Dagblaðið Vísir - DV - 11.09.2013, Page 17

Neytendur 17Miðvikudagur 11. september 2013
Ferðum fjölgar en verð hækkar
n Könnun á flugi til þriggja borga
F
lugfargjöld EasyJet og WOW air
til London hafa hækkað í verði
frá því fyrir ári en lækkað hjá
Icelandair. Þetta kemur fram í
könnun sem Túristi.is gerði á verði
til London, Óslóar og Kaupmanna-
hafnar.
Túristi hefur gert mánaðarlegar
verðakannanir á flugi til Kaup-
mannahafnar og London í rúmt ár
en Ósló bættist nýlega í þann hóp. Í
verðkönnununum eru fundin ódýr-
ustu fargjöldin, báðar leiðir, inn-
an ákveðinnar viku og farangurs- og
bókunargjöld eru tekin með í reikn-
inginn. Könnunin sem um ræðir er á
fargjöldum í viku 40 ef bókað er með
fjögurra vikna fyrirvara.
Fluferðunum til London hefur
fjölgað töluvert frá því í fyrra þrátt
fyrir að Iceland Express hafi hætt
starfsemi. Ferðir Wow air eru nú tólf
á viku en voru tvær, Icelandair hef-
ur fjölgað um allt að fimm á viku og
Easy Jet um eina.
Í byrjun október 2012 var ódýrasta
flugið til London og til baka og kost-
aði 31.900 krónur með Iceland Ex-
press. Nú er það WOW sem er með
lægsta verðið þessa sömu viku. Far-
miðinn, að viðbættum innrituðum
farangri, kostar 32.268 krónur. Far-
gjaldið með Icelandair er nú 36 pró-
sentum ódýrara en það var í sömu
viku fyrir ári. Icelandair er með
lægsta farið til Kaupmannahafnar og
Óslóar.
Sjá nánar um flugfargjöldin á síðu
Túrista en þar má finna reglulega
verðakannanir á flugi auk ýmiss kon-
ar fróðleiks um ferðalög. n
gunnhildur@dv.is
Gerðu
athugasemdir
við 18 vogir
Neytendastofa gerði athugasemd
við vogir til að vigta vörur og verð-
leggja í fimm verslunum en stofn-
unin tók út löggildingu voga í mat-
vöruverslunum fyrir skömmu.
Vogirnar á að löggilda á tveggja ára
fresti.
Á heimasíðu Neytendastofu seg-
ir að farið hafi verið í 83 verslanir,
í Hveragerði, Árborg og á höfuð-
borgarsvæðinu og 437 vogir skoð-
aðar. Gerðar voru athugasemdir við
18 vogir hjá fimm aðilum þar sem
sem löggilding var runnin úr gildi.
Athugasemdir voru gerðar hjá Mini
Market í Drafnarfelli, Krónunni í
Rofabæ, Plúsmarkaðinum í Hátúni,
Bónus í Holtagörðum og Nóatúni í
Hamraborg.
Til staðfestingar á löggildingunni
er settur á áberandi stað límmiði
sem segir til um gildistíma lög-
gildingarinnar og viðskiptavinurinn
á að geta séð auðveldlega á miðann.
Búðu til eigin
barnamat
Það er til mikið af góðum ung-
barnamat en til þess að vera viss
um hvað þú ert nákvæmlega að
gefa barni þínu er best að útbúa
matinn sjálf/ur auk þess sem það
er mun hagkvæmara.
Sem dæmi má nefna að auð-
velt er að búa til eplamauk en þá
eru eplin skræld, kjarninn tekinn
úr og þau soðin uns þau verða
mjúk. Þau eru svo sett í blandara
og maukuð og að lokum má setja
þau í ílát og frysta. Það má einnig
matreiða aðrar tegundir ávaxta og
einnig grænmeti, svo sem gulræt-
ur og sætar kartöflur, á sama hátt.
Þegar börnin verða eldri má bæta
fæðutegundum út í.
London Flug-
ferðum til London
hefur fjölgað frá
því fyrir ári.
Hrísgrjónin
leyna á sér
Hrísgrjón fást í stórum sekkjum
sem hagkvæmt er að kaupa en gott
tímasparnaðarráð varðandi hrís-
grjón má finna á síðunni matar-
karfan.is. Þar segir að það taki
nokkurn tíma að sjóða hrísgrjónin.
Fyrir þá sem lifi hratt og megi ekki
vera að því að bíða eftir grjónunum
í hvert mál sé gott ráð sjóða nóg af
hrísgrjónum í hvert skipti í stórum
potti. Þá sé hægt að skipta þeim upp
í stærðir sem samsvara einni mál-
tíð hjá fjölskyldunni, setja í frysti-
poka og frysta. Næst þegar réttur er
á borðum sem inniheldur hrísgrjón
taki enga stund að sækja grjónin í
frystinn og hita í örbylgjuofninum.
Gerðu bílinn
kláran fyrir sölu
Þ
egar selja á notaðan bíl
er ýmis legt hægt að gera
til að gera hann söluvæn-
legri. Skítugur bíll, bíll án
bremsuljósa eða með gam-
alli olíu mun jafnvel fæla hugsan-
lega kaupendur frá. Hafðu bílinn því
í toppstandi og hreinan og það eykur
möguleikana á sölunni. Money Talk
News gefur ráð um hvað maður eigi
að vera búin/n að gera áður en bíllinn
er sýndur til sölu.
Smáatriðin á hreinu
Til að gera bílinn sem söluvænleg-
astan þarf að þrífa hann vel og vand-
lega, jafnt að innan sem utan.
Stráðu matarsóda yfir sætin og
teppin, leyfðu honum að liggja á í 15
mínútur og ryksugaðu svo vel. Með
þessu fjarlægir þú lykt sem gæti fælt
væntanlega kaupendur frá. Ef mik-
il lykt er í bílnum, svo sem reykinga-
lykt, þarf jafnvel að láta matarsódann
liggja á yfir nótt.
Reyndu að þrífa gólfmotturnar
vel en ef þær eru illa farnar er ráð að
kaupa nýjar.
Tæmdu hanskahólfið og láttu
einungis eigendahandbókina vera
þar.
Þegar þú þrífur rúðurnar skaltu
athuga hvort rúðuþurrkurnar séu ekki
í góðu ásigkomulagi. Ef ekki skiptu
þeim út fyrir nýjar. Lélegar rúðu-
þurrkur eru merki um að fleira gæti
hafa verið vanrækt.
Ljósin í lagi
Athugaðu að hafa öll ljós í lagi. Þá er
ekki bara átt við fram- og afturljós
heldur öll ljós, svo sem ljósin sem
kvikna þegar hurð er opnuð og þoku-
ljós.
Framljósin verða mött og jafnvel
gul með tímanum. Þrífðu þau vel og
vandlega með þar til gerðum efnum.
Næg olía
Þeir sem eru í bílahugleiðingum ættu
að athuga stöðuna á olíunni, ekki
bara hvort það sé nóg af henni held-
ur einnig hvernig ástandið er á henni.
Vél sem hefur verið keyrð á lítilli og/
eða gamalli olíu slitnar fyrr. Það er því
mikilvægt að seljandinn setji næga
nýja olíu á bílinn. Fylltu líka af rúðu-
vökva, frystivökva og svo framvegis.
Fín dekk
Ef þú hefur farið með bílinn á bíla-
þvottastöð en dekkin mættu vera
hreinni þá er gott ráð að nota matar-
sóda. Blandaðu saman við vatn þar
til þú ert með matarsódakrem. Nudd-
aðu því á dekkin og leyfðu að sitja á í
nokkrar mínútur. Skolaðu svo af með
vatni. Það er einnig nauðsynlegt að
hafa réttan loftþrýsting á dekkjunum.
Vélarljósið
Ef vélarljósið hefur kviknað hjá þér er
mikilvægt að fara með bílinn á verk-
stæði og láta athuga hvað það þýðir.
Stundum kviknar það út af smámál-
um sem þú getur látið laga fyrir lítinn
pening.
Lappaðu upp á litlar rispur
Að losna við litlar rispur á lakki bíls-
ins er ekki auðvelt. Ef þú nærð ekki að
bóna þær af með þar til gerðu bóni,
farðu með bílinn til fagaðila sem
getur lappað upp á lakkið og gert bíl-
inn söluvænlegri.
Öll gögn upp á borðið
Hafðu smurbók og kvittanir
fyrir öllum viðgerðum tilbúnar í
hanskahólfinu. Hugsanlegur kaup-
andi þarf að geta séð hvað búið er að
laga og hvenær það var gert.
Verðlagning
Nú, þegar bíllinn þinn er hreinn og
lyktar eins og nýr, þarf að verðleggja
hann. Skoðaðu bílasölur og aðrar
sölusíður og sjáðu hvað er sanngjarnt
verð. Settu aðeins meira á hann en þú
ætlar þér að fá og leyfðu kaupanda að
prútta aðeins.
Reynsluakstur
Áður en þú leyfir hugsanlegum kaup-
anda að reynsluaka bílnum ættir þú
jafnvel að keyra einn rúnt með hann
fyrst og benda á eiginleika bílsins.
Benda til dæmis á gæði sætanna,
hvað hann rennur vel, hvað hljóm-
gæðin eru góð, svo eitthvað sé nefnt.
Án þess að ýkja, reyndu að benda á
alla kosti bílsins. n
n Nokkur atriði sem gera bílinn söluvænlegri
Sala á notuðum bíl
Hreinn bíll með nýrri
olíu og ljósum sem virka
selst frekar.
Gunnhildur Steinarsdóttir
blaðamaður skrifar gunnhildur@dv.is