Dagblaðið Vísir - DV - 08.05.2013, Qupperneq 17

Neytendur 17Miðvikudagur 8. maí 2013
Vöruverð hækkar
n Þrátt fyrir styrkingu krónunnar
F
rá því í janúar hafa innlendar
mat- og drykkjarvörur hækk-
að um ríflega 2 prósent á með-
an innfluttar hafa hækkað um
0,7 prósent en gengi krónunnar
hefur styrkst um 10 prósent á sama
tíma,“ segir Ólafur Darri Andrason,
hagfræðingur ASÍ, í svari sínu við
fyrirspurn spyr.is sem send var til
nokkurra aðila. Spurt var af hverju
innlendar matvörur hækki jafn
mikið og innfluttar nú þegar krón-
an hefur styrkst.
Ólafur Darri segir jafnframt
að Íslendingar flytji mikið inn af
neysluvöru en einnig aðföngum
sem notuð séu í innlenda fram-
leiðslu. Gengi krónunnar hafi því
mikið að segja um þróun verðlags.
Það séu þó fleiri þættir en gengið
sem hafi áhrif á verðlag; erlend
verðþróun, kostnaðarþróun inn-
anlands, fákeppni innanlands, inn-
flutningsvernd sem sé ætlað að
stuðla að fákeppni og verðbólgu-
væntingar.
Andrés Magnússon, fram-
kvæmdastjóri Samtaka verslunar
og þjónustu, tekur í sama streng í
sínu svari og segir að gengi íslensku
krónunnar hafi ekki eingöngu
áhrif á verð innfluttrar vöru held-
ur einnig á verð innlendrar fram-
leiðslu. Stór hluti af aðföngum til
innlendrar framleiðslu sé innflutt
hráefni, til dæmis hráefni til sæl-
gætisframleiðslu og til framleiðslu
á brauði og kökum. Breytingar á
gengi krónunnar hafi því einnig
veruleg áhrif á verð innlendrar
framleiðslu.
Neytendasamtökin fengu einnig
fyrirspurnina og sögðu að ljóst væri
að verðbreytingar hafi ekki verið í
samræmi við styrkingu krónunn-
ar. Samtökin krefjast þess að styrk-
ing krónunnar skili sér til neytenda
í lægra vöruverði. n
Matreiðslunámskeið
10 til 12 ára
5 dagar 18.900 krónur
Húsdýragarðurinn
Dýranámskeið
5 dagar 22.000
krónur
Listasmiðja
6 til 12 ára
5 dagar 13.200 krónur
Kvikmyndaskóli barnanna
10 til 13 ára
2 vikur 18.000 krónur
Ljósmyndanámskeið
9 til 12 ára
5 dagar 12.500 krónur
Sumarnámskeið TBR
6 til 13 ára
10 dagar 20.000 krónur
Bootcamp - ævintýrahópur
7 til 10 ára
Vika: 12.500 krónur
Faxaból - reiðnámskeið
6 til 15 ára
2 vikur 25.000 krónur
Sirkusnámskeið í Lækjarbotnum
8 til 16 ára
Vika 16.000 krónur
Háskóli unga fólksins - fjör og fræði
12 til 13 ára
5 dagar 17.500 krónur
Jóga jörð
10 til 12 ára
5 dagar 14.000 krónur
Heimspekileg samræða
5 til 13 ára
Vika 12.000 krónur
Sumarnámskeið í
náttúrufræðum
Náttúrufræðistofa
Kópavogs
10 til 12 ára
5 dagar 7.500 krónur
Sumarnámskeið ÍTÓM
7 til 11 ára
5 dagar 10.200 krónur
Drekaævintýri Taekwondo UMFA
5 til 12 ára
5 dagar 7.000 krónur
Ævintýranámskeið Gerplu
6 til 10 ára
5 dagar 15.900 krónur
Myndlistarskóli Kópavogs
6 til 9 ára
12 kennslustundir 13.700 krónur
Tennis- og leikjaskóli
Tennisfélag Kópavogs
5 til 13 ára
5 dagar 15.900 krónur
Smíðavöllur - Frí-
stundamiðstöð-
in Kringlumýri
10 til 13 ára
4 vikur 5.000
krónur
Skólagarðar Kópavogs
6 til 13 ára
Leiga í sumar 4.200 krónur
Borgarbókasafn
Ritsmiðja 8 til 12 ára
Frítt
Hjóla- og ævintýranámskeið
Félagsmiðstöðin Ekkó
9 til 12 ára
5 dagar 5.500 krónur
Sundnámskeið - Frístundamiðstöðin
Frostaskjóli
7 til 8 ára
11 dagar 6.500 krónur
Sumarsmiðjur
Frístundamiðstöðvar Reykjavíkurborgar
10 til 12 ára
Heill dagur
1.200 krónur
Sumarfrí í grunnskólum
Fjöldinn allur af námskeiðum er í
boði fyrir börnin. MynD: ÍTR
Mikill verðMunur á
suMarafþreyingu
n Skólagarðar og smíðavellir ódýrasta afþreyingin n Brjóstsykurgerð, háskólanám og dorg meðal þess sem er í boði
Ódýrast í Reykjavík
lista í þessari umfjöllun. Foreldrar eru
hvattir til að kynna sér vel námskeiðin
og hvar ódýrustu sumartómstundina
er að finna.
Þarf að dekka fimm vikur
Í byrjun júní verða skólalok hjá grunn-
skólabörnum og foreldrar þurfa því að
finna afþreyingu fyrir börnin. Sumar-
frí í skólum er rétt um 10 vikur og gera
má ráð fyrir að flestir foreldrar fái fimm
vikna frí. Það eru því fimm vikur sem
þarf að dekka með námskeiðum og
getur það verið ansi kostnaðarsamt.
Tökum dæmi um barn sem fær að
fara einu sinni á dýrara námskeið, svo
sem sumarnámskeið TBR , eitt meðal-
dýrt námskeið, eins og Heimspekilega
samræðu, og verður svo þrjár vikur í
sumarsmiðju í frístundamiðstöð. Slíkt
sumar kostar foreldrana 50.000 krónur
fyrir eitt barn. n
Sumarsmiðjur frístundamiðstöðvanna eru það ódýrasta sem býðst í Reykjavík. „Við höfum
farið í hjólaferðir, að dorga, út í Viðey og verið með brjóstsykursgerð. Það er nóg um að vera
hjá okkur,“ segir Inga Lára Björnsdóttir, verkefnastjóri í Þróttheimum, aðspurð um hvað
börnunum sé boðið upp á í Sumarsmiðjum frístundamiðstöðva Reykjavíkur. Smiðjurnar
virka á þann hátt að boðið er upp á dagssmiðjur svo foreldrar geta keypt hálfan eða
heilan dag. Dagurinn kostar 1.200 krónur og Inga Lára segir að reynt hafi verið að halda
kostnaðinum í lágmarki.
Blautur
klútur í
örbylgjuna
Þeir sem eiga örbylgjuofn kann-
ast væntanlega flestir við hve erfitt
það getur verið að halda honum
hreinum. Hér er gott og einfalt ráð
til að þrífa ofninn. Settu blautan
klút inn í örbylgjuofninn og stilltu
á miðlungshita í eina mínútu.
Settu svo á þig hanska, opnaðu
ofninn og hreinsaðu hann að inn-
an með klútnum. Gufan sem steig
upp af klútnum hjálpar til við að
losa óhreinindin sem hafa sest
innan í hann. Ef óhreinindin sitja
fast er hægt að endurtaka leikinn.
Standa sig vel í
stundvísi
Síðustu misseri hefur stundvísi
flugvéla í millilandaflugi verið
mjög góð hér á landi. Frá þessu er
greint á vefsíðu Túrista. Þar segir
þó að flugvélarnar taki oftar á loft
á réttum tíma en þær lenda. Brott-
farartímar Icelandair og WOW air
hafi verið samkvæmt áætlun í níu
af hverjum tíu tilfellum en kom-
um hafi seinkað oftar. Á tímabil-
inu 16. til 30. apríl var fjöldi ferða
Icelandair 530 og hlutfall brott-
fara á tíma var 91 prósent. Sömu
prósentu má finna hjá WOW air
en fjöldi ferða var 69. EasyJet sem
flaug 28 sinnum frá landinu fór
á réttum tíma í 86 prósentum til-
vika.
Vörukarfan
hækkar mest
í Krónunni
Verð vörukörfu ASÍ hefur ekki
hækkað í verslunum Víðis frá því
í september 2012 og aðeins um 1
prósent hjá Nettó. Á sama tímabili
hækkaði verð vörukörfunnar um
12 prósent í Krónunni og Iceland.
Þetta kemur fram á heimasíðu
ASÍ.
Þar segir að þegar verðbreytingar
fyrir seinustu þrjár mælingar séu
skoðaðar megi sjá að hækkun hjá
flestum verslunum er á bilinu 3
til 12 prósenta. Frá mælingunni
í september 2012 hafi verð vöru-
körfunnar hækkað mest um 12
prósent hjá Krónunni og verslun-
um Iceland.
Hjá Hagkaupum hafi verð körf-
unnar hækkað um 10 prósent, um
8 prósent hjá 10-11, í Bónus um
6 prósent og Samkaupum-Úrvali
um 5 prósent en hjá Nóatúni og
Samkaupum-Strax hafi hún hækk-
að um 3 prósent og 1 prósent hjá
Nettó.
Vöruverð lækkar ekki Gengi
íslensku krónunnar hefur ekki eingöngu
áhrif á verð innfluttrar vöru.