Dagblaðið Vísir - DV - 08.05.2013, Síða 8

8 Fréttir 8. maí 2013 Miðvikudagur
Auglýsa eftir kaffibollum
n Kaffihúsið GÆS opnar í Tjarnarbíói n Tækifærum fatlaðra fjölgað
Þ
ann 1. júní n.k. verður kaffihúsið
GÆS opnað í Tjarnarbíói. Að
kaffihúsinu standa nemendur í
starfstengdu diplómanámi, fyrir
fólk með þroskahömlun, í Háskóla Ís-
lands. Hugmyndin að GÆS varð til hjá
nemendunum í diplómanáminu sem
vilja með þessu framtaki leggja sitt af
mörkum til að auka fjölbreytni í at-
vinnutækifærum fatlaðs fólks. Þetta
kemur fram í tilkynningu sem Reykja-
víkurborg sendi frá sér.
Þar kemur jafnframt sannarlega
fram að ekki sé hægt að bjóða upp á
kaffi án þess að hafa nauðsynlegan
borðbúnað og leitar hópurinn nú til al-
mennings um að leggja þeim til kaffi-
bolla. Þau taka á móti bollum af öllum
stærðum og gerðum frá þeim sem vilja
hjálpa til við að koma kaffihúsinu af
stað. Móttaka kaffibolla verður í Ráð-
húsi Reykjavíkur milli klukkan 14–16,
á uppstigningardag, fimmtudaginn 9.
maí. Borgarbúar eru hvattir til að taka
þátt og leggja þeim lið.
Þau sem koma til með að starfa
á GÆS eru fimm talsins en þau hafa
unnið áfram með þróun hugmyndar-
innar og undirbúið stofnun kaffi-
hússins í námi sínu í Háskólanum.
Nemendur í kaffihúsahópnum eru
Gísli Björnsson, Lára Steinarsdóttir,
María Þ. Hreiðarsdóttir, Steinunn Ása
Þorvaldsdóttir og Unnur Jónsdóttir.
Leiðbeinandi verkefnisins er Ágústa
Björnsdóttir, verkefnisstjóri diplóma-
námsins.
Kaffihúsið verður staðsett í Tjarnar-
bíói við Reykjavíkurtjörn í sumar með
möguleika á áframhaldi ef vel gengur.
Verkefnið byggir á samningi Sam-
einuðu þjóðanna um réttindi fatl-
aðs fólks og á félagslegum skilningi
á fötlun. Lögð verður áhersla á að
hæfileikar hvers og eins fái að njóta sín
og manngerðum hindrunum í samfé-
laginu rutt úr vegi.

Veittist að
barnsmóður
sinni
Á þriðja tímanum aðfaranótt
þriðjudags barst lögreglunni á
höfuðborgarsvæðinu tilkynning
um karlmann sem hafði veist að
barnsmóður sinni og veitt henni
minniháttar áverka. Árásin átti
sér stað í austurborg Reykjavíkur.
Í tilkynningu sem lögreglan sendi
fjölmiðlum á þriðjudag kemur
fram að hún viti hver gerandinn
er í málinu. Lögreglu hafði þó ekki
tekist að hafa uppi á honum.
Jafnréttisskóli
settur á stofn
Borgarstjórn Reykjavíkur sam-
þykkti á þriðjudag tillögu Vinstri
grænna um að setja á stofn Jafn-
réttisskóla Reykjavíkur. Fyrir-
myndin er Náttúruskólinn sem
nú hefur verið starfræktur í sex
ár með góðum árangri á sviði
sjálfbærni og umhverfismenntar.
Markmiðið með skólanum er að
skapa vettvang fyrir heilsteypt
jafnréttisstarf í skólum í samræmi
við lög, nýjar aðalnámskrár og
mannréttindastefnu borgarinnar.
Skólanum er ætlað að vera þekk-
ingar- og upplýsingamiðstöð þar
sem veitt verður aðstoð og ráð-
gjöf við skipulagningu jafnréttis-
menntunar í samræmi við þarfir
skólanna. Jafnframt verður þar
boðið upp á fræðslu fyrir börn og
kennara.
„Vinstri græn leggja ríka
áherslu á að auka veg jafnréttis- og
kynjafræða í skólakerfinu, að við-
teknar venjur, menning og gildis-
mat sem leiðir af sér kynjamisrétti
verði brotið upp. Það er því sér-
stakt fagnaðarefni að borgarstjórn
hafi samþykkt tillöguna, enda
er hún til marks um að borginni
sé alvara með að vinna að sam-
þykktri stefnumörkun á þessu
sviði, bæta menntun og samfé-
lagið allt,“ segir í tilkynningu sem
Sóley Tómasdóttir, borgarfull-
trúi Vinstri grænna, sendi frá sér á
þriðjudag.
Vaskir starfsmenn Á meðfylgjandi mynd
eru fimmmenningarnir sem standa að kaffi-
húsinu. Frá vinstri: Steinunn Ása Þorvalds-
dóttir, Unnur Jónsdóttir, María Þ. Hreiðars-
dóttir, Gísli Björnsson og Lára Steinarsdóttir.
n Enn hefur leit í Suður-Ameríku engan árangur borið
Friðrik
hvarF
sporlaust
E
nn hefur ekkert spurst til
Íslendings sem leitað er
að í Suður-Ameríku. Ís-
lendingurinn heitir Friðrik
Kristjánsson og er þrjátíu
ára. Hans hefur verið leitað frá því
í byrjun apríl en fyrst voru fluttar
fréttir af málinu hér á landi í kring-
um 10. apríl. Óttast er um afdrif
Friðriks en lögregla verst allra frétta
af málinu sem og fjölskylda hans.
Íslensk lögregluyfirvöld hafa ekki
sent neina fulltrúa frá sér út til þess
að leita hans.
Í náinni samvinnu
við fjölskylduna
„Þetta er fyrst og fremst hjá okkur
eftirgrennslan um þennan mann
sem hefur ekki heyrst til og við
vinnum það bara í náinni sam-
vinnu við fjölskylduna,“ segir Karl
Steinar Valsson yfirlögregluþjónn í
samtali við DV. Hann segist ekkert
geta gefið upp um leitina. Málið sé
í rannsókn og ekkert meira um það
að segja að svo stöddu.
Eftir stendur að hvorki fjölskylda
né vinir Friðriks hafa heyrt í honum
í nokkrar vikur. Friðrik hafði ekki
verið staddur lengi erlendis þegar
leit að honum hófst. Eins og sagt
hefur verið frá þá leituðu íslensk
lögregluyfirvöld liðsinnis lögreglu-
yfirvalda í Brasilíu og Paragvæ við
leitina.
Fullyrt að leitað
sé að öðrum manni
Ýmsar sögur hafa verið í gangi um
hvarf mannsins og segja má að
undirheimarnir logi af sögusögnum
sem sumar hverjar eru mjög ótrú-
legar. Meðal annars hefur því verið
haldið fram að annars Íslendings,
sem búið hefur í Brasilíu í nokkur
ár, sé leitað í tengslum við hvarf
mannsins og grunur leiki á að
honum hafi verið unnið mein. Mun
hafa sést til þess manns í Paragvæ
nokkrum vikum fyrir hvarf Friðriks
en hann var búsettur í Brasilíu. RÚV
sagði frá því 22. apríl síðastliðinn
að kannaðar hafi verið ábendingar
frá Íslandi um að mennirnir hafi
gist á hóteli í höfuðborginni og að
þeir hafi haldið til bæjar fyrir utan
höfuð borgina. En á hvorugum
staðnum hafi nokkur kannast við
að hafa séð mennina.
Einungis leitað að Friðriki
Lögregla segir það þó ekki vera
rétt að annars manns sé leitað, ís-
lensk lögregluyfirvöld hafi einungis
óskað eftir því við Interpol að leitað
væri að Friðriki. Einnig hefur því
verið haldið fram að lögregla hafi
undir höndum einhver gögn sem
bendi til þess að honum hafi verið
unnið mein en samkvæmt upplýs-
ingum frá lögreglu þá hefur hún
engin slíkt gögn höndum.
Ljóst er að margt er á huldu
varðandi hvarf mannsins. Enn
hefur ekki neinn farið frá íslensku
lögreglunni út til Suður-Ameríku
að leita hans og ekki er vitað hvort
það verði gert nema frekari vís-
bendingar um hvarf hans berist. n
Viktoría Hermannsdóttir
blaðamaður skrifar viktoria@dv.is
„Þetta er fyrst og
fremst hjá okkur
eftirgrennslan um þenn-
an mann sem hefur ekki
heyrst til og við vinnum
það bara í náinni sam-
vinnu við fjölskylduna.
Leitað Friðriks hefur verið leitað í Paragvæ og Brasilíu. Ekkert hefur til hans spurst í nokkrar vikur.