Dagblaðið Vísir - DV - 30.11.2011, Blaðsíða 17

Erlent 17Miðvikudagur 30. nóvember 2011
Ekkert varð af
áformum Kínverja
svipaðan hátt og sjá má víða á úti-
mörkuðum.
Siglt í strand
En bjartsýni á framhald fram-
kvæmda varð endaslepp því eft-
ir opnunarhátíðina hörðnuðu enn
frekar átök Luos og sænskra yfirvalda
vegna launa- og öryggismála. Fram-
kvæmdir lögðust af og um nokkurt
skeið bjuggu kínversku verkamenn-
irnir við aðgerðaleysi og óvissu. Þeg-
ar upp var staðið kom í ljós að Fa-
nerdun hafði ekki greitt þeim laun
samkvæmt sænskum reglum og í
sumum tilfellum ekki greitt laun yfir-
höfuð.
Í heimildamyndinni China-
town varpar einn kínversku verka-
mannanna fram þeirri spurningu
hvort vinnuveitandinn geti lifað af
300 krónum sænskum á mánuði.
Hið óumflýjanlega gerðist og brátt
héldu verkamennirnir til síns heima
í Kína.
Eftir stóð skemma, minnismerki
um kínverska útrás til Kalmar í Sví-
þjóð, brostnar væntingar um bætt
kjör í byggðarlaginu og aukinn hag-
vöxt sem aldrei varð. Að auki, sam-
kvæmt heimildamyndinni, fór Luo
Jinsheng frá miklum skuldum sem
hann hafði stofnað til við sænskar
byggingavöruverslanir.
Luo Jinsheng virtist hafa horfið
af yfirborði jarðar og eina lífsmarkið
sem hann sýndi var tölvupóstur sem
með tíð og tíma varð æ sjaldséðari og
hætti síðan með öllu að berast. Ævin-
týrið var úti. n
DV hafði samband við Johan Persson,
bæjarstjóra í Kalmar, til að forvitnast
frekar um afdrif framkvæmda Luos
Jinsheng í bænum.
Persson segir að fasteignafélag hafi
keypt allt sem kínverska fyrirtækið
Fanerdun kom nálægt, meðal annars
byggingar og var það allt jafnað við
jörðu.
Aðspurður hvort ekki hafi komið til
greina að Svíar kæmu að framkvæmd-
unum segir Persson að bæjarstjórn
hafi í fleirgang bent Luo Jinsheng á að
það yrði hvort tveggja hagkvæmara
og einfaldara að leita til sænsks
byggingafyrirtækis sem þekkti sænska
regluverkið. Johan Persson segir að
Luo Jinsheng hafi engu að síður valið
þann kost að láta fljúga með kínverska
byggingarverkamenn frá Kína. „Við
gátum ekki komið í veg fyrir það þar
sem um var að ræða hans einkafram-
tak.“
Ekkert gert eftir
opnunarhátíðina
Fyrsta skóflustungan var tekin árið 2007
að viðstöddum meðal annarra Maud
Olofsson, aðstoðarforsætisráðherra
Svíþjóðar, og sendiherra Kína í Svíþjóð.
Opnunarhátíðin var haldin haustið 2008.
„Eftir vígsluna lögðust framkvæmdir
með öllu niður,“ segir Persson.
Aðspurður um eigin skoðun varðandi
þá neitun sem Huang Nubo fékk hjá
íslenskum stjórnvöldum segist Johan
Persson ekki þekkja það vel til málsins
að hann geti tjáð sig um það.
En hvað myndu stjórnvöld í Kalmar
gera ef kínverskur framkvæmda-
maður kæmi til Kalmar með tilboð um
fjárfestingar, framkvæmdir og fjölgun
starfa upp á vasann?-
„Í Kalmar eru öllum, óháð þjóðerni,
velkomið að fjárfesta. Að því gefnu að
þeir greiði þau gjöld sem þeim ber, fari að
lögum og reglum og virði samkomulag.“
„Eftir vígsluna lögðust
framkvæmdir niður“
Kalmar Ekkert varð úr
áformum kínverska fjár-
festisins. Eftir stóð skemma,
minnismerki um kínverska
útrás til Kalmar í Svíþjóð og
brostnar væntingar.
Mynd PhotoS.coM
Ö
ndvert Hallgerði forðum
sem launaði Gunnari kinn-
hestinn með því að neita
honum um hár í boga-
streng þegar smádjöfla-
þröng sótti að hetjunni þá launa ég
Guðna Ágústssyni, framkvæmda-
stjóra afurðasamtaka í mjólkuriðn-
aði, síðasta ESB-snoppunginn úr
þeirri átt með því að leggjast í stór-
orrustur fyrir íslenska mjólkuriðn-
aðinn í hinu rísandi veldi Rússa,“
sagði Össur Skarphéðinsson utan-
ríkisráðherra léttur í lundu við DV.is
aðspurður um fréttatilkynningu um
nýja möguleika á sölu mjólkurafurða
í Rússlandi.
„Það heitir að rétta hinn vang-
ann eins og Þorláksbúðarmenn eiga
að þekkja,“ segir Össur sem er nú í
opinberri heimsókn í Rússlandi þar
sem hann meðal annars gekk frá
nýjum samningi sem opnar mjólk-
urafurðum leiðina inn á Rússlands-
markað.
Óðir í skyr
Össur segir að samningurinn sé af-
rakstur langrar samningalotu utan-
ríkisráðuneytisins og sérfræðinga
MAST, sem Rússar hafi nú fallist á.
Sérfræðingar MAST, ekki síst Jón
Gíslason, ættu mikinn heiður skil-
inn fyrir sína vinnu.
„Hér í Rússlandi bíða menn þess
í hrönnum að fá að kaupa íslenskt
mjólkurduft, sem er það besta í
heimi, en það hefur skort á að Rúss-
ar hafi fallist á regluverk okkar við
að tryggja hámarksgæði. Mér heyr-
ist líka að Rússar séu óðir í skyr og
vilji líka prófa íslenska smjörið.
Enda segir Bændablaðið að það
sé ódýrasta smjörið á markaðnum
eins og aðrar landbúnaðarafurð-
ir – svo varla þurfa þeir nú að tapa
svefni vegna mögulegs innflutnings
þegar aðildin verður að veruleika,“
segir Össur.
Skyrsölustrákur
Utanríkisráðherra sagði að samn-
ingurinn, sem var kláraður á mánu-
dag, muni svipta upp dyrum fyrir
heimsins hollustu mjólkurafurðir
inn á hinn rússneska markað.
„Afurðastöðvar eins og MS, sem
nú geta selt varning sinn óheft inn
á Rússlandsmarkað. Menn hljóta að
gleðjast yfir að hafa í sínu liði skyr-
sölustrák eins og utanríkisráðherra.
Um leið mun það bæta hag bænda
stórlega að komast á nýjan markað.
Þannig erum við í utanríkisráðu-
neytinu stöðugt að vinna fyrir ís-
lenska bændur, og ekki síst Guðna
Ágústsson, sem er þar efstur pótin-
táta,“ segir Össur glaðbeittur.
Alltaf reiðubúinn
„Ég sagði í ræðu minni í dag að
galdurinn á bak við það að íslensk-
ir menn væru svo sterkir og kon-
urnar langlífar mætti rekja til skyrs,
sem væri í reynd besta fæðubótar-
efni í heiminum. Ég held að öfl-
ug fyrirtæki og afreksmenn eins og
Guðni geti nú selt reiðinnar býsn
af mjólkurvörum til hinna gersku
vina í Rússlandi. Menn mega ekki
festast á meltunni í einhverju kasti
yfir ESB heldur þurfa þeir að láta
hendur standa fram úr ermum. Þeir
mega vita það að utanríkisráðherra
er alltaf reiðubúinn að rétta sínum
vinum í Bændahöllinni hjálpandi
hönd ef þarf,“ segir Össur. n
Rússar eru
„óðir í skyr“
n Samningur opnar íslenskum mjólkurvörum leið inn á Rússlandsmarkað
n Utanríkisráðherra á fund Rússa n Berst fyrir íslenska mjólkuriðnaðinn
hressir félagar Össur segir að samningurinn sé afrakstur langrar samningalotu utan-
ríkisráðuneytisins og sérfræðinga MAST, sem Rússar hafi nú fallist á.
Gengið frá samningum Össur Skarp-
héðinsson er nú í opinberri heimsókn í
Rússlandi þar sem hann gekk frá nýjum
samningi sem opnar mjólkurafurðum leið
inn á Rússlandsmarkað.
„Afurðastöðvar
eins og MS, sem
nú geta selt varning sinn
óheft inn á Rússlands-
markað.
Einar Þór Sigurðsson
blaðamaður skrifar einar@dv.is