Dagblaðið Vísir - DV - 10.06.2013, Side 10

10 Fréttir 10. júní 2013 Mánudagur
Þ
egar Gunnar Bragi Sveins-
son utanríkisráðherra var
sveitarstjórnarmaður Fram-
sóknarflokksins í Skagafirði
var talað um það í sveitinni
að hann tæki enga ákvörðun án
þess að ráðfæra sig við Þórólf Gísla-
son kaupfélagsstjóra KS. „Hann kom
alltaf með Nýja-Testamentið frá
Þórólfi og það á ekki síður við í dag,“
segir aðili sem þekkir vel til stjórn-
málastarfs í Skagafirði.
Þetta var áður en Gunnar Bragi
settist á þing árið 2009 og utanríkis-
ráðherrann núverandi var oddviti
framsóknarmanna í sveitarstjórn-
inni Skagafirði. Árið 2009 söðlaði
Gunnar Bragi um og bauð sig fram til
Alþingis sem fyrsti þingmaður Fram-
sóknarflokksins í Norðvesturkjör-
dæmi. Sú viðleitni Gunnars Braga
að ráðfæra sig við Þórólf hefur held-
ur ekki, að sögn, breyst mikið eftir að
hann settist á þing.
Kaupfélag Skagfirðinga er lang-
stærsta og öflugasta fyrirtækið í
Skaga firði og er með meira en 700
manns í vinnu. Umsvif kaupfélags-
ins ná frá sölu matvæla í kaupfélags-
búðinni á Sauðarkróki til framleiðslu
landbúnaðarvara og fiskveiða í gegn-
um dótturfélagið FISK Seafood, eitt
stærsta útgerðarfyrirtæki landsins.
Kaupfélag Skagfirðinga á því gríðar-
legra hagsmuna að gæta í sjávar-
útvegs- og landbúnaðarmálum en
einnig í utanríkismálum þar sem
innganga Íslands í Evrópusam-
bandið gæti breytt samkeppnisum-
hverfi útgerðarfyrirtækja og fram-
leiðenda á landbúnaðarvörum til
muna. Ef Ísland gengur í Evrópu-
sambandið má ætla að fiskveiðiskip
frá öðrum Evrópusambandslöndum
muni halda til veiða hér við land auk
þess sem önnur Evrópusambands-
ríki munu geta flutt ódýrari landbún-
aðarafurðir til landsins. Innganga Ís-
lands í Evrópusambandið gæti því
komið sér illa fyrir Kaupfélag Skag-
firðinga, þó vitanlega velti áhrifin á
þeim samningum sem Ísland nær
við sambandið.
Vann hjá kaupfélaginu
Taugin á milli Gunnars Braga og Þór-
ólfs er kannski ekki óeðlileg þegar
litið er til þess að áður en Gunnar
Bragi snéri sér að stjórnmálum vann
hann á verslunarsviði Kaup félags
Skagfirðinga. Íbúi á Sauðarkróki hef-
ur orðið: „Þórólfur hefur haldið utan
um hann, passað upp á hann. Hann
er alinn upp í skjóli kaupfélagsins.“
Eftir að Gunnar Bragi hætti störf-
um hjá kaupfélaginu árið 2002 var
hann framkvæmdastjóri bensín- og
veitingasölunnar Ábæjar á Sauðár-
króki til ársins 2007, samhliða því að
taka þátt í sveitarstjórnarmálum.
Tengsl Gunnars við Þórólf Gísla-
son og Kaupfélag Skagfirðinga eru
því umtalsverð og segir einn þing-
maður að það orð hafi farið af hon-
um á Alþingi að hann gangi erinda
kaupfélagsins: „Hann er sagður vera
á Alþingi á vegum Þórólfs Gíslasonar
kaupfélagsstjóra. Ég held að það sé
satt. Þannig að hann sé ekki í pólitík
alveg á eigin vegum og auðvitað er
það alltaf slæmt þó svo að vinskapur
og tengsl séu mikilvæg þá er vont ef
þau eru bara á annan veginn.“
Annar þingmaður segir að hann
hafi fengið það á tilfinninguna í sam-
skiptum sínum við Gunnar Braga
að Kaupfélag Skagfirðinga hafi mik-
il áhrif á hann. „Ég hef engar beinar
sannanir fyrir þessu. Þetta er nátt-
úrulega bara mjög sterk tilfinn-
ing sem maður hefur. Mér finnst
kaup félagsstjórinn vera fullmikið á
bak við hann. Margt í málflutningi
Gunnars Braga, eins og mikil íhalds-
semi í sjávarútvegs- og landbúnaðar-
málum, virðist vera fulllitað af hags-
munum kaupfélagsins. Ég held að
það vanti dálítið upp á að Gunnar
Bragi öðlist pólitískt sjálfstæði. Minn
ótti er sá að í embætti muni hann al-
farið láta stjórnast af þessum öflum í
kringum hann.“
Þekkir ekki vel til utanríkismála
Skipun Gunnars Braga í starf utan-
ríkisráðherra hefur vakið nokkra
athygli fyrir margra hluta sakir en þó
þingmaðurinn hafi setið í utanríkis-
málanefnd á yfirstandandi þingi þá
hefur hann ekki verið þekktur sem
sérstakur áhugamaður um þann
málaflokk, líkt og fram kemur í máli
viðmælenda DV.
Einn þingmaður segir: „Ég held
að ég geti fullyrt að Gunnar Bragi
þekki ekki mikið til utanríkismála.
Mjög margt sem kom upp í Evrópu-
málum á liðnu þingi kom honum
mjög á óvart. Hann þekkti Evrópu-
sambandið og Evrópumálin ekki vel
og virtist, í sannleika sagt, ekki hafa
mikinn áhuga á þessum málaflokki.
Því miður þá bara verð ég að segja
þetta eins og þetta var. En auðvit-
að þýðir það ekki að hann verði lé-
legur utanríkisráðherra. Það getur
verið kostur að ráðherrar séu ekki
sérfræðingar á sviði þess ráðuneyt-
is sem þeir stýra. Heilbrigðisráð-
herra þarf ekki að vera læknir. Góð-
ur stjórnmálamaður á að geta tekið
við hvaða ráðuneyti sem er.“
Annar viðmælandi DV sem þekk-
ir til Gunnars Braga segir að það sé
„absúrd“ að Gunnar Bragi hafi verið
gerður að utanríkisráðherra. „Þetta
er absúrd. Þetta er versta embættið
sem hann gat valið sér. Hann fer inn
í „djobb“ sem hann hefur ekkert vit á
og velur sér aðstoðarmann sem hef-
ur heldur ekkert vit á utanríkismál-
um. Hvernig stendur á því að Gunn-
ar Bragi gerir þetta? Ég bara skil það
ekki.“ Aðstoðarmaðurinn sem við-
mælandinn vísar til heitir Margrét
Gísladóttir, dóttir Gísla Gunnars-
sonar, sóknarprests í Glaumbæ í
Skagafirði.
Einn annar þingmaður segir að
fróðlegt verði að sjá fyrstu skýrsl-
una sem Gunnar Bragi sendir frá
sér um utanríkismál. „Gunnar Bragi
er búinn að skilgreina sig sem al-
Ingi Freyr Vilhjálmsson
ingi@dv.is
Nærmynd
„Þetta verður erfitt
fyrir Gunnar BraGa“
n Þingmenn bera Gunnari Braga Sveinssyni vel söguna n Tengsl hans við Kaupfélag Skagfirðinga þykja óheppileg
„Ég hef ekkert
nema gott af
samskiptum við Gunnar
Braga að segja.
Ólíklegur utanrík-
isráðherra Gunnar
Bragi Sveinsson, sem
sést hér með Sigmundi
Davíð Gunnlaugssyni við
þingsetningu Alþingis á
fimmtudaginn, þykir ljúf-
ur náungi í viðkynningu.
Samþingsmenn hans
efast þó um erindi hans í
utanríkisráðuneytið.
Mynd sigtryggur ari
Léttvín fjórum
sinnum dýrara
Verð á léttvíni getur verið rúmlega
400 prósentum hærra á veitinga-
stað en í vínbúðum samkvæmt
óformlegri athugun fréttastofu
Stöðvar 2. Gerður var samanburð-
ur á verði á ellefu tegundum af
léttvíni á fjórum veitingastöðum í
Reykjavík og kostnaðarverði sams-
konar vína í vínbúðum ÁTVR.
Lægsta álagningin var 194 prósent
en fimm tegundir voru með um og
yfir 400 prósent. Stjórnarmaður í
Vínþjónasamtökum Íslands segir
álagninguna langt frá því eðlilega
og formaður Neytendasamtak-
anna tekur í sama streng.
Telur Alþingi
brjóta lög
Samkvæmt jafnréttislögum á
hlutfall hvors kyns í nefndum
á vegum hins opinbera ekki að
vera lægra en 40 prósent. Í ný-
skipuðum nefndum Alþingis er
hlutfallið stundum lægra en 40
prósent. Kristín Ástgeirsdóttir
framkvæmda stýra Jafnréttisstofu
segir engan vafa leika á því að um
sé að ræða brot á jafnréttislög-
um. „Fimmtánda grein þeirra
laga kveður á um allar opinberar
nefndir og ráð og stjórnir. Og Al-
þingi er ekkert undanskilið þeim
lögum og auðvitað síst af öllu ætti
Alþingi að brjóta lög,“ segir Kristín
í samtali við RÚV.
Formenn þingflokka gera til-
lögur um skipan í nefndir en Krist-
ín segir að ef þingflokksformenn
töluðu saman sín á milli væri
hægur vandi að koma í veg fyrir
ójafna kynjaskiptingu. Hún segir
að Jafnréttisstofa muni gera form-
lega athugasemd við þetta mál.
Stór hluti
túna kalinn
Bændur á Norður- og Austurlandi
hafa margir hverjir orðið fyrir
miklu tjóni af völdum kals í tún-
um. Þórarinn Pétursson, formað-
ur Landssamtaka sauðfjárbænda,
hefur miklar áhyggjur af stöðu
mála en hann hefur á síðustu dög-
um hitt bændur á þeim svæðum
sem verst hafa orðið úti. Nú er svo
komið að Bjargráðasjóður er svo
til þurrausinn og segir Þórarinn
viðbúið að leita þurfi til stjórn-
valda og sækjast eftir bótum vegna
kalsins. „Við erum náttúrlega með
þennan Bjargráðasjóð sem menn
hafa heyrt um og er nú svona
hálf fjárvana þannig að það er al-
veg ljóst að við verðum að biðla
til þess opinbera ef við ætlum
að bæta mönnum það tjón sem
þeir hafa orðið fyrir.“ Einna verst
er ástandið í Hörgárdal, Öxnadal
og Fnjóskadal á Norðurlandi og
í Jökul dal og á Héraði á Austur-
landi. Sums staðar eru dæmi þess
að meira en 70 prósent túna séu
afar illa farin.