Dagblaðið Vísir - DV - 05.12.2011, Qupperneq 8

Losarabragur á
meðferð fjárlaga
Fjárlög ársins 2012 voru afgreidd
úr fjárlagnefnd Alþingis í gær,
sunnudag. Kristján Þór Júlíusson,
þingmaður Sjálfstæðisflokks­
ins og nefndarmaður, er ósátt­
ur við afgreiðslu meirihlutans.
Hann sagði í samtali við mbl.is að
nefndin hefði þurft að gefa mál­
inu meiri tíma. „Þetta var í raun­
inni bara annar fundurinn þar
sem var eitthvað rætt um inni­
haldið í fjárlögunum eftir aðra
umræðu. Við komum fram með
þær athugasemdir eftir aðra um­
ræðu sem okkur þótti full ástæða
til að ræða betur,“ er haft eftir
honum en hann bætir þó við að
að sumu leyti hafi meirihlutinn
mætt sjónarmiðum minnihlut­
ans, en að öðru leyti ekki. Los­
arabragur hafi verið á meðferð
fjárlaganna í nefndinni. Atkvæða­
greiðsla um fjárlögin fer fram í
þinginu á miðvikudaginn.
8 Fréttir 5. desember 2011 Mánudagur
14 ára drengur mátaði Friðrik
n Framtíðin björt í skákinni
F
ramtíðin í íslensku skáklífi er
björt,“ sagði hinn síungi Frið­
rik Ólafsson, eftir að hafa mætt
13 úr hópi efnilegustu barna og
ungmenna Íslands í fjöltefli í Hörpu
á laugardag.
Friðrik, sem er á áttræðisaldri,
blés varla úr nös eftir næstum þriggja
tíma taflmennsku á móti ungum
andstæðingum. Krakkarnir veittu
Friðriki verðuga mótstöðu, en leik­
ar fóru svo að Friðrik vann 8 skákir,
gerði 4 jafntefli og tapaði einni skák,
fyrir hinum 14 ára Degi Ragnarssyni.
Teflt var við glæsilegar aðstæður
í Hörpu og kom fjöldi áhorfenda til
að fylgjast með goðsögn íslenskrar
skáklistar glíma við meistara fram­
tíðarinnar.
Össur Skarphéðinsson utanrík­
isráðherra flutti setningarávarp og
fagnaði því sérstaklega að skáklistin
hefði nú numið land í Hörpu. „Þetta
er hús fólksins og skákin er þjóðar­
íþrótt Íslendinga. Vonandi er þetta
bara sá fyrsti af mörgum glæsilegum
viðburðum sem hér verða haldnir.“
Helgi Ólafsson, stórmeistari og
skólastjóri Skákskóla Íslands, út­
skýrði fyrir viðstöddum að um sögu­
legan viðburð væri að ræða. Friðrik
varð Íslandsmeistari í fyrsta sinn fyr­
ir næstum 60 árum og var um árabil
meðal bestu skákmanna heims.
Friðrik tefldi sumar skákirnar
listilega vel og sýndi þá gamla takta,
enda frægur fyrir sókndirfsku og fal­
legan skákstíl. Hann er sá Íslending­
ur sem lagt hefur flesta heimsmeist­
ara í skák.
Hann rifjaði upp að sjálfur hefði
hann fyrst tekið þátt í fjöltefli árið
1946, gegn Baldri heitnum Möller
þáverandi Íslandsmeistara. Friðrik
spáði því að margir úr hópnum sem
tefldu í Hörpu gætu náð langt.
Og þau fengu gott vegarnesti: Ekki
bara skák við meistarann og ýmis
heilræði, heldur áritaða bók með
sérvöldum sóknarskákum meistar­
ans.
Það voru Skákskóli Íslands og
Skákakademía Reykjavíkur sem
stóðu saman að þessum skemmti­
lega og vel heppnaða viðburði.
baldur@dv.is
Efnilegir krakkar Fjórir náðu jafntefli við Friðrik og einn vann hann.
N
æsta ár verður líklega síð­
asta ár Jóhönnu Sigurð­
ardóttur í formannsstól
Samfylkingarinnar en afar
ólíklegt verður að teljast
að hún leiði flokkinn í næstu kosn­
ingum. Meðal Samfylkingarfólks
hefur raunar verið talað á þessum
nótum síðan hún var kjörin sem
formaður í mars árið 2009. Strax þá
var ljóst að Jóhönnu biði afar erf­
itt verk bæði sem formaður Sam­
fylkingarinnar og forsætisráðherra
í nýrri stjórn – ríkisstjórn sem beið
það erfiða verkefni að endurreisa
efnahag landsins eftir mesta efna­
hagshrun lýðveldissögunnar. Sú
Samfylking sem Jóhanna tók við
hafði þá starfað í ríkisstjórn frá því
fyrir hrun og gekk því ekki flekk­
laus til ríkisstjórnarsamstarfs­
ins líkt og Vinstrihreyfingin grænt
framboð.
Ómanneskjulegt að leggja
meira á Jóhönnu
Innan Samfylkingarinnar tala fáir
fyrir áframhaldandi formannssetu
hennar að kjörtímabilinu loknu.
Einn viðmælandi DV gekk svo
langt að segja „ómanneskjulegt“
að leggja meira á Jóhönnu. „Sam­
fylkingarfólk ætti að leggja sig fram
við að létta henni störfin en svo
virðist ekki vera. Það vita það allir
innan flokksins að hún er orðin ör­
þreytt. Viðbrögð Jóhönnu við því
eru að draga sig æ meira inn í skel.
Hún talar lítið við samstarfsmenn
og er enginn málflytjandi ríkis­
stjórnarinnar,“ sagði einn viðmæl­
andi DV um stöðu Jóhönnu. Ef til
vill er það einmitt merki um veika
stöðu Jóhönnu að innan flokksins
geta fæstir nefnt nema örfáa aðila
sem hún á í reglulegum samskipt­
um við. Hrannar Björn Arnarsson,
aðstoðarmaður Jóhönnu, var oft­
ast nefndur ásamt Margréti Björns­
dóttur, formanni framkvæmda­
stjórnar Samfylkingarinnar.
Handahófskenndar
óánægjuraddir
Það verður þó að teljast Jóhönnu
til styrks hversu handahófskennd
óánægjan með formannsstarfið er,
fáir frammámenn Samfylkingar­
innar tala opinberlega gegn henni.
Í ljósi erfiðs stjórnarsamstarfs
og minnkandi trausts á íslenskri
stjórnmálastétt á árunum eftir
hrun finnst varla betri mælikvarði
á styrka stöðu formanns nokkurs
stjórnmálaflokks. „Í vissum kreðs­
um flokksins er það nánast eins
og sjálfsvígsárás að gagnrýna Jó­
hönnu,“ segir Sigurbjörg Sigurgeirs­
dóttir stjórnsýslufræðingur en hún
sat í umbótanefnd flokksins. „Innan
Samfylkingarinnar er þó hópur sem
segir Jóhönnu hafa verið mikilvæga
fyrstu árin eftir hrun en sá tími sé
einfaldlega liðinn. Ekki verði litið
framhjá því að hún var í ríkisstjórn
Geirs H. Haarde við efnahagshrun
en ákveðinn hópur innan flokks­
ins vill allt það fólk úr flokksforyst­
unni,“ segir Sigurbjörg.
Ekki víst að Jóhanna vilji fara
Það er þó alls ekki víst að Jóhanna
sé á þeim buxunum að víkja úr for­
mannsstólnum fyrir næstu kosning­
ar. Fyrir síðasta landsfund Samfylk­
ingarinnar sem haldinn var í október
tilkynnti Jóhanna fyrirætlanir sínar
um rauðgræna vinstriblokk í næstu
kosningum. Þá sagði hún límið í nú­
verandi stjórnarsamstarfi vera að
núverandi stjórnarflokkar byggðu
sína hugmyndafræði á jöfnuði og
réttlæti. Nokkrir viðmælendur DV
töldu „límið“ í stjórnarstarfinu fyrst
og fremst vera gott og náið samstarf
Steingríms J. Sigfússonar, formanns
VG, og Jóhönnu. „Jóhanna starfar
með Steingrími og ég veit ekki hversu
margir aðrir innan Samfylkingarinn­
ar gætu það,“ segir einn viðmælandi
DV. Erfitt er að segja til með nokkurri
vissu hvort yfirlýsing Jóhönnu sé vís­
bending um að hún ætli sér að starfa
áfram sem formaður. Það þykir þó
ekki til eftirbreytni að formaður sem
hyggst víkja leggi línurnar með þess­
um hætti fyrir þann sem taka á við.
Guðbjartur, Dagur eða Árni Páll
Hver tekur við að Jóhönnu er erf­
itt að spá fyrir um en þeir Dagur B.
Eggertsson, oddviti Samfylkingar­
innar í Reykjavík og varaformaður
flokksins, Guðbjartur Hannesson
velferðarráðherra og Árni Páll Árna­
son, efnahags­ og viðskiptaráða­
herra hafa verið nefndir til sögunnar
í því tilliti. Þótt allir njóti þeir ákveð­
innar velvildar innan Samfylking­
arinnar er enginn þeirra líklegur til
að sækja fylgi sitt nægjanlega víða
innan flokksins til að þjappa Sam­
fylkingarfólki að baki sér. Þá hafa
fleiri nöfn verið nefnd til dæm­
is Helgi Hjörvar en hann er sagður
hafa metnað fyrir starfinu, Sigríður
Ingibjörg Ingadóttir er einnig nefnd
en hún nýtur mikils trausts innan
vébanda Ungra jafnaðarmanna og
flokksfélaga í Reykjavík. „Sigríður
veit hvað hún er að tala um í efna­
hagsmálum og það er leitun að slíku
innan Samfylkingarinnar,“ sagði
einn viðmælandi. Að auki hafa þær
Oddný Harðardóttir þingflokks­
formaður og Svanfríður Jónasdótt­
ir verið nefndar. Þessi nöfn eru þó
langt frá því að teljast líkleg miðað
við núverandi stöðu.
n Situr sterk til næstu kosninga n Fáir gagnrýna Jóhönnu opinberlega
n Traust milli Jóhönnu og Steingríms styrkir stöðu hennar sem formanns
Atli Þór Fanndal
blaðamaður skrifar atli@dv.is
Tími Jóhönnu að
renna sitt skeið
Guðbjartur Hannesson
Velferðarráðherra
n Er tiltölulega óumdeildur og nýtur vel-
vildar innan Samfylkingarinnar. Þá þykir
Guðbjartur líklegri
en Dagur og Árni Páll
til að sækja fylgi til
landsbyggðarinnar.
Stjórnmálaferill
Guðbjarts er þó ekki
flekklaus því þáttur
hans í Árbótarmálinu
og það sem margir
töldu ófullnægjandi niðurstöðu úr starfi
sáttanefndar um breytingar á fiskveiði-
stjórnunarkerfinu, styrkir stöðu hans
líklega ekki. Þá má nefna að Guðbjartur
hefur orð á sér fyrir að vera ekki nægilega
framtakssamur.
Dagur B. Eggertsson
Oddviti Samfylkingarinnar
í Reykjavík
n Þykir góður verkstjóri og þægilegur í
samstarfi. Dagur sækir þó fylgi sitt nán-
ast eingöngu til Reykjavíkur. Þá eru tengsl
hans við Ingibjörgu
Sólrúnu Gísladóttur,
fyrrverandi formann
Samfylkingar-
innar, gjarna gerð
að umtalsefni þegar
ætlunin er að koma á
hann höggi. Ólíklegt
er að Dagur nái að
sækja fylgi utan Samfylkingarinnar, eitt-
hvað sem ekki telst styrkur fyrir formann
sem leiða þarf flokkinn beint í kosningar
eftir erfitt starf í ríkisstjórn.
Árni Páll Árnason
Efnahags- og viðskiptaráðherra
n Kunnugir innan flokksins þykjast
vita að Árni Páll hafi metnað til for-
manns. Árni þykir
ekki líklegur til að
höfða til þeirra sem
vinstra megin eru í
flokknum en sækir
þó töluverðan styrk
hægra megin í Sam-
fylkingunni. Hann
þykir einnig njóta
nokkurs fylgis út fyrir Samfylkinguna.
Hlutur hans í Árbótarmálinu sem og
gagnrýni á kjarasamninga eru ekki til
þess fallin að styrkja stöðu hans. Þá hefur
Árni orð á sér fyrir að reyna um of að
hanna atburðarásina og er sagður stunda
klækjastjórnmál langt umfram það sem
góðu hófi gegnir.
Á síðustu metrunum Verður 2012 síðasta ár Jóhönnu í formannsstólnum?
„Það vita það allir
innan flokksins að
hún er orðin örþreytt.