Dagblaðið Vísir - DV - 30.07.2012, Blaðsíða 22

22 Menning 30. júlí 2012 Mánudagur
Íslenskt Twin Peaks
n Tími nornarinnar slær í gegn í Svíþjóð
T
ími nornarinnar, sjón-
varpsþáttaröð Friðriks
Þórs Friðrikssonar eft-
ir samnefndri skáldsögu
Árna Þórarinssonar, hefur verið
sýnd í sænska ríkissjónvarpinu,
SVT 1, á sunnudagskvöldum nú
í júlí.
Häxans tid, eins og hún heit-
ir á sænsku, virðist hafa farið vel
í Svía, því áhorf var gott sam-
kvæmt mælingum og þættirn-
ir fóru í efsta sæti á Play TV,
vefsjónvarps„voddi“ sænska
sjón varps ins.
Í blaðinu Helsingborg Dag-
blad birtist umsögn undir fyr-
irsögninni Ísköld morð á Ís-
landi. Þar vekur gagnrýnandi
athygli á því að í þáttunum sé
allt önnur stemning en í bók-
um Arn aldar Indriðasonar og
fannfergið í þeim eigi betur við
á slæmu sænsku sumri en þeir
sem gerast í sól og blíðu. „Smá-
bæjarkomplexinn, músíkin og
mystíkin í Häxans tid minn-
ir mig ósjálfrátt á Twin Peaks
... og serían virkar framúrskar-
andi þegar maður hefur horft
á hundrað þáttum of mikið af
Midsomer Murders (Barnaby
lögregluforingja).“
Samkvæmt mælingum
Capacent Gallups var Tími
nornarinnar vinsælasta leikna
þáttaröðin í íslensku sjónvarpi
í fyrra. Aðalhlutverkið, Einar
blaðamaður, er leikið af Hjálm-
ari Hjálmarssyni.
Söguþráðurinn er á þá leið
að Einar, blaðamaður Síðdeg-
isblaðsins, hefur yfirgefið sín-
ar fornu veiðilendur, löggufrétt-
ir af höfuðborgarsvæðinu, og
er fluttur til Akureyrar því auka
skal útbreiðslu blaðsins á upp-
gangstímum á Norðurlandi.
Fyrsta verk Einars fyrir norð-
an er að skrifa um konu sem
deyr af slysförum í flúðasiglingu
og rannsókn á hvarfi ungs leik-
ara sem seinna finnst myrtur.
Atburðarásin þróast í marg-
slungna fléttu þar sem hver
gátan rekur aðra. Bókin, Tími
nornarinnar, var tilnefnd til Ís-
lensku bókmenntaverðlaun-
anna árið 2005.
Ádeila á
illsku
Hið vinsæla ævintýri um
Pétur Pan er sett í nýjan
búning í spunasögu sem
kom nýlega út hjá bókafor-
laginu Óðinsauga.
Höfundurinn, Huginn
Grétarsson, segist hafa skrif-
að söguna sem ádeilu á þá
illsku sem fyrirfinnst í mörg-
um barnasögum. „Ég og
börnin erum hálfþreytt á öll-
um þessum illmennum sem
vaða uppi í barnaefni. Mig
langaði því að mýkja aðeins
ímynd þessa fræga illmenn-
is, Kobba klóar. Hann er
hálf misheppnaður greyið.
Bæði hræddur og stríðir við
sjálfsmyndarvanda,“ segir
Huginn.
Dropi við
dropa
Sýningaropnun var um
helgina í anddyri Norræna
hússins. Á sýningunni eru
20 prentaðar auglýsingar
sem vekja athygli á vatns-
skorti í heiminum og hag-
kvæmri nýtingu auðlinda en
tilgangur sýningarinnar, sem
ber heitið Dropi við dropa,
er að draga athygli að vax-
andi vatnskrísu í heiminum.
Sameinuðu Þjóðirnar skipu-
lögðu samkeppni þar sem
hanna átti auglýsingu sem
veitti öðrum innblástur til
að spara vatnið – nú og fyrir
komandi kynslóðir.
„Hrafnhildur“
frumsýnd
„Kynleiðrétting er ekki
val, hún er nauðsyn,“ seg-
ir Hrafnhildur sem eftir 26
ára þögn tilkynnti fjölskyldu
sinni og vinum að hún
væri ekki strákur – heldur
stelpa. Hún hafði þá lengi
reynt að bæla niður tilf-
inningar sínar og lifa sem
strákurinn Halldór Hrafn.
Heimildamynd fjölmiðla-
konunnar Ragnhildar
Steinunnar Jónsdóttur, þar
sem fylgst er með Hrafn-
hildi leiðrétta kyn sitt verð-
ur frumsýnd í Bíó Paradís á
fyrsta degi Hinsegin daga í
Reykjavík, þriðjudaginn 7.
ágúst kl. 19:30.
Svíar sólgnir í glæpasögur
Häxans tid, eins og hún heitir á
sænsku, virðist hafa farið vel í Svía.
Þ
að var allt sett í botn
og fólkið hékk bara í
sætunum á meðan við
reyndum að syngja,“
segir Bjartur „Beatur“
Guðjónsson í hljómsveitinni
Þrjár raddir og Beatur sem
hafa gert það gott í Noregi
undanfarin misseri. Bjartur
og raddirnar þrjár, þær Sand-
ra Þórðardóttir, Inga Þyrí
Þórðardóttir og Kenya Emil,
hafa upplifað ýmislegt og
meðal annars að syngja um
borð í hraðskreiðustu snekkju
heims.
„Kampavíns glösin rúlluðu
út í sjó og jarðarber út um allt,“
heldur Bjartur áfram en hann
söng ásamt hljómsveitinni
um borð í snekkjunni á veg-
um lúxusklúbbsins Quintes-
sentially en hann sérhæfir sig
í túrisma fyrir milljónamær-
inga frá öllum heimshornum
og þar á meðal Noregi. „Við
vorum að syngja um borð á
meðan það var verið að sýna
fólki þessa snekkju og svo var
allt sett í botn og enginn heyrði
neitt í okkur á meðan. Þetta var
frekar fyndið.“
Eins og þeir sem til sveitar-
innar þekkja þá notast Bjartur
og dömurnar ekki við nein
hljóðfæri heldur aðeins radd-
irnar. Sandra, Inga og Kenya
syngja á meðan Bjartur, sem
er taktkjaftur eins og það kall-
ast á íslensku, er oft í hlut-
verki heillar hljómsveitar. At-
riðið hentar því vel um borð
í snekkjunni en sveitin hef-
ur verið eftirsótt hjá fræga og
fína fólkinu í Noregi.
„Það byrjaði bara fyrir til-
viljun, þannig séð,“ en þegar
Bjartur og raddirnar komu til
Noregs lögðu þau mikla vinnu
í að koma sér á framfæri. „Við
bjuggum á einhverju ógeðs-
legu farfuglaheimili. Fórum
svo á milli umboðsskrifstofa,
sungum lag og kynntum okk-
ur. Stelpurnar klæddar upp í
eins kjólum og ég í jakkaföt-
um. Svo vorum við á stað sem
heitir Aker Brygge og er í Osló.
Það er svona mest „posh“
staðurinn í Osló þar sem all-
ir eru á snekkjum, með plat-
ínum kortið og 80.000 króna
sólgleraugun. Vorum að
syngja á umboðsskirfstofu þar
og konan sem var að vinna
þar var einmitt að sjá um
þetta gigg á snekkjunni. Þar
sem stelpurnar voru klæddar
í einskonar sjóliðakjóla þá var
þetta alveg tilvalið.“
Bjartur ætlaði að dvelja
í Noregi í þrjá mánuði til að
byrja með en hefur nú búið
þar í tvö ár og hefur meðal
annars komið fram í norsku
óperunni þar sem hann mun
aftur koma fram með hljóm-
sveitinni næsta vor. „Þetta
var alveg óvart. Ég ætlaði
ekkert að flytja hingað.“
Auk þess að koma fram í
norsku Óperunni í vor voru
þau að ljúka við tökur fyr-
ir einn vinsælasta sjónvarps-
þátt Noregs. „Hann heitir
Beat for beat og er svona eins
og Það var lagið með Hemma
Gunn var. Nema hérna er
þetta í gangi ár eftir ár og fá-
ránlega vinsælt.“
Þó að tilviljun hafi ráðið
því Bjartur, Sandra, Inga og
Kenya fóru að skemmta fyr-
ir ríka og fræga fólkið hef-
ur sveitin náð að markaðs-
setja sig fyrir þann hóp og því
nóg að gera. „Einhverra hluta
vegna erum við dugleg í að
koma okkur í einhver þannig
gigg og erum oft að syngja
í kastölum og einhverjum
speis uðum stöðum.“
Hægt er að fylgjast með
hljómsveitinni og nálgast tón-
list hennar á vefsíðunum face-
book.com/3voicesbeatur og
3raddir.is.
asgeir@dv.is
3 raddir og Beatur
Skemmtu um borð
í hraðskreiðustu
snekkju heims.
Kampavíns-
glösin rúlluðu
n Þrjár raddir og Beatur n Skemmtu í hraðskreiðustu snekkju heims
Koma fram í norsku Óperunni Bjartur kemur þar fram öðru sinni næsta vor.