Dagblaðið Vísir - DV - 02.09.2013, Síða 4
4 Fréttir 2. september 2013 Mánudagur
200 milljarðar vegna Íslands
n Bretar segja greiðslurnar sýna fram á efnahagslegan bata
B
reskir bankar þurftu að reiða
fram fyrstu afborgunina af
þremur á sunnudag til að
borga upp lán sem þeir tóku til
að bæta sparifjáreigendum upp glat-
aðar innistæður í íslenskum bönkum
og dótturfélögum eftir hrun. Þetta
kom fram í tilkynningu sem Sam-
tök fjármálafyrirtækja í Bretlandi
birtu á sunnudag en þar kom fram
að breskir bankar þurfi að greiða
tæplega 1,1 milljarð punda, rúmlega
200 milljarða íslenskra króna, vegna
innistæðna sem voru meðal annars
í Icesave-útibúi Landsbankans í
Bretlandi. Þá þurftu breskir bankar
einnig að bæta tap eigenda inni-
stæðna í Heritable Bank, dótturfélagi
Landsbankans, og í Kaupthing Sin-
ger & Friedland sem var
dótturfélag Kaupþings.
„Þegar bankarnir féllu á Íslandi
áttu hundruð þúsunda breskra við-
skiptavina innistæður í íslensku
bönkunum og var óttast að þeir
myndu glata þeim. Á þeim tíma
ákváðu bresk yfirvöld að tryggja að
enginn myndi glata sínum innistæð-
um í þessum bönkum,“ segir í til-
kynningu samtakanna.
Þá segja samtökin þessar greiðsl-
ur sýna fram á að breska bankakerfið
sé í bata og einnig sýni þær fram á að
breski innistæðutryggingasjóðurinn
þjóni sínu hlutverki og muni tryggja
innistæður ef kemur til annars
bankahruns. n
Skellur Bretar eru byrj-
aðir að borga Icesave.
Mynd JereMy O‘dOnnell
Afmæli Sigmundur Davíð Gunnlaugsson
forsætisráðherra og Bjarni Benediktsson fjár-
málaráðherra fögnuðu hundrað daga afmæli
ríkisstjórnarinnar um helgina. Mynd PreSSPhOtOS.Biz
Ánægður á 100
daga afmælinu
n Sigmundur Davíð ánægður n Hagsmunasamtök heimilanna vondauf
Á
laugardaginn síðastliðinn
voru liðnir hundrað dagar
frá því að ríkisstjórn Fram-
sóknarflokks og Sjálfstæð-
isflokks tók formlega við
völdum undir forystu Sigmundar
Davíðs Gunnlaugssonar forsætis-
ráðherra. Hann segir öll helstu ver-
kefni ríkisstjórnarinnar vera á áætl-
un og blæs á málflutning þeirra
sem telja hana hafa farið hægt af
stað.
Allt á áætlun
„Samkvæmt áætlun. Við erum að
vinna að þeim verkefnum sem við
lögðum upp með í upphafi á þeim
hraða sem við gerðum ráð fyrir,“
sagði Sigmundur í útvarpsþættin-
um Sprengisandi á Bylgjunni um
helgina, aðspurður um eigin mat á
gangi mála.
Þrátt fyrir þetta liggur fyrir að
djörfustu loforð stjórnarflokkanna
í aðdraganda kosninga, meðal
annars um tafarlausar aðgerðir fyr-
ir skuldsett heimili hafa ekki ver-
ið uppfyllt. Ef marka má orð for-
sætisráðherra er hins vegar mikils
að vænta í haust. „Ég er mjög bjart-
sýnn á framhaldið, ég er bjartsýnn
á að okkur takist að breyta hlutum
tiltölulega hratt þegar þing kem-
ur saman vegna þess að undirbún-
ingsvinnan hefur gengið eftir áætl-
un.“
Væntingavísitalan fellur hratt
Hagsmunasamtök heimilanna
virðast ekki deila þessari bjartsýni
með forsætisráðherra. Í yfirlýs-
ingu samtakanna í tilefni af hund-
rað daga afmæli ríkisstjórnarinnar
segir að sú von sem samtökin hafi
bundið við nýja ríkisstjórn sé smám
saman að deyja. „Nóg var um loforð
og fögur fyrirheit í kosningabarátt-
unni þar sem fólki var gefin sú von
sem það sannanlega þurfti á að
halda. Nú er sú von að deyja,“ segir í
yfirlýsingu samtakanna.
Væntingavísitala Gallup seg-
ir svipaða sögu en hún mælist nú
lægri en á sama tíma árs árið 2010.
Hún hefur hríðfallið frá myndun
ríkisstjórnarinnar og hefur aldrei
mælst lægri og nú á síðustu átján
mánuðum.
Sigmundur hefur boðað nokkuð
róttækar breytingar og segir hann
aðgerðir ríkisstjórnarinnar þegar
farnar að skila árangri. „Nú eru að
skapast þær aðstæður á Íslandi að
mönnum er óhætt að sækja fram,
þeir geta gert áætlanir og tekið
áhættu, en áhættan er mun líklegri
til að skila árangri núna en áður,“
sagði Sigmundur í Sprengisandi.
Ætlaði að leiðrétta strax
„Til að það sé á hreinu kemur leið-
rétting skulda fram strax,“ sagði Sig-
mundur í stöðuuppfærslu á Face-
book-síðu sinni þann 23. apríl,
fjórum dögum fyrir kosningar, og
ítrekaði hann þau orð í viðtali við
RÚV skömmu síðar. Þetta hefur
ekki staðist.
Þrátt fyrir það er deginum ljósara
að stórtækar aðgerðir í þágu skuld-
settra heimila eru enn í burðarliðn-
um þó þær hafi ekki komið til fram-
kvæmda í sumar eins og til stóð.
Tvær nefndir voru skipaðar í ágúst
og eiga þær að skila af sér tillögum
um framkvæmd skuldaniðurfell-
inga í nóvember á þessu ári.
„Um er að ræða tillögu sem,
þegar hún nær fram að ganga, fel-
ur í sér umfangsmestu aðgerðir
sem gerðar hafa verið fyrir skuld-
sett heimili líklegast nokkurs staðar
í heiminum frá því að fjármálakrísa
reið yfir árið 2007,“ sagði Sigmund-
ur þegar þingsályktunartillaga um
framgang skuldaniðurfellinga var
kynnt í júní. Ef marka má orð for-
sætisráðherra má því búast við afar
umfangsmiklum aðgerðum sem
gætu komið til framkvæmda að
hluta fyrir áramót.
Hér til hliðar má sjá stutta sam-
antekt um þau mál sem náð hafa
fram að ganga á fyrstu hundrað
dögum nýrrar ríkisstjórnar. Þessi
listi segir þó ekki alla söguna þar
sem mörg stærstu málanna eru enn
á borðum ráðuneyta. Hann ætti þó
að gefa einhverja mynd af því sem
koma skal. n
Ólafur Kjaran Árnason
blaðamaður skrifar olafurk@dv.is
29. maí – Gunnar Bragi Sveinsson utan-
ríkisráðherra stöðvar alla vinnu í tengslum
við aðildarumsókn Íslands að Evrópusam-
bandinu.
24. júní – DV greinir frá því að til standi
að skera niður fjárframlög til Lánasjóðs
íslenskra námsmanna (LÍN). Stúdentar
kærðu ákvörðunina í júlí og unnu málið í
héraðsdómi þann 30. ágúst. Óvíst er hvað
gerist í kjölfarið.
25. júní – Alþingi samþykkir frumvarp
Bjarna Benediktssonar fjármálaráðherra um
lækkun virðisaukaskatts í ferðaþjónustu.
3. júlí – Alþingi samþykkir frumvarp Illuga
Gunnarssonar menntamálaráðherra um
breytta skipan í stjórn RÚV.
4. júlí – Alþingi samþykkir frumvarp
Sigurðar Inga Jóhannssonar sjávarútvegs-
ráðherra um lækkun veiðigjalda.
8. júlí – Sérstök niðurskurðarnefnd skip-
uð. Nefndin átti upphaflega að skila fyrstu
tillögum í júlí en seinna var ráðgert að fyrstu
drög nefndarinnar yrðu kynnt upp úr 20.
ágúst. Enn hafa engar tillögur verið kynntar.
Stóru málin fyrstu 100 dagana
Hvaða mál náðu fram að ganga í sumar?
Kirkjurnar þykja
óvenjulegar
Hallgrímskirkja og Stykkishólms-
kirkja eru með óvenjulegustu kirkj-
um í heimi. Þetta er að minnsta
kosti mat bandaríska vefmiðils-
ins Huffington Post sem hefur tek-
ið saman lista yfir 50 óvenjuleg-
ustu kirkjur heims. Efst á listanum
er Hallgrímskirkja, sem teiknuð var
af Guðjóni Samúelssyni arkítekt.
Bygging hennar hófst árið 1945 og
lauk rúmlega 40 árum síðar. Stykkis-
hólmskirkja er svo í 30. sæti listans.
Á lista Huffington Post kennir
ýmissa grasa. Þar er að finna gegn-
sæjar kirkjur og litríkar, kassalaga
kirkjur og kúlulaga, kirkjur í klett-
um og kirkjur í skógum. Þegar upp
er staðið virðist okkar eigin Hall-
grímskirkja þó skjóta öllum þess-
um furðukirkjum ref fyrir rass.
Vill svör frá
sérstökum
Hanna Birna Kristjánsdóttir innan-
ríkisráðherra vill að embætti sér-
staks saksóknara sendi innanríkis-
ráðuneytinu gögn og greinargerðir
um vistun og skráningu hjá emb-
ættinu. Það var Viðskiptablaðið sem
greindi fyrst frá þessu en málið á sér
upphaf í beiðni lögmannsins Reim-
ars Péturssonar sem óskaði eftir af-
riti af öllum tölvupóstsamskiptum
sérstaks saksóknara við fréttamann-
inn Jóhannes Kr. Kristjánsson. Sér-
stakur saksóknari gaf þau svör að
gögnunum um samskiptin hefði
verið eytt og ekki til afrit. Var þetta
kært til úrskurðarnefndar upplýs-
ingamála sem vísaði málinu frá
vegna þess að gögnin voru ekki til
staðar en Hanna Birna sagði í sam-
tali við fréttstofu Ríkisútvarpsins
þessa afgreiðslu nefndarinnar vekja
upp ýmsar spurningar um stjórn-
sýslulega framkvæmd án þess að
gefa frekari skýringar.