Dagblaðið Vísir - DV - 21.01.2014, Qupperneq 8

Vikublað 21.–23. janúar 20148 Fréttir
K
arlmaður á sextugsaldri,
Stefán Þór Jansen, var í
lok nóvember síðastliðinn
dæmdur af Héraðsdómi
Reykjavíkur í 15 mánaða
óskilorðsbundið fangelsi fyrir kyn­
ferðisbrot gegn barni. Ekki liggur
ljóst fyrir hvort Stefáni verði vikið
úr starfi hjá Hagstofu Íslands en
hann var sendur í ótímabundið leyfi
þegar dómurinn féll og segir starfs­
mannastjóri Hagstofunnar að málið
verði endurskoðað þegar endanleg
niðurstaða fæst í málið.
Greiddi fyrir kynmök
Stefán er fæddur árið 1962 og starfar
sem fagstjóri á efnahagssviði Hag­
stofu Íslands. Brotið sem hann er
dæmdur fyrir átti sér stað í febrúar
2011 en þá átti hann í samskiptum
á netinu við stúlku undir lögaldri og
fékk hana til að hitta sig í kynferðis­
legum tilgangi gegn greiðslu. Stefán
sótti stúlkuna á bifreið sinni og fór
með hana á heimili sitt þar sem hann
sleikti kynfæri hennar og greiddi
henni 25 þúsund krónur fyrir.
Stefán neitaði sök við þing­
festingu og eins við upphaf aðal­
meðferðar málsins en í þinghaldi
þann 21. nóvember játaði hann sök
að hluta til með því að viðurkenna
ákæruefnið rétt, nema hvað varð­
aði aldur brotaþola. Stefán kvaðst
hafa haldið að stúlkan væri tæplega
18 ára gömul og sagði hann stúlk­
una hafa sagst vera 17 ára að verða
18 þegar hann spurði hana um ald­
ur í tölvusamskiptum þeirra. Hann
sagði það aldrei hafa hvarflað að sér
að hún væri yngri, en þegar brotið
var framið var stúlkan ekki orðin 14
ára.
Gekk ekki úr skugga
um aldur brotaþola
Í október 2011 tók dómsformaður
skýrslu af brotaþola og var skýrslu­
takan tekin upp á myndband. Í
dómnum kemur fram að það sé
álit dómsins að á þeim tíma hafi
ekki verið hægt að slá því föstu,
svo óyggjandi væri, að stúlkan væri
yngri en 15 ára. Auk þess var endur­
rit af tölvusamskiptum Stefáns og
stúlkunnar eitt sönnunargagna í
málinu, en þar kemur fram að þegar
Stefán spurði stúlkuna um aldur
sagðist hún vera 17 ára að verða
18. Hins vegar er Stefáni metið það
til gáleysis að hafa ekki gengið úr
skugga um aldur stúlkunnar og var
hann því sakfelldur af ákærunni.
Stefán hefur ekki hlotið dóm
áður og við ákvörðun refsingar hans
var tekið tillit til þess að hann játaði
sakir samkvæmt ákæru að hluta til
auk þess sem hann hafði þegar greitt
stúlkunni skaðabætur og kostnað
lögmanns hennar. Var niðurstaðan
því sú að hann skuli sæta 15 mánaða
fangelsisvist.
Sendur í leyfi
Stefáni hefur ekki vikið frá störfum
hjá Hagstofunni en hann var send­
ur í ótímabundið leyfi þegar dómur­
inn féll.
„Hann er í fríi, hann var sendur
í ótímabundið leyfi,“ segir Ólafur
Arnar Þórðarson, starfsmannastjóri
Hagstofu Íslands, í samtali við
blaðamann. Hann segir þá stað­
reynd að Stefán sé starfsmaður
Hagstofunnar ekki koma dómnum
að neinu leyti við en að hann hafi þó
verið sendur í ótímabundið leyfi um
leið og yfirmönnum stofnunarinnar
varð kunnugt um dóminn.
„Við sjáum bara hvernig þetta
fer. Það er væntanlega einhver
áfrýjunarfrestur og eitthvað slíkt og
það náttúrlega borgar sig í svona
málum, eins og öllum öðrum, að
vera yfirvegaður og sýna ekkert
bráðlæti. Við viljum náttúrlega ekki
að neinn skaðist í neinu bráðlæti,“
segir Ólafur.
Endurskoða stöðuna
Ólafur segir að staða Stefáns innan
stofnunarinnar verði endurskoðuð
þegar endanleg niðurstaða liggur
fyrir, svo sem þegar í ljós kemur
hvort Stefán hyggist áfrýja dómnum
til Hæstaréttar.
„Þetta er náttúrlega ömurlegt
mál. En eins og ég segi þá er hann
bara í fríi núna, ótímabundnu leyfi,
og svo kemst væntanlega endan­
leg niðurstaða í þetta og þá hljótum
við að ræða við hann um það,“ segir
Ólafur.
„Þessi mál hans snúa ekki að
vinnunni og það að hann vinni hjá
okkur kemur þessu náttúrlega ekkert
við. Það er hins vegar þannig að
þegar þessu máli er lokið þá hljóta
menn náttúrlega að skoða þá stöðu
sem upp er komin. En það væri eðli­
lega óskynsamlegt í máli allra starfs­
manna að bregðast við án þess að öll
kurl séu komin til grafar.“
Stefán er, líkt og fyrr segir, í leyfi
og náðist ekki í hann við vinnslu
fréttarinnar.
Grunur um einelti
Dómurinn yfir Stefáni féll þann 29.
nóvember síðastliðinn og í des­
ember voru nokkrir starfsmenn
Hagstofunnar sendir til vinnusál­
fræðings vegna gruns um einelti í
garð Stefáns. Þetta staðfestir Ólafur.
„Já, það kom upp grunur um ein­
elti,“ segir hann, en tekur fyrir að það
hafi tengst hinum nýfallna dómi.
„Við erum náttúrlega með ein­
eltisstefnu eins og okkur ber að
hafa, líkt og öllum öðrum stofnun­
um, og þegar svona grunur kemur
upp þá fer eineltisteymi af stað til
að kanna hvort að einelti sé til stað­
ar. Það er það sem var gert og það
var mjög ánægjulegt að metið var af
utan aðkomandi sérfræðingum að
það væri ekki um einelti að ræða og
þá er búið að hreinsa loftið hvað það
varðar.“ n
n Starfsmaður Hagstofu dæmdur n Einelti gegn honum rannsakað
Fagstjóri
braut
gegn
barni
Hörn Heiðarsdóttir
horn@dv.is
„Við viljum
náttúrlega
ekki að neinn skaðist
í neinu bráðlætiRústaði
íbúðinni
Lögreglan á Selfossi handtók í
liðinni viku mjög ölvaðan karl­
mann í húsi sem hann átti engin
tengsl við. Enginn var í húsinu
þegar maðurinn kom þar inn
en miklar skemmdir höfðu ver­
ið unnar á innanstokksmunum.
Við yfirheyrslu bar maðurinn við
minnisleysi og hafði enga hug­
mynd hvernig hann komst inn í
húsið. Hann var látinn sofa úr sér
í fangageymslu.
Tíu umferðaróhöpp urðu í
Árnessýslu í vikunni og minni
háttar slys á fólki í þrremur
þeirra. Sautján ökumenn voru
kærðir fyrir umferðarlagabrot.
Rak sígarettu í trýni Nökkva
n Hundurinn titraði og skalf n Óvinnufær og við æfingar
K
arlmaður á þrítugsaldri
hefur verið dæmdur til að
greiða 80 þúsunda króna
sekt og tæpa hálfa milljón í
málskostnað fyrir að reka logandi
sígarettu í trýni fíkniefnahundsins
Nökkva. Það var í júní í fyrra sem
Nökkvi og tveir lögreglumenn voru
við fíkniefnaeftirlit á dansleik í fé­
lagsheimili Patreksfjarðar. Nökkvi
sýndi sakborningi áhuga og vildi
þefa af honum. Þessu tóku lög­
reglumennirnir sem svo að Nökkvi
merkti fíkniefnalykt af manninum.
Þegar maðurinn tók eftir Nökkva
beygði hann sig niður og virtist
ætla að klappa hundinum, en þess
í stað rak hann logandi sígarettu í
trýnið á hundinum. „Svo glóð úr
henni þyrlaðist yfir andlit hunds­
ins,“ segir í málsskjölum.
Þegar maðurinn var fluttur á
lögreglustöð baðst hann oft af­
sökunar á þessu. „Hann hafi sagt
að hann skildi ekki af hverju hann
hefði gert þetta,“ sagði annar lög­
reglumannanna fyrir dómi. Fyrir
dómi sagði maðurinn að það hefði
verið óviljaverk að meiða hund­
inn.
Hundurinn Nökkvi var aumur
eftir atvikið, skalf og titraði. Enn
mun ekki liggja fyrir hvort hann
getur starfað sem lögregluhundur
eða hvort hann jafni sig, en hann
er í æfingum um þessar mundir.
Hann mun þó hafa lagast mikið.
Héraðsdómur taldi ljóst að mað­
urinn hefði viljandi meitt dýrið.
Hann sagði hins vegar ósannað
hvort Nökkvi sjálfur hefði orðið
fyrir sýnilegum áverkum eða hvort
hægt væri að meta sem svo að
hann hefði orðið fyrir alvarlegu
og varanlegu tjóni. Maðurinn átti
sér ekki málsbætur og réðst gegn
dýri sem gat ekki varið sig. Maður­
inn á að greiða 80 þúsund krónur í
sekt, en sætir fangelsi ef hann greið­
ir sektina ekki innan fjögurra vikna.
Hann á að auki að greiða málskostn­
aðinn, alls hálfa milljón. n
astasigrun@dv.is
Nökkvi Hér má sjá lögreglu-
hundana Nökkva, Jökul og Þoku
við þjálfun. Nökkvi hefur ekki
verið að störfum síðan í júní, en
er í þjálfun. MyNd: FacEbook-Síða FélaGS
íSlENSkra löGrEGluHuNdaMaNNa
Kröfuhafar
ósáttir
Kröfuhafar föllnu bankanna eru
óánægðir með að stjórnvöld hafi
ekki haft samband við þá til þess
semja um kröfurnar. Segir ráð­
gjafi sem fer fyrir hópi kröfuhafa í
bankana að ríkisstjórnin hafi ekki
lagalegt umboð til þess að skerða
kröfurnar í bankana.
„Ríkisstjórn hefur ekki lagalegt
umboð til þess að skerða kröfur
af þessu tagi,“ segir Barry Russell,
ráðgjafi sem fer fyrir hópi kröf­
uhafanna við fréttastofu Reuters.
„Og margir þeirra sem eiga kröf­
ur sem voru keyptar á nafnvirði
hafa þegar tapað sjötíu prósentum
af peningunum sínum. Þetta er
óréttlætanlegt.“
Russell segir að íslensk stjórn­
völd hafi ekki viljað ganga að
samningaborðinu. Reuters grein­
ir frá því að margir kröfuhafar séu
upprunalegir eigendur, og hafi því
ekki keypt þær á afslætti líkt og
sumir kröfuhafar.
Matt Hinds, sem einnig er ráð­
gjafi fyrir kröfuhafahópinn, segir
að stjórnvöld hafi ekki rétt út neina
sáttarhönd til kröfuhafanna. „Það
hefur verið mjög lítið um bein
samskipti. Það er augljóst að gagn­
kvæm lausn er í hag beggja aðila.
Það myndi hjálpa efnahag Íslands.
Við viljum bara að ríkisstjórnin líti
á þær lausnir sem við höfum lagt
fram,“ segir Hinds við Reuters.
„Þegar öllu er á botninn hvolft
er erlend fjárfesting eina leið Ís­
lendinga til þess að koma efna­
hagnum í rétt horf,“ segir hann
enn fremur.
Hjallastefnan
eins og
Vísindakirkjan
„Þetta er pínulítið eins og Vís­
indakirkjan, annaðhvort trúirðu á
þetta eða ert rosalega mikið á móti
þessu, þetta er pínulítið þannig,“
segir Jóna Benediktsdóttir, bæj­
arfulltrúi Í­listans á Ísafirði, um
Hjallastefnuna ehf., fyrirtæki Mar­
grétar Pálu Ólafsdóttur skólastjóra
í umræðum á bæjarstjórnarfundi.
Bæjarstjórn Ísafjarðarbæjar hef­
ur ákveðið að fresta viðræðum við
fyrirtækið um rekstur leikskólans
Eyrarskjóls í bænum. Greint er frá
þessu á BB.is. Ástæða frestunar­
innar er margþætt en helst er það
vegna námskrárgerðar.