Dagblaðið Vísir - DV - 16.09.2013, Blaðsíða 4
4 Fréttir 16. september 2013 Mánudagur
Fjölskyldurnar fá
engin sérúrræði
n Barnafjölskyldur í Hamraborg þurfa að fara í röðina eins og hinir
B
arnafjölskyldur sem búa í 30
fermetra herbergjum í fyrr
um verslunarhúsnæði við
Hamraborg 7 í Kópavogi fá
engin sérúrræði hjá bæjar
yfirvöldum. Vilji þau óska eftir fé
lagslegu leiguhúsnæði verða þau
að fara í röðina eins og hinir. 230
manns eru á biðlista eftir félagslegu
húsnæði í Kópavogi og því getur það
tekið nokkur ár að komast í félags
lega íbúð. Það er ef fólk kemst yfir
leitt inn á biðlistann, en fólki er for
gangsraðað eftir þörf fyrir aðstoð.
Rúmlega sjötíu manns búa í hús
inu við Hamraborg 7. Flestir eru frá
Póllandi og Eystrasaltslöndunum.
Á meðal þeirra er fjölskylda með
tveggja vikna gamalt barn. DV fjall
aði um það í síðustu viku að raf
magnið hefði verið tekið af húsinu í
þrjá sólarhringa vegna vangoldinna
reikninga fyrri eigenda. Slökkvi
liðið hefur oftar en einu sinni gert
athugasemdir við brunavarnir í hús
inu.
Sífellt fleiri sækja á náðir sveitar
félaganna í von um að fá þar félags
lega aðstoð. Margir þeirra þurfa
heim að snúa þar sem neyð þeirra
þykir ekki næg. DV fjallaði nýlega
um konu á sextugsaldri sem hefur
búið á götunni frá því í janúar en fær
samt sem áður ekki inni hjá félags
lega kerfinu í Kópavogi. Bæjarstjóri
Kópavogs hefur sagt vandamálið af
slíkri stærðargráðu að það eigi erindi
inn á borð ríkisstjórnarinnar.
Ekki heilsuspillandi
Samkvæmt upplýsingum frá Barna
verndarstofu eiga þær barnafjöl
skyldur sem búa við óviðunandi
aðstæður að fá forgang hjá félags
lega kerfinu. Slík mál fara til barna
verndarnefnda sveitarfélaganna
sem síðan reyna að finna viðunandi
húsnæði í samvinnu við félagsþjón
ustuna.
Arna Schram, upplýsingafulltrúi
Kópavogsbæjar, hefur sagt að hús
næðið Hamraborg 7 sé ekki talið
heilsuspillandi „nema þá daga sem
var rafmagnslaust.“
Húsið er því ekki ólöglegt í skiln
ingi laganna. Þrátt fyrir það hef
ur slökkviliðið ítrekað gert athuga
semdir við brunavarnir í húsinu,
nú síðast í sumar. „[Það] kom til
skoðunar síðsumars að loka húsinu.
Eigendaskipti eru að verða og hefur
nýr aðili lofað úrbótum. Fylgst verð
ur vel með því að það gangi eftir,“
segir meðal annars í skriflegu svari
Örnu til DV.
Engin sérúrræði
Vilji barnafjölskyldurnar óska eftir
félagslegu leiguhúsnæði verða þau
að fara í röðina eins og hinir. Þetta er
það sem lesa má úr svari upplýsinga
fulltrúans við fyrirspurn DV. Sam
kvæmt 5. grein laga um húsnæðismál
ber sveitarstjórn ábyrgð á og hefur
frumkvæði að því að leysa húsnæðis
þörf þess fólks í sveitarfélaginu sem
þarfnast aðstoðar við húsnæðisöfl
un. Blaðamaður spurði Örnu hvern
ig sveitastjórnin muni rækja skyldur
sínar gagnvart barnafjölskyldunum í
Hamraborgarhúsinu.
Í skriflegu svari Örnu kemur ekk
ert fram sem bendir til þess að fólk
ið fái einhver sérstök úrræði hjá bæj
arfélaginu. Hins vegar svaraði hún
spurningunni almennt með þess
um orðum: „Öllum þeim sem eiga
lögheimili í Kópavogi [er] heimilt að
sækja um félagslegt leiguhúsnæði og
verða umsóknir metnar eftir skýru
stigakerfi þar sem meðal annars er
horft til tekna og aðstæðna, og leit
ast við að setja þá í forgang sem eru í
hvað mestri þörf.“
Bæjarstjóri með áhyggjur
Mörg þeirra sem búa í húsinu sjá
ekki fram á að geta leigt á hinum al
menna leigumarkaði sökum gífurlega
hás leiguverðs. DV ræddi við nokkra
leigjendur þar á dögunum og sögðust
flestir þeirra vera að leita sér að öðr
um húsakosti. Viðmælendur voru þó
sammála um að leiguverð á hinum al
menna leigumarkaði væri of hátt fyr
ir þau. Lausleg skoðun á íbúðum sem
auglýstar eru til leigu á Leigulistan
um, sýnir að þriggja herbergja íbúð
ir á höfuðborgarsvæðinu eru leigðar
út á bilinu 150–190 þúsund krónur á
mánuði.
Fjölmargir eru í raun í þessari
sömu stöðu. Ármann Kr. Ólafsson,
bæjarstjóri Kópavogs, hefur lýst yfir
áhyggjum sínum af þeim aukna fjölda
sem sækir um aðstoð hjá félagsþjón
ustunni í bænum. Í viðtali við RÚV á
dögunum sagði hann að sveitarfélag
ið stæði frammi fyrir miklu vandamáli
tengdu háu leiguverði. Sífellt fleiri
einstaklingar eiga í erfiðleikum með
að leigja á almennum leigumarkaði
og sjá sér ekkert annað fært en að leita
á náðir sveitarfélagsins. Fleiri sveitar
félög virðast eiga við sama vanda að
etja en Ármann sagðist vera þeirr
ar skoðunar að málið væri af þeirri
stærðargráðu að það ætti erindi inn á
borð ríkisstjórnarinnar. n
13. september 2013
9. september 2013
Jón Bjarki Magnússon
blaðamaður skrifar jonbjarki@dv.is
Vont
fyrir börnin
Strætóbílstjór-
inn Kristof Frej
er einn þeirra
sem býr í húsinu
með fjölskyldu
sinni. Hann segir
rafmagnsleysið
hafa bitnað
verst á börnun-
um í húsinu.
Myndir Sigtryggur Ari
Ýmsar athugasemdir Slökkviliðið hefur gert ýmsar athugasemdir við brunavarnir í húsinu.
Róbert Þór Sighvatsson, sem er nýbúinn að selja húsið segir það hinsvegar vera á „hótel standard“
Mikið vandamál Ármann Kr. Ólafsson,
bæjarstjóri Kópavogs, hefur lýst yfir áhyggj-
um sínum af þeim aukna fjölga sem sækir
um aðstoð hjá félagsþjónustunni í bænum.
Björgunar-
sveitir á ferð
og flugi
Björgunarsveitir höfðu í nógu að
snúast í veðurofsanum sem geis
aði á sunnudag. Sveitir frá Kirkju
bæjarklaustri og Skaftártungum
aðstoðuðu meðal annars öku
menn á svæðinu frá Hólaskjóli, í
Landmannalaugar og Langasjó.
Um sex tilvik var að ræða þar sem
jepplingar voru ekki útbúnir til
fjallaferða að vetrarlagi. Þá voru
bílar sóttir á Hrafnseyrarheiði og
á Kjalvegi.
Á Akureyri losnuðu þakplötur
af húsi þar sem framkvæmdir
voru í gangi og tryggði björgunar
sveitin að ekki skapaðist hætta af.
Þá voru dæmi þess að tré hefðu
brotnað í hvassviðrinu á Akureyri.
Gómaður á
ofsahraða
Hann má eiga von á 130 þúsund
króna sekt ökumaðurinn sem
stöðvaður var vegna ofsaaksturs
á Suðurnesjum í liðinni viku.
Umræddur ökumaður mældist á
144 kílómetra hraða á Reykjanes
braut þar sem hámarkshraði er
90 kílómetrar á klukkustund. Alls
voru sjö ökumenn kærðir fyrir
hraðakstur í umdæminu í síð
ustu viku. Einn þeirra var auk
þess ekki með bílbeltið spennt.
Fjórir ökumenn til viðbótar
sinntu ekki stöðvunarskyldu og
þá var einn handtekinn vegna
gruns um ölvun við akstur.
Loks voru skráningarnúmer
klippt af fjórum bifreiðum, sem
ýmist voru ótryggðar eða höfðu
ekki verið færðar til skoðunar
innan tilskilins tíma.
Boðið er upp á tveggja vikna spænskunámskeið með menn-
ingarlegu ívafi í Extremadurahéraði á Spáni. Kennt er í 3
tíma á dag utan þá tvo daga sem farið er í dagsferðir.
Fyrri vikuna er dvalið í klaustri sem breytt hefur verið í þriggja stjörnu
hótel í þorpinu La Parra. Þar gefst góður tími til slaka á, ná sambandi við
náttúruna og kyrrðina og borða mat sem framleiddur er í héraðinu.
Síðari vikuna er dvalið á undurfallegu fjögurra stjörnu hóteli á ráðhús-
torginu í bænum Zafra. Leiðsögumaður og spænskukennari er Margrét
Jónsdóttir Njarðvík, vararæðismaður Spánar.
Haustbúðir á Spáni
- fyrir fullorðna
www.mundo.is
11. - 25. október 2013
Verð: 369.900 miðað við tvo í herbergi
Verð: 410.000 miðað við einn í herbergi
Nánari upplýsingar í síma 6914646 eða margret@mundo.is
Innifalið: Flug, hótel, fæði (fullt fæði fyrri vikuna, hálft fæði
síðari vikuna), rútuferðir, skoðunarferðir til Mérida og Sevilla,
spænskukennsla 3 klst. á dag, gönguferðir við sólarupprás
í 2-3 klst á dag, jóga þrisvar í viku, aðgangseyrir að Reales
Alcazares í Sevilla og aðgangseyrir að söfnum í Mérida.