Dagblaðið Vísir - DV - 02.09.2013, Side 18
Allt á suðupunkti
18 Sport 2. september 2013 Mánudagur
Engar kúvendingar með nýjum þjálfara
n Freyr Alexandersson ráðinn þjálfari kvennalandsliðsins til tveggja ára
K
nattspyrnusamband Íslands
réð á föstudaginn Frey Alex-
andersson sem nýjan þjálfara
kvennalandsliðsins í stað Sig-
urðar Ragnar Eyjólfssonar sem kaus
að halda ekki áfram því starfi sem
hann hefur haft með höndum síðast-
liðin sjö ár. Það mátti vart seinna vera
því fyrsti landsleikurinn er hand-
an við hornið, þann 26. september
þegar fyrsti leikur kvennalands-
liðsins í undankeppni Heimsmeist-
aramótsins árið 2015 fer fram.
Mótherjinn þá er landslið Sviss
sem er ágætur leikur fyrir Frey og
stúlkurnar okkar því Sviss er með
töluvert lakara landslið en það ís-
lenska. Svissnesku stelpurnar eru
tíu sætum neðar en landslið Íslands
samkvæmt styrkleikalista FIFA en
telja verður möguleika Íslands góða
að komast á HM úr riðli sínum, enda
er þar aðeins danska kvennalands-
liðið sem þykir sterkara en það ís-
lenska samkvæmt sama lista.
Frey þekkja eflaust margir úr
kvennaboltanum en hann tók
við spútnikliði Vals af Elísabetu
Gunnarsdóttur árið 2010 eftir að
hafa þjálfað við hlið Elísabetar um
tveggja ára skeið. Freyr var líka á því
tímabili aðstoðarþjálfari karlaliðs
Vals. Hann gerði Valsstelpurnar að
Íslandsmeisturum öll árin sem hann
þjálfaði liðið og leiddi þær til sigurs
í tveimur bikarmeistarakeppnum í
þokkabót.
Samningur Freys er til tveggja ára
eða fram yfir næsta heimsmeistara-
mót sem fram fer í Kanada 2015 en
hann mun samhliða þjálfun lands-
liðsins halda áfram þjálfun karlaliðs
Leiknis í Breiðholti en þar er Freyr
annar tveggja aðalþjálfara. Leikn-
ismenn eru um miðja fyrstu deild í
karlaboltanum.
Fráfarandi þjálfari, Sigurður
Ragnar, sem flestir eru sammála um
að hafi gjörbylt kvennalandsliðinu
til hins betra og meðal annars kom-
ið liðinu tvívegis á Evrópumót send-
ir Frey og landsliðsstúlkunum góðar
kveðjur í pistli á bloggi sínu þar sem
hann þakkar öllu liðinu og vonar að
Frey og stelpunum takist að komast í
lokakeppni HM 2015.
Sjálfur hefur Freyr látið hafa
eftir sér að ekki verði um neinar
kúvendingar í leikstíl liðsins þó hann
sjái tækifæri til að breyta nokkrum
atriðum í leikskipulaginu. n
albert@dv.is
Albert Örn Eyþórsson
blaðamaður skrifar ritsjorn@dv.is
n Síðustu forvöð fyrir félagslið Evrópu að breyta og bæta
Ó
venju miklar væringar eru
félagsliða á milli í Evrópu og
vart til það topplið sem ekki
er að skoða að bæta við sig
leikmönnum eða selja leik-
mann eða tvo. Mestu lætin eru sem
fyrr í Englandi þar sem mestir eru
peningarnir. Ef marka má sögusagn-
ir og orðróm gætu toppliðin í úrvals-
deildinni öll tekið breytingum áður
en klukkan slær 23 í kvöld en þá er
þeim glugga lokað sem félagslið í
álfunni hafa til kaupa eða selja leik-
menn.
Óvenju stór nöfn
Það er ekkert nýtt að læti séu rétt
áður en leikmannaglugginn svokall-
aði lokar ár hvert en það sem ger-
ir þetta tímabil aðeins merkilegra
eru hversu mörg stór nöfn í boltan-
um eru orðuð við önnur lið. Stærsta
nafnið er vitaskuld Gareth Bale sem
farinn er til Real Madrid samkvæmt
síðustu fregnum en mikil óvissa ríkir
enn um menn á borð við Wayne Roo-
ney, Luis Suarez og Leighton Baines
svo fáir séu nefndir.
Fullyrt er að Jose Mourinho hafi
ekki gefist upp á Rooney þó opinber-
lega sé það raunin. Sama gildir um
tilraunir David Moyes að fá til United
þá Fellaini og Baines frá gömlu sam-
herjunum í Everton. Þá mun Moyes
vera mjög í mun að fá Daniele de
Rossi frá Ítalíu en það talið langsótt.
Boas fer hamförum
Andre Villas-Boas, stjóri Totten-
ham, hefur farið hamförum undan-
farið og styrkt lið sitt með þremur
sterkum leikmönnum nánast á einu
bretti. Þeir þrír, Christian Eriksen,
Vlad Chirices og Erik Lamela bætast
við þá sem Villas-Boas var þegar bú-
inn að kaupa í sumar. Ekki er þó loku
fyrir það skotið að Tottenham geri
meira fyrir lokun í kvöld enda tölu-
vert til af peningum. Þá mun félagið
líklega selja leikmenn eða lána fyrir
kvöldið og nafn Íslendingsins Gylfa
Sigurðssonar verið nefnt í því sam-
bandi.
Wenger með alla anga úti
Tvennum sögum fer af Arsene Wen-
ger, stjóra Arsenal, sem fengið hefur
yfir sig gusur frá stuðningsmönnum
um hríð fyrir að aðhafast lítið á leik-
mannamarkaðnum. Annars vegar
er nóg af fregnum um tilboð sem
Wenger hefur gert í hina og þessa
en á sama tíma ítrekar Frakkinn að
Arsenal muni ekki kaupa leikmenn
bara til að kaupa leikmenn. En sé að
marka allt slúðrið gætu leikmenn á
borð við Wesley Sneijder, Angel di
Maria, Julian Draxler, Yohan Cabaye
og Kaká svo ekki sé minnst á Rooney
og Juan Mata klæðst búningi Arsenal
í næsta leik.
Þörf á meiri vigt hjá City
Af þeim stóru hefur einna minnst
farið fyrir Manchester City á leik-
mannamarkaðnum í sumar. Stað-
fest virðist að varnarmaðurinn Dem-
ichelis gangi til liðs við City fyrir
kvöldið. En Manuel Pellegrini, nýi
stjórinn, hefur ekki beint verið sáttur
við leikmenn sína í byrjun móts-
ins. Cardiff og Hull eru ekki lið sem
topplið í enska boltanum ætti að eiga
í vandræðum með eins og reyndin
hefur verið hjá City. n
Wayne Rooney Miklar vanga-
veltur eru um hvort hann spili í
búningi Manchester United eftir
kvöldið í kvöld. Mynd ReuteRs
Luis suarez Sá virðist rólegri nú en fyrr í
sumar þegar hann nánast krafðist þess að
vera seldur frá Liverpool.
yohan Cabaye Frakk-
inn snjalli hjá Newcastle
er orðaður við þrjú önnur
félagslið samkvæmt
blöðum.
Moyes og Mourinho Lítill
vinskapur þeirra gæti komið í
veg fyrir að Wayne Rooney leiki í
búningi Chelsea.
Markvörðurinn
Usain Bolt
Hvað ef Usuain Bolt væri
knattspyrnumaður? Hver ætti
að standast honum snúning ef
sá tæki spretti upp kantinn? Lík-
lega yrðu ekki margir til að reyna
slíkt enda Bolt fljótasti hlaupari
heims og margfaldur heims- og
Ólympíumeistari. Slíkar vanga-
veltur voru þó umræðuefnið um
helgina þegar Bolt kíkti í heim-
boð hjá Sepp Blatter, forseta Al-
þjóða knattspyrnusambandsins,
og svaraði spurningum blaða-
manna í kjölfarið. Þar kom fram
að Bolt iðkaði knattspyrnu um
tíma í heimalandinu Jamaíku og
spilaði þá fyrst sem markvörður
enda hávaxinn fyrir utan að vera
snöggur. Hann var þó fljótt færð-
ur út á völlinn eftir að hann fór
að vekja athygli fyrir hraða sinn.
Spretthlaup urðu þó ofan á eins og
kunnugt er orðið.
Þurfa toppleik
gegn Sviss
Þjálfari íslenska landsliðsins í
knattspyrnu, Lars Lagerbäck, tel-
ur Ísland eiga ágæta möguleika að
stela stigi eða þremur í landsleik
gegn Sviss á útivelli í vikunni en
þá þarf toppleik til. Leikurinn er
liður í undankeppni HM í Brasilíu
á næsta ári. Þangað eiga aðeins
möguleika að fara tvö efstu lið úr
hverjum riðli en fyrir leikinn er ís-
lenska liðið í þriðja sætinu með
níu stig eftir sex umferðir.
Svisslendingar eru langefstir í
riðlinum með fjórtán stig en fjórar
umferðir þó enn eftir. Ísland tap-
aði hér heima fyrir Sviss 0–2 í fyrra
en svissneska liðið þykir hafa dal-
að síðan og náði til dæmis rétt að
merja 1–0 sigur á Kýpur í síðasta
leik sínum á heimavelli. Þó ber
að hafa í huga að Svisslendingar
skelltu Brasilíumönnum í síðasta
æfingaleik – takk fyrir.
Einleikur hjá
Stjörnustelpum
Kvennalið Stjörnunnar úr Garðabæ
hefur tekið Pepsi-deild kvenna með
trompi þessa leiktíðina og fagn-
aði Íslandsmeistaratitlinum strax á
fimmtudaginn var þegar þær lögðu
Valsstúlkur á heimavelli sínum 4–0.
Heilar fjórar umferðir eru þó enn
eftir í deildinni. Ótrúlegir yfirburð-
ir liðsins í sumar eru sannarlega til
marks um baráttugleði og fórnfýsi
Garðabæjarstúlkna en minna jafn-
framt á kvennaboltann hér áður fyrr
þegar eitt eða tvö lið báru höfuð og
herðar yfir önnur. Innan við tíu stig-
um hefur munað á liðum í efsta og
næstefsta sæti í toppdeild kvenna
allar götur frá því fyrir síðustu alda-
mót en nú er Stjarnan með fjórtán
stiga stiga forskot og 46 mörk í plús
og enn tólf stig í pottinum.
Freyr fagnar með
Valsstúlkum Ferill
hans með kvennalið
Vals er frábær en þá
vann liðið velflesta
titla sem í boði voru.
Mynd FÓtBoLti.net