimildum DV hefur konan
leitað til lögfræðings sem vinnur að
undirbúningi málsins. Líklegt er að
kæra til lögreglunnar verði lögð fram
á næstu dögum.
Það er ljóst að margar nauðg­
anir sem tilkynnt er um til Neyðar­
móttöku vegna nauðgana eru aldrei
kærðar til lögreglu. Til að mynda
voru 130 nauðganir tilkynntar til
Neyðarmóttöku árið 2009. Af þeim
voru aðeins 59 nauðgunarmál kærð
til lögreglu.
n Kona leitaði á Neyðarmóttöku vegna nauðgana aðfaranótt föstudags n Kærasta
meints geranda sögð hafa verið stödd í íbúðinni þegar naugunin á að hafa átt sér stað
Meint nauðgun eftir
gleðskap hjá FM957
„Hún er
sögð
hafa vitað að
nauðgunin
ætti sér stað í
öðru herbergi
Hanna Ólafsdóttir
blaðamaður skrifar hanna@dv.is
Kannaðist við ofbeldismanninn
Fæstar tilkynntar nauðganir eru á
endanum kærðar til lögreglu.