Dagblaðið Vísir - DV - 10.06.2013, Side 22

22 Menning 10. júní 2013 Mánudagur
Tónlistin ómar í Þingvallakirkju
n Tónlistarhátíðin Þriðjudagskvöld í Þingvallakirkju haldin sjöunda árið í röð
T
ónleikaröðin Þriðjudags­
kvöld í Þingvallakirkju hefst
á morgun, þriðjudaginn 11.
júní. Þetta er sjöunda árið
sem þessi tónleikaröð er haldin.
Á tónleikunum á þriðjudag mun
Laufey Sigurðardóttir leika einleiks­
verk á fiðlu eftir Johann Sebastian
Bach og eiginmaður hennar, Þor­
steinn frá Hamri, les ljóð.
Fagrir tónar
Skipuleggjandi hátíðarinnar er
Einar Jóhannesson, klarinettuleik­
ari með Sinfóníuhljómsveit Ís­
lands. Tengsl hans við kirkjuna
og sveitina aftur í ættir urðu þess
valdandi að hann ákvað að fylla
kirkjuna með fögrum tónum yfir
sumartímann.
„Móðursystir mín, hún Guðbjörg
Einarsdóttir frá Kárastöðum í Þing­
vallasveit, var organisti í kirkjunni
og afi minn hreppstjóri. Þannig að
ég er tengdur þessum stað. Bæði til­
finningalega og einnig fjölskyldu­
böndum. Þegar móðursystir mín dó
fyrir sjö árum, kom til tals að stofna
minningarsjóð um hana sem tengd­
ist kirkjunni og að efla tónlistarlífið.“
Sungið undir berum himni
Það sem byrjaði sem lítil hátíð
hefur undið upp á sig.
„Á fyrstu hátíðinni fékk ég vini
mína og kollega til að spila á orgel­
ið. Kirkjan er mjög lítil. Tekur bara
50 manns í sæti og þess vegna þarf
ég í raun að passa mig að aug­
lýsa hátíðina ekki of mikið. Þegar
sönghópurinn Voces Thules söng
í kirkjunni þurftum við að fara út
og syngja undir berum himni. Það
var dásamleg stund.“
Meðal þeirra sem fram koma
í sumar er tréblásturstríó skip­
að þeim Einari, Rúnari Vilbergs­
syni og Peter Tompkins sem
spila munu verk eftir Mozart og
fleiri þann 18. júní. Þann 25. júní
mun sönghópurinn Voces Thules
koma fram og svo heldur dagskrá­
in áfram til 9. júlí. n
Íslenskt skáld Í frönsku feni
n Leikur hlutverk íslensks listamanns n Meiri lúxus en í íslensku leikhúsi
S
næbjörn Brynjarsson leik­
húslistamaður leikur um
þessar mundir í sýningunni
Swamp club (Mýrarklúbb­
urinn) sem frumsýnd var
á hinni virtu leiklistarhátíð Vienna
Festwochen í Vín. Verkið er eftir
franska leikhópinn Vivariumstudio
sem Snæbjörn kynntist hér á landi.
Kynntist hópnum á Íslandi
„Ég kynntist Philippe Quesne, sem
er aðalhugmyndasmiður hóps­
ins, þegar hann sýndi á lókal 2008.
Þá var Vivarium studio að „meika
það“, það er að segja, voru að ná
athygli fyrir utan Frakklands í fyrsta
sinn, og ég var nýkominn úr skipti­
námi í París og var fenginn til þess
að vera túlkur fyrir þau. Þetta var
bara svona týpískt aðstoðarmanna
starf þar sem ég hentist eftir pizz­
um en endaði reyndar á sviðinu í
stutta stund.“
Fékk barnabókaverðlaun
Snæbjörn útskrifaðist úr Fræði og
framkvæmd við Listaháskóla Ís­
lands. Hann kallar sig leikhúslista­
mann og rithöfund. Hann deildi ís­
lensku Barnabókaverðlaununum
með félaga sínum Kjartani Yngva
Björnssyni fyrir bókina Hrafnsauga
á síðasta ári. Og hefur bæði skrifað
leikrit og sett á svið gjörninga.
Það er reynsla hans í bókaskrifum
sem nýtist vel í sýningu Vivarium­
studio hópsins. Í verkinu ræðir
Snæbjörn meðal annars um Hrafns­
auga og framhaldið sem Snæbjörn
og Kjartan vinna nú að á herrasetri
í Transilvaníu.
Leikur listamann
„Mitt hlutverk í sýningunni er að
vera íslenskur listamaður. Ég er
kominn til að vinna að skáldsögu
í swamp club, og útskýri fyrir þeim
að ég sé að vinna að fantasíuskáld­
sögu,“ segir Snæbjörn.
Hann segir sýninguna stóra í snið­
um og afar framsækna. Hann býst því
ekki við að íslensk leikhús hafi bol­
magn til að taka hana til sýninga.
„Fagurfræðilega er sýningin hins
vegar mjög athyglisverð. Það er ekki
verið að reyna að kalla fram tilfinn­
ingaleg viðbrögð frá áhorfendum.
Hún snýst ekki um að kalla fram
hlátur eða grátur. Í staðinn er fók­
usinn á myndrænu hliðina, mikið af
vísunum í málverk eftir Brueghel og
Bosch til dæmis og svo eru ein sex
tungumál töluð í sýningunni. Af­
byggingin er algjör.“
Mikill lúxus
Spurður hvernig reynsla það sé að
frumsýna á jafn virtri leikhúshátíð
og Vienna Festwochen segir Snæ­
björn: „Jú, þetta er rosalegt. Miklu
meiri „lúxus“ en maður á að venj­
ast í íslensku leikhúsi. Á köflum er
maður rosaleg stjarna þó maður
sé í aukahlutverki innan sýningar­
innar. Það er undarlegt þegar lista­
gagnrýnendur í Austurríki vitna í
mann.“ n
Leiklist
Símon Birgisson
simonb@dv.is
„Það er
undar-
legt þegar lista-
gagnrýnendur í
Austurríki vitna
í mann
Snæbjörn Brynjarsson Leikur
íslenskan listamann í Vín.
Úr sýningunni Swamp thing
Framsækin og risastór sviðsmynd.
Einar Jóhannesson
Skipuleggur tónlistarhá-
tíðina Þriðjudagskvöld í
Þingvallakirkju.
Andrés Önd
þrítugur
Ein frægasta persónan úr Disn­
ey sögunum, Andrés Önd, heldur
upp á 30 ára afmæli sitt á Íslandi
um þessar mundir. Í tilkynningu
frá Eddu segir að ekkert mynda­
sögublað sé vinsælla hér á landi
en Andrés Önd og að Disney
Syrpan — með Andrési í aðalhlut­
verki, sé vinsælasta efni til útleigu
á bókasöfnum hér á landi. Andrés
hélt upp á 30 ára afmæli sitt í
Smára lind inni um helgina en Walt
Disney lýsti stjörnunni eitt sinn á
þennan veg: „Andrés er yfirgengi­
legur gaur, ókurteis og uppstökk­
ur, en öllum þykir vænt um hann,
líka mér.“
Útvarpsleikhúsið
verðlaunað
Útvarpsleikhúsið hlaut á dögun­
um Norrænu útvarpsleikhúsverð­
launin fyrir verkið Opið hús, eftir
Hrafnhildi Hagalín, í leikstjórn
Kristínar Eysteinsdóttur. Verkið
var jólaleikrit Útvarpsleikhússins
en dómnefndir á Norðurlöndun­
um völdu milli sex norræna verka.
Þetta er í annað skipti á þremur
árum sem Útvarpsleikhúsið hefur
hlotið þessi verðlaun. Í hitteðfyrra
hlaut það verðlaunin fyrir Djúp­
ið. Með hlutverk í Opnu húsi fara
Kristbjörg Kjeld, Erlingur Gísla­
son, Bergur Þór Ingólfsson, Unnur
Ösp Stefánsdóttir, Björn Thors og
Ellert A. Ingimundarson. Hallur
Ingólfsson samdi tónlistina við
verkið en Einar Sigurðsson sá um
hljóðvinnslu.
Veröld hræð-
ir ferðamenn
Veröld hefur gefið út tvær bækur
með draugasögum og fornbók­
menntum fyrir erlenda ferða­
menn. Bækurnar heita: Icelandic
Ghost Stories og Icelandic Literat­
ure of the Vikings. Í tilkynningu frá
Veröld segir að draugar hafi lifað
góðu lífi á Íslandi og vakið ótta og
skelfingu gegnum aldirnar. Í bók­
unum sé að finna þekktustu og
áhrifaríkustu draugasögurnar úr
íslenskum þjóðsögum. Pétur Már
Ólafsson valdi sögurnar og Philip
Roughton þýddi. Í bókinni um Ís­
lendingasögurnar fjallar Ármann
Jakobsson prófessor um Eddu­
kvæðin, sögurnar og önnur mið­
aldarit.