Dagblaðið Vísir - DV - 02.09.2013, Side 12
12 Fréttir 2. september 2013 Mánudagur
„Martröð fyrir mig“
n Rafbyssu beitt gegn manni með blindrastaf n Töldu að stafurinn væri samúræjasverð
L
ögreglumaður sem beitti
Taser-valdbeitingartæki gegn
blindum manni verður ekki
ákærður vegna málsins. Col-
in Farmer, 63 ára, var á göngu
þann 12. október í fyrra þegar lög-
reglumaður vatt sér að honum og
beitti valdbeitingartækinu gegn hon-
um, rafmagnsbyssu sem gefur frá sér
allt að 50 þúsunda volta rafstraum.
Ástæðan er sú að lögreglumaðurinn
taldi að hvítur blindrastafur manns-
ins væri samúræjasverð en lögregla
hafði fengið tilkynningu um vopnað-
an mann á götum Chorley í Lancas-
hire á Englandi.
Farmer segir í viðtali við breska
blaðið Telegraph að hann hafi heyrt
öskur og skyndilega fundið fyr-
ir miklum sársauka þegar tækinu
var beitt gegn honum. Hann var á
leið á hverfispöbbinn að hitta vini
sína þegar atvikið varð. Málið hef-
ur verið í rannsókn og nú hefur sak-
sóknaraembættið í Lancashire tek-
ið ákvörðun um að ekki hafi verið
ástæða til að ákæra lögreglumann-
inn í málinu. Ástæðan er sú að til-
kynningin um vopnaðan mann hafi
borið að taka alvarlega. Lögregla
hafi því ekki gengið of harkalega
fram.
Þó að Farmer sé svekktur yfir
niðurstöðu málsins er honum létt,
að eigin sögn. „Á einhvern undarlega
hátt er ég sáttur við að málinu sé lok-
ið því það er vont ef svona mál drag-
ast um of á langinn. En hvað sem því
líður gekk ég í gegnum mikinn sárs-
auka vegna málsins og undanfarn-
ir mánuðir hafa verið martröð fyrir
mig,“ segir hann. n
H
ershöfðinginn og varnar-
málaráðherrann Abd-
ul al-Sisi er nú valdamesti
maður Egyptalands eft-
ir valdarán hersins í síðasta
mánuði. Sem yfirmaður hersins spil-
aði al-Sisi lykilhlutverk í valdaráninu
gegn Mohamed Morsi. Í kjölfar valda-
ránsins var al-Sisi skipaður staðgeng-
ill forsætisráðherra landsins og hafa
sumir Egyptar orð á því að hann sé
að verða hinn nýi Mubarak. Í kjölfar
valdránsins hófst á ný mikil alda upp-
reisna og liggja nú hundruð Egypta í
valnum.
Ævi hans hulin leynd
Al-Sisi, sem kalla mætti hinn nýja faraó
Egyptalands, fæddist árið 1954 í einu
af fátækari hverfum Kairó. Faðir hans
hélt úti verkstæði þar sem hann fram-
leiddi ýmiss konar glingur fyrir ferða-
menn. Er blaðamaður BBC reyndi að
kynna sér ævi al-Sisi spruttu alls stað-
ar upp veggir; fólk sem hafði áður ver-
ið mjög samstarfsfúst við blaðamenn
sögðu lok, lok og læs er al-Sisi bar á
góma. Eitt varð þó ljóst mjög snemma
en það var að hershöfðingjanum er
mjög annt um að stjórna ímynd sinni
út á við. Út af þessari leyndarhyggju er
sáralítið vitað um hann utan starfsfer-
ils hans og æsku; hann hefur starfað
innan hersins frá unga aldri og hlaut
menntun sína í hernaði bæði í Bret-
landi og Bandaríkjunum. Kennari
hans í Bandaríkjunum segist muna
eftir honum sem skörpum nemanda
með mikla sjálfstjórn.
Guðrækni sögð vera vélabrögð
Fylgismenn Bræðralags múslíma eru
sagðir vera sérstaklega bitrir yfir valda-
töku hershöfðingjans þar sem fram-
an af töldu þeir að al-Sisi væri þeirra
maður innan hersins. Mahmoud
Khalifa, háskólaprófessor og fylgis-
maður Bræðralagsins, segir í sam-
tali við BBC að al-Sisi hafi verið talinn
mjög trúaður og voru jafnvel ásak-
anir um að hann væri á laun stuðn-
ingsmaður Bræðralags múslíma.
Valdaránið sýndi hins vegar að slík-
ar ásakanir voru fjarri sannleikanum.
„Trúarhiti [al-Sisi] var blekking og í
samanburði við hann var Mubarak
engill,“ segir Khalifa. Hershöfðinginn
er þó ekki án stuðningsmanna og
segja þeir að ásakanir um trúarhræsni
séu ósannar. Ritgerð sem al-Sisi skrif-
aði í námi sínu virðist benda til þess að
trúrækni hans sé ekki orðin innantóm.
Í ritgerðinni heldur hann því fram að
ef lýðræði eigi nokkurn tíma að þríf-
ast í Mið-Austurlöndum sé nauðsyn-
legt taka tillit til almenns trúarhita á
svæðinu.
Kyntákn í Egyptalandi
Allt frá því að forseta Egyptalands, Mo-
hamed Morsi, var steypt af stóli hefur
ríkissjónvarp landsins í sífellu endur-
sýnt tónlistarmyndband sem sýn-
ir herinn í mjög jákvæðu ljósi. Þetta
sérkennilega myndband sem jaðr-
ar við erótík skeytir saman myndum
af al-Sisi, skriðdrekum, eldflaugum
og ungum hermönnum marsérandi
í gæsagangi. Khaled Fahmy háskóla-
prófessor segir hina erótísku undir-
öldu í myndbandinu vera tilraun til að
nýta kynþokkafullan einkennisbún-
ing hershöfðingjans til að tryggja vin-
sældir af hálfu kvenna. Fahmy segir að
milli- og efristéttar konur hafi leikið
stórt hlutverk í arabíska vorinu og því
sé hin nýja valdastétt mjög meðvituð
um gildi þess að höfða til þeirra.
Þetta útspil virðist vera virka því
nýlegar skoðanakannanir sýna að eg-
ypskar konur segja al-Sisi vera ung-
legan, myndarlegan og ímynd karl-
mennskunnar.
Vinsæll þrátt fyrir allt
Þrátt fyrir uppþot síðastliðins mánað-
ar nýtur al-Sisi töluverðra vin-
sælda utan fylgismanna Bræðralags
múslima. Talið er að ef hann myndi
bjóða sig fram í boðuðum kosning-
um myndi hann að öllu jöfn gjörsigra
í kosningunum. Egypskir stjórnmála-
skýrendur segja að valdaránið sé að-
eins nýjasta birtingarmynd áratuga-
langs rígs milli sterkustu valdablokka
Egyptalands: hersins og Bræðra-
lags múslíma. Al-Sisi sagði nýver-
ið í ávarpi til þjóðar sinnar að hers-
höfðingjastjórn væri ekki á döfinni
og að hann sjálfur hefði ekki minnstu
löngun til að stjórna landinu. Ekki eru
þó allir í Egyptalandi sem trúa þessum
orðum hans. n
n Stjórnar Egyptalandi með járnkrumlu n Segist stöðva útbreiðslu öfgatrúar
Abdul al-Sisi
Var skipaður yfirmaður
hersins af Morsi, sem
hann launaði með því
að steypa af stóli.
Mynd REuTERS
Hjálmar Friðriksson
blaðamaður skrifar hjalmar@dv.is
„Í samanburði
við hann var
Mubarak engill
Hinn nýi faraó
Fórnarlamb Colin Farmer
átti sér einskis ills von þegar
rafbyssunni var beitt gegn
honum. Samúræjasverðið
reyndist vera blindrastafur.
Ofbeldið var
einkamál
Tímamótalög hafa verið sam-
þykkt í Sádi-Arabíu sem leggja
blátt bann við heimilisofbeldi
sem og alla misþyrmingu kvenna.
Landið hefur ekki verið þekkt fyr-
ir sterka jafnréttisstefnu fram til
þessa. Lögin gera bæði kynferðis-
legt og líkamlegt ofbeldi gegn kon-
um ólöglegt og gildir það jafnt á
vinnustöðum og heimilum. Hver
sá sem brýtur lögin getur átt yfir
höfði sér allt að árs fangelsisdóm.
Fram að setningu laganna var
heimilisofbeldi ekki ólöglegt og
talið vera einkamál hjóna.
Búddamunkar
á spítti
Þrjátíu búddamunkar í Taílandi
hafa verið sviptir kjól og kalli eftir
að amfetamín fannst í þvagprufu
þeirra. Munkarnir komu allir frá
sama klaustrinu sem er staðsett í
Mið-Taílandi. Í kjölfar þvagpruf-
unnar kom í ljós að ábóti klaust-
ursins hafði verðið að selja fíkni-
efni um nokkurt skeið. Hann hefur
nú verið ákærður og gæti hann átt
yfir höfði sér dauðarefsingu.
Það voru þorpsbúar í nágrenni
klaustursins sem tilkynntu lög-
reglu um að eitthvað misjafnt
væri á seyði, eftir að þeir tóku eftir
grunsamlegum samkomum síðla
kvölds í klaustrinu.
Páfi leggst
gegn hernað-
aríhlutun
„Ég er afar hryggur yfir fréttunum
sem berast frá Sýrlandi og hvet fólk
til að fasta og biðja fyrir friði,“ sagði
Frans páfi í predikun sinni á sunnu-
dag. Þar talaði hann af miklum
innblæstri og hvatti valdhafa til að
finna friðsamlega lausn á deilunum
í Sýrlandi. „Stríð færir okkur meira
stríð! Ofbeldi færir okkur meira of-
beldi!“ sagði Frans meðal annars
og ber málflutningur hans sama
blæ og málflutningur Jóhannesar
Páls páfa í aðdraganda innrásar-
innar í Írak árið 2003.
„Ég fordæmi innilega notkun
efnavopna,“ sagði Frans en bætti
við að bregðast þyrfti rétt við notk-
un þeirra. Eins og fram hefur kom-
ið í fjölmiðlum undanfarna daga
telur Barack Obama Bandaríkjafor-
seti kominn tíma til að ráðast til at-
lögu við Bashar al-Assad Sýrlands-
forseta með snörpum loftárásum.
Hann bíður þess nú að þingið gefi
hernaðaríhlutun grænt ljós.
Mynd REuTERS