Dagblaðið Vísir - DV - 08.05.2013, Blaðsíða 2

Rándýrt úr
gert upptækt
Héraðsdómur Reykjaness
hefur dæmt karlmann til að
greiða rúmlega sjö hundruð
þúsund króna sekt og til að
sæta upptöku á Hublot-arm-
bandsúri. Maðurinn var stöðv-
aður á Keflavíkurflugvelli í apríl
í fyrra við komuna frá London.
Í fórum hans fannst armbands-
úr af gerðinni Hublot og var
verðmæti þess metið á 2,8
milljónir króna. Var maðurinn
í kjölfarið ákærður fyrir tolla-
lagabrot þar sem hann gerði
tollgæslunni ekki grein fyrir úr-
inu. Maðurinn játaði sök í mál-
inu og samþykkti einnig kröfu
ákæruvaldsins um upptöku á
úrinu. Maðurinn þarf að greiða
sektina innan fjögurra vikna,
ella sæti fangelsi í 45 daga.
2 Fréttir 8. maí 2013 Miðvikudagur
S
tórt svæði á Esjunni er orðið
hálfgert drullusvað eftir mik-
inn átroðning göngufólks
utan merktra gönguleiða.
Svæðið sem orðið hefur
verst úti nefnist Einarsmýri, en fólk
vílar ekki fyrir sér að ganga þar yfir
þrátt fyrir að jörðin sé opið sár á
stóru svæði. Til stendur að lagfæra
Einarsmýri og útbúa þar merkta
gönguleið til að koma í veg fyrir frek-
ari átroðning. Skógrækt Reykjavíkur
hefur fengið framkvæmdaleyfi til
verksins en það strandar á fjárskorti.
„Við höfum þetta leyfi en það þýð-
ir ekki að við förum í aðgerðir strax.
Það fer eftir því hvernig okkur tekst
að fjármagna framkvæmdina,“ segir
Helgi Gíslason, framkvæmdastjóri
Skógræktar Reykjavíkur sem hefur
umsjón með verkefninu. Eins og
staðan er í dag er fjármagnið ekki í
augsýn en búið er að sækja um styrki
til nokkurra aðila.
Hægt að fara í einfaldar
aðgerðir
„Þetta svæði er orðið mjög leiðinlegt
en það er ekki óyfirstíganlegt að laga
þetta. Það væri hægt að fara í góð-
ar og tiltölulegar einfaldar aðgerð-
ir sem myndu koma þessu í miklu
betra horf.“
Helgi segir kostnaðinn við að-
gerðirnar ekki þurfa að vera mikinn
en það setji vissulega strik í reikn-
inginn hve hátt uppi í fjallinu umrætt
svæði sé. Kostnaðurinn liggur ekki
fyrir en hann fer mikið eftir því hvaða
úrlausnir verður farið í. Hugmynd-
irnar eru tvær að sögn Helga, annað-
hvort að brúa svæðið eða fara í jarð-
vegsflutninga.
„Svo höfum við verið að ræða það
hérna innanhúss að leggja einhverja
vinnu í hönnun á stígnum. Þetta er
notað svo mikið og við viljum auð-
vitað að þetta verði smekklegt, geti
þjónað sem flestum og falli vel inn í
landið. Við vitum allavega að það er
ekki sama hvernig þetta er gert.“
Bresk sjálfboðaliðasamtök sjá
um endurbætur
Esjan er óumdeilanlega eitt vin-
sælasta útivistarsvæði höfuðborgar-
búa og fjöldi fólks gengur reglulega á
fjallið. Þá verður Esjan sífellt vinsælli
meðal erlendra ferðamanna. Það er
því nauðsynlegt að viðhald á göngu-
stígum sé gott og þeir vel merktir
til að koma í veg fyrir eyðileggingu
gróðurs.
„Menn hafa velt því fyrir sér
hvernig best sé að byggja þetta upp
sem gott útivistarsvæði. Það er mikið
búið að planta í Esjuna og svo er búið
að vinna töluvert af fínum stígum út
frá Mógilsá,“ segir Helgi.
Pokasjóður hefur síðustu árin
verið einn helsti stuðningsaðili Skóg-
ræktar Reykjavíkur og fjármagn
úr honum hefur verið notað til að
viðhalda göngustígum á Esjunni.
Þá koma bresk sjálfboðaliðasamtök,
British Volunteers, reglulega hingað
og lagfæra með handafli neðri hluta
göngustígsins. Að sögn Helga kemur
hópur frá samtökunum hingað til
lands í lok maí til að lagfæra það sem
runnið hefur úr stígnum í vetur og
undirbúa hann fyrir sumarið.
„Svo erum við að smá lengja
endurbæturnar á honum upp fjallið,
en eftir því sem stígurinn lengist þá
þarf meira viðhald á honum. Og það
fer meiri tími í það,“ útskýrir Helgi
sem telur þó ekki hægt að fresta
framkvæmdum við Einarsmýri mikið
lengur.
Kallar eftir fjármagni
„Það verður að taka þetta svæði í
gegn og vonandi tekst okkur að fá
stuðningsaðila til að klára þetta.
Landsnet hefur boðið sig fram til að
hjálpa okkur með vinnuflokk og það
hjálpar verulega mikið.“ Þó sú að-
stoð sé kærkomin fyrir Skógræktina
dugir hún skammt þegar fjármagnið
til framkvæmdanna vantar. „Það er
auðvitað kostnaður við hönnun, sem
þarf að vera aðkeypt þjónusta og
efniskostnaður. Svo ef það þarf ein-
hverjar vélar og tæki. Og ef það verð-
ur farið í brúargerð – þetta kostar allt
saman.“
Helgi vill fá að kalla eftir fjár-
magni til framkvæmdanna, enda sé
það hagur allra að koma í veg fyrir að
svæðið fari verr en orðið er.
„Það væri óskaplega gleðilegt ef
það væri hægt að taka Einarsmýrina
í sumar og koma skikki á hana,“ segir
hann að lokum. n
Sólrún Lilja Ragnarsdóttir
blaðamaður skrifar solrun@dv.is
Esjan Er Eitt
drullusvað
n Göngufólk treður niður Einarsmýri n Lagfæringar stranda á fjárskorti
Útivistarsvæðinu við Esjuna er viðhaldið
bæði af Skógrækt Reykjavíkur og
Skógrækt ríkisins og í sjónmáli eru frekari
framkvæmdir til að gera svæðið betra til
útivistar.
Björn Traustason, landfræðingur hjá
Rannsóknarstöð Skógræktar ríkisins við
Mógilsá, hefur fengið styrk úr Fram-
kvæmdasjóði ferðamannastaða til að
stika út nýjar gönguleiðir austan við
Mógilsá. „Hugmyndin með því er akkúrat
sú að reyna að minnka álagið á aðalstígn-
um og dreifa því yfir nýtt svæði í Esjunni.
Það er verið að reyna að bjóða upp á fleiri
möguleika,“ segir Björn.
Þá er ýmislegt fleira í skoðun varðandi
bætt aðgengi og öryggi göngufólks á
Esjunni. Björn tekur sem dæmi kletta-
beltið þar sem ýmis slys hafa orðið á fólki
síðustu misseri, þar þurfi að gera einhverjar
ráðstafanir. Slíkar framkvæmdir yrðu þó
mjög kostnaðarsamar og líklega ekki á
döfinni alveg á næstunni. Til stendur þó að
gera heildarúttekt á því sem þarf að gera
á Esjunni og verður það samstarfsverkefni
Skógræktar ríkisins og Reykjavíkur.
Frekari göngustígagerð í sjónmáli
Hugmyndin er að dreifa álaginu
Einarsmýri Eins og sjá má
að myndunum þá er svæðið
orðið mjög illa farið. Fólk hik-
ar ekki við að ganga þar yfir
þrátt fyrir að það sé opið sár.
„Það verður að taka
þetta svæði í gegn
og vonandi tekst okkur
að fá stuðningsaðila til
að klára þetta.
Kallar eftir fjármagni Helgi Gíslason,
framkvæmdastjóri Skógræktar Reykjavíkur,
segir nauðsynlegt að fara í lagfæringar á
Einarsmýri sem fyrst.
Mikil fjölgun
gistinótta
Gistinætur á hótelum í mars voru
163.200 og fjölgaði um 22 pró-
sent frá mars í fyrra. Þetta kemur
fram í tölum sem Hagstofa Íslands
birti á þriðjudag. Þar kemur fram
að gistinætur erlendra gesta hafi
verið um 79 prósent af heildar-
fjölda gistinátta í mánuðinum en
þeim fjölgaði um 26 prósent frá
sama tíma í fyrra. Jafnframt fjölg-
aði gistinóttum Íslendinga um 10
prósent.
Á höfuðborgarsvæðinu voru
115.700 gistinætur á hótelum í
marsmánuði og fjölgaði þeim
um 11 prósent frá sama mánuði
í fyrra. Gistinóttum fjölgaði um-
talsvert á Austurlandi og voru þar
6.000 gistinætur í mars samanbor-
ið við 2.100 í mars 2012. Á sam-
anlögðu svæði Vesturlands og
Vestfjarða voru 6.200 gistinætur
í mars eða tvöfalt fleiri en í mars
2012. Á Norðurlandi voru 11.300
gistinætur í mars sem er 80 pró-
senta aukning frá fyrra ári. Á
Suðurnesjum voru um 7.000
gistinætur í mars en það samsvar-
ar til 36 prósenta aukningar frá
sama mánuði í fyrra. Á Suðurlandi
voru 17.200 gistinætur á hótelum
til samanburðar við 13.100 í mars
2012.
Gistinætur á hótelum í janú-
ar, febrúar og mars voru 391.600
til samanburðar við 309.077 fyrir
sama tímabil árið 2012. Gistin-
óttum erlendra gesta hefur fjölg-
að um 31 prósent samanborið
við fyrsta ársfjórðung árið 2012
á meðan gistinóttum Íslendinga
hefur fjölgað um 10 prósent.