Dagblaðið Vísir - DV - 26.08.2008, Blaðsíða 8
Þriðjudagur 26. ágúst 20088 Fréttir
Vinstri-græn
í Reykholti
Flokksráðsfundur Vinstri-
hreyfingarinnar - græns fram-
boðs verður haldinn í Reykholti
á föstudaginn. Forsvarsmenn
flokksins búast við góðri mætingu
almennra félaga sem og flokks-
ráðsfulltrúa en flokksráðið er
skipað ríflega 100 manns. Stein-
grímur J. Sigfússon formaður
flokksins byrjar fundinn með um-
ræðum um efnahagsmál en fund-
urinn er opinn öllum félögum
flokksins. Svandís Svavarsdóttir
borgarfulltrúi og Karl Tómasson
forseti bæjarstjórnar Mosfells-
bæjar fjalla um sveitarstjórnar-
mál. Á laugardeginum verður
skipt í vinnuhópa sem munu
fjalla ýmist um Evrópu- og efna-
hagsmál, velferðarmál og sveit-
arstjórnarmál. Fundinum verður
slitið á hádegi á laugardag.
InnlendarFréttIr
ritstjorn@dv.is
Kennurum
sagt upp
Fjórir sóttu um nám á fyrsta
ári í tölvunarfræði við Háskól-
ann á Akureyri í haust. Í fram-
haldinu ákvað Háskólaráð skól-
ans að fella námið niður og í gær
var öllum sex kennurum í tölv-
unarfræði við skólann sagt upp,
en nokkrir eiga kost á endur-
ráðningu að því er fram kemur
á akureyri.net. Í kjölfarið ætlar
skólinn að endurskoða skipulag
námsins en hugmyndir eru uppi
um að bjóða það í formi fjar-
náms í framtíðinni. Þorsteinn
Gunnarsson rektor Háskólans
á Akureyri segist harma þessa
ákvörðun en hún hafi verið
nauðsynleg vegna þess hve fáir
nemendur stundi þetta nám.
Fíkniefni
í vegarkanti
Árvökulir íbúar við Njarðar-
braut í Reykjanesbæ tilkynntu
lögreglunni um grunsamleg-
ar mannaferðir í námunda við
brautina. Mætti lögreglan á svæð-
ið þar sem hún fann 35 grömm
af efni sem
talið er að sé
amfetamín.
Lögreglan tel-
ur að efnun-
um hafi verið
kastað út úr
bifreið en lög-
reglumenn
voru með
umferðareftirlit á þessum slóðum
um helgina. Hafi eigendur efn-
anna ætlað að finna þau aftur en
lögreglan varð fyrri til eftir ábend-
ingu frá íbúum á svæðinu.
Meistaranám
á Vestfjörðum
Í vetur verður í fyrsta sinn
boðið upp á staðbundið
háskólanám alfarið kennt á
Vestfjörðum eins og kem-
ur fram á bb.is. Um er að
ræða meistaranám í haf- og
strandsvæðastjórnun sem er
liður í því markmiði Háskóla-
seturs Vestfjarða að bjóða
upp á fjölbreytt alþjóðlegt
nám á meistarastigi. Kennar-
ar verða innlendir og erlendir
sérfræðingar en námið er sett
á fót í samvinnu við Háskól-
ann á Akureyri.
Um síðustu mánaðamót óskaði
Vegagerðin eftir tilboðum í gerð Suð-
urstrandarvegar, á milli Krýsuvík-
ur og Þorlákshafnar. Þrettán ár eru
liðin frá því lagning Suðurstrandar-
vegar var fyrst sett inn á vegáætlun.
Á þeim tíma hafa aðeins verið lagðir
átta kílómetrar af þeim 58 sem veg-
urinn verður fullgerður.
Í samgönguáætlun er gert ráð
fyrir því að leggja 1.430 milljónir
króna í lagningu vegarins á næstu
tólf árum. Á það er þó að líta að í
vegáætlun 2000 til 2004 var gert ráð
fyrir 400 milljónum króna til verk-
efnisins og 500 milljónum í vegáætl-
un 2003 til 2006. Ekki skilaði það fé
sér þó allt en það hefði dugað lang-
leiðina til að leggja veginn.
Sextán ára bið
Verkið sem boðið er út nú felst
í nýbyggingu 33,6 kílómetra langs
vegkafla, ásamt 2,3 kílómetra löng-
um tengingum við hann. Í útboð-
inu er einnig gert ráð fyrir smíði 12
metra steyptrar bitabrúar á Vogsós
neðan Hlíðarvatns í Selvogi. Þá eru
ræsi, grjótvarnargarðar, reiðstígur
og girðingar einnig innifaldar. Und-
irbygging Krýsuvíkurvegar skal vera
lokið fyrir 1. júní 2009 en brúin skal
vera tilbúin 15. september 2010.
Öllu verkinu skal lokið ári síðar, eða
árið 2011. Þá eru 16 ár liðin frá því
Suðurstrandarvegur var fyrst settur
inn á vegáætlun.
Sundabraut í áratugi
Suðurstrandarvegur er ekki eina
framkvæmdin af þessari stærðar-
gráðu sem stjórnvöld hafa frestað
um árabil. Árni Þór Sigurðsson,
þingmaður vinstri-grænna, bendir
á Sundabraut í því samhengi. „Það
er lengi búið að tala um blessaða
Sundabrautina. Hún kom fyrst inn á
aðalskipulag Reykjavíkurborgar árið
1984,“ segir hann. Árni Þór, sem sit-
ur í samgöngunefnd Alþingis, segir
að þá hafi hún reyndar verið hugs-
uð sem framtíðarverkefni. „Það var
til tólf ára og þótti rosalega langur
tími. Nú eru önnur tólf ár liðin og
það bólar enn ekkert á brautinni,“
bendir hann á en bætir þó við að
vissulega krefjist svona stórt verk-
efni mikils undirbúnings. Það afsaki
þó ekki allan þennan tíma.
Hólmsheiðarfangelsi
bíður enn
Bygging nýs fangelsis á Íslandi
hefur verið á döfinni í 48 ár. Árið
1960 fól dómsmálaráðuneytið
Valdimar Stefánssyni sakadómara
að gera áætlanir um að koma ís-
lenskum fangelsismálum í nútíma-
legt horf. Hann kom fram með þá
tillögu að byggja nýtt fangelsi í Korp-
úlfsstaðalandi. Ekkert varð úr því og
hefur framkvæmdum við nýtt fang-
elsi verið frestað ár eftir ár. Mörg ár
eru síðan rætt var að reist yrði nýtt
fangelsi á Hólmsheiði, rétt utan
Reykjavíkurborgar. Árið 2001 sam-
þykkti borgarráð að láta lóð á heið-
inni undir byggingu fangelsisins.
Síðasta haust sagði Valtýr Sig-
urðsson, þáverandi forstjóri Fang-
elsismálastofnunar, í samtali við DV
að Fangelsismálastofnun ætti í við-
ræðum við Reykjavíkurborg vegna
breytinga á staðsetningu á fyrirhug-
uðu fangelsi á Hólmsheiði. Þegar því
ferli lyki yrði reynt að fá fjármagn til
að klára frumathugun á svæðinu. Þá
ætti eftir að taka endanlega ákvörð-
un um hvernig ætti að ráðast í fram-
kvæmdina. Engar fréttir hafa bor-
ist af fyrirhuguðu fangelsi síðan en
Hegningarhúsið við Skólavörðustíg
hefur lengi verið á undanþágu frá
heilbrigðisreglugerð. Undanþágan
er nauðsynleg vegna þess að ekki
er hægt að útbúa salernisað-
stöðu inni í klefum þeirra
fanga sem þar dvelja. Þeir
eru nú um tíu talsins. Þær
upplýsingar fengust frá
Árnýju Sigurðardótt-
ur, framkvæmdastjóra
Heilbrigðiseftirlits
Reykjavíkur, að Hegn-
ingarhúsið hefði starfs-
leyfi til 1. janúar 2010.
Lengi talað um
tvöföldun
Árni Þór bendir
einnig á að allt frá því
Hvalfjarðargöngin voru
opnuð hafi verið talað
um að tvöfalda vegina frá
höfuðborgarsvæðinu. Þrátt
fyrir það bíði Suðurlandsveg-
urinn að hluta til enn, auk þess
sem hvergi sé tvöföldun á Vest-
urlandsvegi. „Stjórn-
völd horfa upp á
hvert slys-
ið á
fætur öðru á þessum vegum án þess
að bregðast við. Á þessum vegum er
gríðarleg umferð og löngu kominn
tími á framkvæmdir,“ segir Árni Þór
og bendir á að umferð hafi aukist
gríðarlega undanfarin ár. Sjóflutn-
ingar hafi meira og minna lagst af og
flutningabílarnir verði sífellt stærri
og þyngri. Vissulega hafi auknu fjár-
magni verið veitt í vegagerð en hann
segir að betur þurfi að gera.
Nýr vegur um Norðurland
Árni bendir einnig á hættulega
kafla vestur frá Akureyri. Þar nefnir
hann Öxnadalinn, Öxnadalsheiðina
og Vatnsskarðið. „Ég hef lengi séð
fyrir mér veg sem tengir byggðirn-
ar á Norðurlandi betur saman. Það
væri til dæmis hægt að fara úr Eyja-
firði um Hörgárdal og yfir í Hjalta-
dal. Þaðan í gegnum Sauðárkrók og
Þverárfjallið. Þá kæmi maður beint
á Blönduós. Þessi vegur myndi
stytta leiðina mjög mikið og tengja
betur saman byggðarkjarnana,“
segir Árni Þór en bendir á að
hálendisvegur myndi
hafa þveröfug áhrif;
byggðirnar myndu
fjarlægjast enn
meira.
Listinn er lengri
Mun fleiri dæmi eru um stór-
framkvæmdir sem settar hafa ver-
ið á bið. Nægir þar að nefna fram-
kvæmdir á Norðausturlandi á borð
við nýjan „Dettifossveg“ auk nýs
vegar yfir Öxarfjarðarheiði. Um
þessa vegagerð hefur verið talað
árum saman. Þá hafa Norðlend-
ingar einnig beðið lengi eftir
Vaðlaheiðargöngum en
framkvæmdir við þau
hefjast á næsta ári.
Þessi listi er fjarri
því tæmandi, því
ótalin eru til dæm-
is brýn verkefni í
vegagerð á Vest-
fjörðum og Aust-
fjörðum.
BALDUR GUÐMUNDSSON
blaðamaður skrifar baldur@dv.is
Nú hefur lagning Suðurstrandarvegar loks verið
boðin út en þrettán ár eru frá því vegurinn var
fyrst settur inn á vegaáætlun. Mörg dæmi eru
um að stjórnvöld hafi frestað stórfram-
kvæmdum svo árum eða áratugum skiptir.
Sundabraut kom fyrst inn á aðalskipu-
lag Reykjavíkurborgar árið 1984, að
sögn Árna Þórs Sigurðssonar þing-
manns. Þá hefur til dæmis staðið
til að reisa nýtt fangelsi í 48 ár.
FRamKVæmdum
FRestað í áRatugi
Ekkert gert „stjórnvöld
horfa upp á hvert slysið á
fætur öðru á þessum vegum
án þess að bregðast við,“ segir
árni Þór sigurðsson þingmað-
ur um suðurlandsveg.