Dagblaðið Vísir - DV - 08.05.2013, Side 6

K
arlmaður á sextugsaldri
fannst látinn í blokkaríbúð
á Blómvangi á Egilsstöðum
á þriðjudagsmorgun. Þegar
lögreglan kom á vettvang var
ljóst að andlát mannsins hefði ekki
borið að með eðlilegum hætti. Sam­
kvæmt heimildum DV var aðkoman
slæm. Þeir lögregluþjónar sem komu
fyrstir á staðinn yfirgáfu íbúðina strax
og biðu eftir tæknideild.
Jónas Vilhelmsson er yfirlögreglu­
þjónn á Eskifirði. „Það kemur út­
kall frá fjarskiptamiðstöð í morgun
til lögreglunnar á Egilsstöðum, sem
fer á vettvang og finnur þar látinn
mann,“ sagði hann í samtali við DV
á þriðjudag. „Það virðist sem þetta
sé voveiflegt andlát, þannig að lög­
reglumennirnir bakka út og kalla til
rannsóknarlögregluna á Eskifirði.“
Fjölskyldufaðir í haldi lögreglu
Karlmaður er í haldi lögreglu grunað­
ur um að hafa ráðið manninum bana.
Hann er hálfþrítugur fjölskyldufaðir
með konu og barn. Samkvæmt upp­
lýsingum frá heimamönnum var
hann aðkomumaður, nýfluttur í bæ­
inn. Á smáauglýsingasíðu á Facebook
má sjá hvar hann óskar eftir leiguíbúð
á Egilsstöðum í febrúarlok og kerru til
leigu skömmu síðar.
Hinn látni var einnig nýfluttur á
Egilsstaði en hann var að sögn ljúf­
lingsmaður sem öllum líkaði vel við.
Hann var úr sveitinni og hafði búið
einn með móður sinni, en flutti í bæ­
inn eftir andlát hennar. Hann lætur
ekki eftir sig börn.
Mennirnir bjuggu í sömu blokk en
ekki er vitað til þess að þeir hafi tengst
að öðru leyti. Lögreglan á Eskifirði
staðfesti í samtali við DV að meintur
gerandi hafi valdið ónæði á mánu­
dagskvöld. Lögreglan hafði þá af­
skipti af manninum í kjölfar kvart­
ana nágranna en ekki þótti ástæða til
þess að handtaka hann. Samkvæmt
heimildum DV hafði maðurinn bank­
að upp á hjá nágrönnum sínum og
beðið um áfengi og tóbak.
Nágranni hringdi í Neyðarlínuna
Það var svo um átta leytið á þriðju­
dagsmorgun sem nágranni þeirra
hringdi í Neyðarlínuna þegar hann
sá hinn látna liggja hreyfingarlausan
í íbúð sinni. Samkvæmt heimildum
DV fannst hann látinn á svölunum
en lögreglan sveipaði svalirnar grænu
klæði á meðan rannsókn fór fram.
Ljóst er að hinn látni lést aðfara­
nótt þriðjudags en lögreglan hefur
ekki viljað veita upplýsingar um
hvernig það gerðist og eins er ekki
vitað hvað lá að baki meintu ódæðis­
verki. Þá liggur ekki fyrir hvort vitni
hafi verið að atburðinum en lögreglan
leitar að þeim sem geta gefið upplýs­
ingar um málið.
Fimm lögreglumenn farnir austur
Lögreglan á Eskifirði fer með rann­
sókn málsins ásamt lögreglunni á
Seyðisfirði en lögreglan á höfuð­
borgarsvæðinu hefur einnig verið
þeim til aðstoðar og sent fimm menn
á svæðið.
Maðurinn sem er í haldi lög­
reglunnar hafði ekki verið yfirheyrður
formlega seinnipart þriðjudags þótt
rætt hafi verið við hann. Formleg yfir­
heyrsla fer ekki fram fyrr en tækni­
deild lögreglunnar á höfuðborgar­
svæðinu hefur lokið störfum. Honum
hefur verið úthlutaður verjandi.
Á þriðjudagskvöld lá ekki fyrir
hvort farið yrði fram á gæsluvarð­
hald yfir manninum en ákvörðun um
það verður væntanlega tekin á mið­
vikudagsmorgun, ef ekki fyrr. „Það
er einn maður, sem við eigum eftir
að yfirheyra, í haldi hjá lögreglunni.
Við erum að vinna þessa hefðbundnu
vinnu, leitum eftir vitnum,“ sagði
Jónas á þriðjudag. Þýskur meina­
tæknir dvelur nú á Egilsstöðum og
hjálpar til við rannsókn málsins. n
6 Fréttir 8. maí 2013 Miðvikudagur
Skattkerfið einfaldað
n Verðtryggingin er eitt stærsta ágreiningsefni Sigmundar og Bjarna
V
ið erum sammála um mikilvægi
þess að einfalda skatt kerfið og
gera það skilvirkara. Þetta sagði
Sigmundur Davíð Gunnlaugs­
son, formaður Framsóknarflokksins,
um stjórnarmyndunar viðræðurnar
við Bjarna Benediktsson.
„Við höfum rætt efnahagsmálin í
víðu samhengi, í samhengi við skulda­
mál og kjarasamninga, og nú stefnum
við á að ræða skuldamál heimilanna,“
segir Bjarni Benediktsson, formaður
Sjálfstæðisflokks, um viðræðurnar.
Sumir hafa gagnrýnt áform um að
afnema þrepaskiptingu í skattkerf­
inu enda þýði slík breyting að skattur
lækki á tekjuhærri einstaklinga. Að­
spurður um þessa gagnrýni segir
Bjarni: „Það er röng túlkun á tillögum
okkar í skattamálum. Það sem ég hef
mestan áhuga á eru skatta­ og vaxta­
bætur, sem koma ekki hátekjufólki
best,“ segir hann.
Áherslur Sjálfstæðisflokksins og
Framsóknarflokksins eru mismun­
andi varðandi skuldamálin en Bjarni
leggur áherslu á að lækka skatta og
auka þannig ráðstöfunarfé, en Sig­
mundur Davíð hefur viljað beina leið­
réttingu á verðtryggðum húsnæð­
islánum. Sigmundur Davíð vill enn
fremur afnema verðtrygginguna, en
það hefur Sjálfstæðisflokkurinn ekki
viljað. Því er verðtryggingin að öllum
líkindum stærsta samningsefnið, að
undanskildum ráðherrakaplinum.
„Við höfum rætt ráðherraskipan lítil­
lega,“ staðfestir Bjarni.
Samhljómur er hjá honum og Sig­
mundi Davíð um mikilvægi þess að
lágmarka verðtrygginguna, og vísar
Sigmundur í ályktun af landsfundi
Sjálfstæðisflokksins þar sem áhersla
var lögð á að tryggja framboð óverð­
tryggðra lána til lengri tíma. „Það hafa
verið ólíkar áherslur en við höfum
verið sammála um þetta, þótt við
séum ósammála um hversu langt eigi
að ganga.“ n
Ræða saman Bjarni og Sigmundur hafa
fundað stíft undanfarna daga og meðal
annars rætt lítillega um ráðherraskipan.
MyNd PReSSPhotoS.Biz
Eldur kom
upp í strætó
Vegfarendur á Hverfisgötu ráku
upp stór augu þegar þeir sáu
eldglæður aftan í strætisvagni á
þriðjudagsmorgun. Vegfarandi
sem varð vitni að þessu sá eldinn
koma upp í vagninum þar sem
hann var á horni Bankastrætis
og Lækjargötu laust fyrir klukkan
níu um morguninn. Vagninn var
hins vegar ekki stöðvaður fyrr en
hann var kominn langleiðina upp
Hverfisgötuna, en þá höfðu veg­
farendur reynt að gera bílstjóra
vagnsins viðvart um eldinn.Greið­
lega gekk að slökkva eldinn eftir
að vagninn hafði verið stöðvaður.
Eftir því sem best er vitað urðu
engin slys á farþegum strætis­
vagnsins en ekki náðist í Reyni
Jónsson, framkvæmdastjóra
Strætó, vegna málsins.
Hvorki lögreglan né slökkvi­
liðið á höfuðborgarsvæðinu gat
veitt upplýsingar um málið.
Jón Steinar í
meiðyrðamál
við Þorvald
Meiðyrðamál Jóns Steinars Gunn­
laugssonar, fyrrverandi hæstarétt­
ardómara, gegn Þorvaldi Gylfa­
syni var tekið fyrir í Héraðsdómi
Reykjavíkur á þriðjudag. Telur Jón
Steinar að Þorvaldur hafi haft uppi
ærumeiðandi ummæli í grein sem
hann skrifaði í ritröð háskólans í
München í mars í fyrra. Jón Steinar
vill meina að Þorvaldur hafi sakað
hann um að misfara með vald sitt
sem dómari við Hæstarétt. Á Þor­
valdur, samkvæmt Jóni Steinari, að
hafa haldið því fram að Jón Steinar
hafi samið í leynd kæruskjal vegna
stjórnlagaráðskosninganna sem
fór að endingu fyrir Hæstarétti þar
sem Jón Steinar var dómari.
Verjandi Þorvaldar fór fram á að
kallað yrði til vitni við aðalmeðferð
málsins en lögmaður Jóns Steinars
var ekki samþykkur þeirri kröfu.
Dómarinn í málinu ætlar að
taka sér vikufrest til að ákveða
hvort hann leyfi vitni við aðalmeð­
ferð málsins.
Harmleikur á
Egilsstöðum
n Ungur fjölskyldufaðir í haldi lögreglu n Aðkoman var slæm
„Það er einn mað-
ur, sem við eigum
eftir að yfirheyra, í haldi
hjá lögreglunni.
Rannsókn stendur yfir Lögreglan á Eskifirði fer með rannsókn málsins ásamt lög-
reglunni á Seyðisfirði.
Voveiflegt andlát
Þegar lögreglumenn
komu að manninum
yfirgáfu þeir íbúðina og
biðu eftir tæknideild.
Myndir: AuSturfrétt/GunnAr