Dagblaðið Vísir - DV - 21.01.2014, Side 16

Vikublað 21.–23. janúar 201416 Fréttir Erlent
Breyskir í pólitík
F
rancois Hollande Frakklands-
forseti hefur haldið við sjón-
varps- og leikkonuna Juile
Gayet í tvö ár. Það var eigin-
kona hans fyrrverandi og
barnsmóðir, Ségoléne Royal, sem
kynnti þau, að því er franska slúður-
blaðið sem greindi fyrst frá fram-
hjáhaldinu greindi frá á dögunum.
Blaðið greindi frá því að Hollande
hefði átt í sambandi við leikkonuna
frá því árið 2011.
Sambýliskona Hollande, blaða-
konan Valerie Trierweiler, var lögð
inn á sjúkrahús eftir að hafa heyrt
af framhjáhaldi bóndans, skömmu
áður áður en blaðið birti umfjöllun
sína þann 10. janúar. Haft hefur ver-
ið eftir fjölskylduvinum að hún hafi
tekið „einum of margar töflur“ í þeirri
viðleitni sinni að hjálpa sér að með-
taka fregnirnar. Hún hafi fengið vægt
taugaáfall og hafi illa verið fær um að
standa í lappirnar.
Bendluð við glæpasamtök
Parið notaði íbúð sem leikkonan
leigði til að hittast. Myndir náð-
ust af fröken Gayet og forsetanum
á gamlársdag, þar sem þau gengu
inn í íbúðina í suðurhluta Parísar.
Hollande var með hjálm á höfði. Það
var í síðasta sinn sem þau notuðu þá
íbúð til að hittast.
Enn syrti í álinn hjá forsetanum
þegar fregnir af því bárust að íbúðin
sem þau notuðu undir ástafundina
tengdist skipulögðum glæpasam-
tökum. Það vakti upp spurningar um
öryggi forsetans.
Forsetinn útilokar málshöfðun
Julie Gayet hefur höfðað skaðabóta-
mál á hendur tímaritinu Close, sem
birti fréttina fyrst. Hún hefur far-
ið fram á að fá átta milljónir í bætur,
auk málskostnaðar, því umfjöllunin
sé árás á einkalíf hennar. Sjálfur hefur
Hollande útilokað málsókn en hann
er ekki sagður hafa heimsótt sambýl-
iskonu sína á sjúkrahúsið. Hann mun
vilja slíta sambandi sínu við blaða-
konuna. Líklegt verður að teljast að
honum verði að þeirri ósk sinni.
Ástfangnir þjóðhöfðingjar
Hollande er alls ekki fyrsti þjóðhöfð-
inginn sem skrikar fótur á sleipu svelli
ástarinnar. Hér fyrir neðan eru rifj-
uð upp nokkur af eftirminnilegustu
framhjáhöldum samtímans. n
n Francois Hollande ekki sá fyrsti til að falla í freistni n Sjáðu frægustu ástarsamböndin
Hollande og leikkonan
Staða: Forseti Frakklands Ár: 2014
Síðasta nafnið á lista þeirra stjórnmálamanna sem
hafa gerst uppvísir að framhjáhaldi er Frakklandsforseti
Francois Hollande. Hann er sagður hafa haldið framhjá
konu sinni með leikkonunni Julie Gayet. Gayet, sem er
tveggja barna móðir, er þekkt sjónvarpskona í heima-
landinu og hefur komið fram í meira en 50 kvikmyndum.
Clinton og Monica
Staða: Bandaríkjaforseti Ár: 1998
Einn frægasti skandall síðari tíma, af þessum
toga, er án vafa samband
Bills Clinton Bandaríkja-
forseta við lærlinginn
Monicu Lewinsky.
Fréttir af kynferðis-
legu sambandi þeirra
komu upp á yfirborðið
árið 1998. „I did not have
a sexual relations with that
woman,“ er líklega sú setning sem Clinton er
þekktastur fyrir að hafa látið út úr sér.
Í bobba Hollande vill
hætta með sambýliskonu
sinni. Það verður líklega
fremur auðsótt. Mynd ReuteRS
Baldur Guðmundsson
baldur@dv.is
Kennedy og Monroe
Staða: Bandaríkjaforseti Ár: 1962
Ástarsamband Marilyn Monroe og John F. Kennedy var líklega dauðadæmt frá upphafi. Kenn-
edy var lofaður þegar eldheitt ástarsamband þeirra hófst en Monroe er sögð hafa verið æst í að
verða eiginkona forseta. Það tókst henni ekki og upp úr sambandinu slitnaði. Erfitt ku hafa verið
að slökkva í glóðum ástarbálsins og skyndilegt fráfall Monroe, þetta sama ár, skildi Kennedy
eftir í djúpri ástarsorg árum saman.
Hitler og Eva
Staða: Kanslari Þýskalands Ár: Sambandið varði í nær 40 ár
Hvern hefði grunað að maðurinn sem ber ábyrgð á því að hafa hafið síðari heimsstyrj-
öldina og staðið fyrir miskunnarlausum aftökum á gyðingum væri fær um að elska. Undir
harðneskjulegu yfirbragði og köldu augnaráði leyndist elskhugi sem átti í ástarsambandi við
Evu Braun. Sagan segir að foringi Nasistaflokksins hafi ekki viljað giftast Evu því hann hafi
óttast að með því að sýna á sér mýkri hliðar myndi hann missa virðingu fylgjenda sinna.
Konurnar hans
Berlusconi
Staða: Forsætisráðherra Ítalíu
Ár: Fjölmörg
Sambönd ólíkindatólsins Silvios Berlusconi
við konur hafa margoft komið upp á yfir-
borðið. Hann er mikill kvennabósi , eiginleiki
sem oft hefur komið honum í bobba. Hann
hefur verið vændur um að hafa stundað
kynferðislegar athafnir við jafnréttisráðherr-
ann Mara Carfagna, „hjartaþjófinn“ Ruby
(Karima El Mahroug), fyrirsætuna Noemi
Letizia og vændiskonuna Patriziu D‘Addario.
Díana og Al-Fayed
Staða: Prinsessa af Wales Ár: 1997
Díana prinsessa af Wales var dýrkuð og dáð af flestum. Díana, sem giftist Karli prins
árið 1981, átti í áralöngu ástarsambandi við Dodi Al-Fayed, son Mohamed Al-Fayed,
eiganda lúxusverslana Harrods. Díana skildi endanlega við Karl 1996 en hafði í mörg ár
átt samskipti við Fayed. Hermt er að þau hafi ætlað að opinbera trúlofun sína daginn eftir
banaslysið hörmulega í París, 1997.
Kóngurinn og
fráskilda konan
Staða: Englandskonungur Ár: 1936
Bretar stóðu á öndinni árið 1936 þegar
Eðvarð Englandskonungur sagði af sér
embætti til að giftast hinni tvífráskildu
Wallis Simpson. Slíkt var fáheyrt og vakti
athygli um gjörvalla heimsbyggðina, enda
hafði hann aðeins gegnt konungdómi í 326
daga. Bretar vildu ekki tvífráskilda konu
fyrir drottningu og settu honum stólinn fyr-
ir dyrnar. Eðvarð konungur valdi ástina og
eftirlét bróður sínum, Albert, konungsríkið.
Nehru og Edwina
Staða: Forsætisráðherra Indlands
Ár: 1947
Ástarsamband
Jawaharlal Nehru,
fyrsta forsætisráð-
herra Indlands, og
Edwinu Mountbatt-
en, eiginkonu Louis
Mountbatten lávarðar,
og síðasta varakonungs
Indlands, er eitt það umtalaðasta í sögunni.
Þó Nehru væri giftur voru persónutöfrar
hans slíkir að konur létu hann ekki óáreittan.
Opinberlega viðurkenndu þau tvö aldrei
annað en að samband þeirra væri platónskt.
Almenningur var annarrar skoðunar.