Dagblaðið Vísir - DV - 26.08.2008, Blaðsíða 13
Þriðjudagur 26. ágúst 2008 13Fréttir
Leikarnir slá öll sjónvarpsmet
Enginn sjónvarpsviðburður hef-
ur fengið jafn mikið áhorf í sögu
bandarísks sjónvarps og Ólymp-
íuleikarnir sem haldnir voru í
Peking í Kína. NBC-sjónvarps-
stöðin bandaríska staðfestir að
211 milljónir áhorfenda hafi horft
á Ólympíuleikana í sjónvarpi á
þeim 16 dögum sem Ólympíu-
leikarnir stóðu. Það er tveimur
milljónum fleiri áhorfendur en
horfðu á Ólympíuleikana í Atlanta
í Bandaríkjunum árið 1996. NBC
sjónvarpsstöðin borgaði ríflega 7,2
milljarða króna fyrir sjónvarps-
réttinn að leikunum og skilaði
hann stöðinni rúmlega 8,1 millj-
arði króna í auglýsingatekjur.
Lögreglustjóri í fangelsi
Mark Curran, lögreglustjóri í Lake
County í Illinois, ákvað í síðustu
viku að láta loka sig inni í sínu eig-
in fangelsi til að læra af eigin raun
hvernig megi betrumbæta í fang-
elsismálum í sýslunni. Mun hann
prófa hin ýmsu námskeið sem
ætlað er að draga úr endurteknum
afbrotum fanganna. Curran segir
fangelsi Illionis vera með þeim lé-
legustu í Bandaríkjunum, fangar
snúi aftur í samfélagið verri fyrir
vikið og tími sé kominn á breyting-
ar. Curran mun því dveljast meðal
nauðgara, morðingja og ræningja
til að komast að hvar megi gera
betur. Hann mun þó fá sinn eigin
klefa innan um 600 fanga.
Fangar í Zenica í Bosníu nota dúfur til að smygla fíkniefnum:
Dúfa er nú í haldi fangelsisyfirvalda
í Bosníu eftir að grunur vaknaði um
að fangar í hámarksöryggisfangelsinu
Zenica þar í landi hafi notað hana til að
smygla fíkniefnum inn í fangelsið. Dúf-
an er gæludýr eins fangans og er talið
að litlir pokar með heróínskömmtum
hafi verið bundnir við fætur hennar.
Fangelsisverðir í Zenica urðu forvitn-
ir eftir að fjórir fangar urðu greinilega
vímaðir skömmu eftir að dúfan sást
lenda á gluggasyllu eiganda síns. Próf-
anir á föngunum leiddu í ljós að þeir
voru undir áhrifum heróíns. „Okkur
grunar að dúfan hafi borið fíkniefnin
frá Tuzla,“ er haft eftir forstöðumanns
Zenica, Josip Pojavnik, en Tuzla er bær
í rúmlega 60 kílómetra fjarlægð. „Við
vitum ekki nákvæmlega hvað við eig-
um að gera við dúfuna, en um stund-
arsakir verður hún í haldi hjá okkur,“
segir Pojavnik um þennan minnsta af-
brotamann fangelsins. Fangelsisyfir-
völd velta nú fyrir sér hvort þau eigi að
hætta með endurhæfingarverkefni sitt
í fangelsinu sem einmitt hvatti fanga til
að rækta dúfur, en fullyrða þó að þær
dúfur hafi ekki staðið í smyglaðgerð-
unum. mikael@dv.is
Dúfa smyglar heróíni
Harðsvíraður fíkniefnasmyglari dúfa er í varðhaldi í Bosníu grunuð um að smygla
heróíni til fanga. Mynd / getty
MáLgLaður reynsLuboLti
Repúblikanar í Bandaríkjunum telja
sig himin höndum hafa tekið eftir að
Barack Obama tilkynnti varaforseta-
efni sitt; Joe Biden. Biden hefur orð
á sér fyrir að tala áður en hann hugs-
ar og eftir áratuga veru í bandarískum
stjórnmálum er af nógu að taka.
Í Biden sjá rebúblikanar ótæmandi
uppsprettu til gagnrýni og nú þegar
ku hafa vaknað hugmynd að límmiða
sem á stendur „Obama bin Biden“.
En þó að repúblikanar hlakki til
baráttu gegn honum og hafi nægan
efnivið að moða úr velkist enginn
í vafa um að Biden er verðugt vara-
forsetaefni. Joe Biden hefur aldur-
inn, persónutöfrana, upprunann og
reynsluna með sér.
Laganám og hjónaband
Joe Biden fæddist þann 20. nóvem-
ber 1942 í Scranton í Pennsylvaníu.
Joe Biden er elstur fjögurra systkina,
en fjölskylda hans flutti til Delaware
þegar hann var tíu ára þar sem faðir
hans starfaði við bílasölu.
Joe Biden lagði stund á nám í
sögu og stjórnmálafræði og fór síð-
an í lögfræði í lagaháskólanum í
Syrakúsu.
Árið 1966, á meðan hann var
í laganámi, kvæntist hann Neiliu
Hunter. Með Neiliu eignaðist hann
þrjú börn, tvo syni og eina dóttur.
Joe Biden missti eiginkonu sína og
dóttur í bílslysi 1972, skömmu eftir
að hann var kjörinn í öldungadeild-
ina. Synir hans slösuðust alvarlega í
sama bílslysi, en náðu sér að lokum
að fullu.
Að áeggjan vina sinna ákvað
hann að draga sig ekki í hlé til að
geta sinnt sonum sínum, en þess í
stað lagði hann á sig eins og hálfs
tíma lestarferð daglega frá heimili
sínu í úthverfi Wilmington til Wash-
ington D.C. Þeim sið hefur hann
haldið allar götur síðan.
Öldungadeildin
Árið 1977 kvæntist Joe Biden á
ný, Jill Tracy Jacobs, og eiga þau eina
dóttur saman. Joe Biden gekkst undir
skurðaðgerð árið 1988 vegna tveggja
slagæðargúlpa í heila og var frá öld-
ungadeildinni um sjö mánaða skeið
í kjölfarið.
Joe Biden er sjötti yngsti einstakl-
ingurinn í sögu Bandaríkjanna sem
kjörinn hefur verið í öldungadeild-
ina og státar enginn öldungadeild-
arþingmaður frá Delaware af lengri
tíma í deildinni. Hann hefur setið
sex kjörtímabil í öldungadeildinni og
hefur sjötta lengsta tímann þar hvort
heldur er horft til demókrata eða
repúblikana.
Joe Biden hefur átt sæti í utan-
ríkismálanefnd öldungadeildar-
innar og er nú um stundir formað-
ur nefndarinnar. Hann lét mikið
að sér kveða þegar stríðið á Balk-
anskaga stóð yfir og studdi George
W. Bush, Bandaríkjaforseta, í kjöl-
far árásanna 11. september 2001.
Andastaða hans við innrás í Írak,
nema sem þrautalendingu í þeirri
deilu var þó á skjön við vilja Bush
og hauka hans.
Síðan þá hefur hann gagnrýnt
stefnu ríkisstjórnar Bush í Íraks-
stríðinu og sagt að fjölga þurfi her-
mönnum, sækja víðtækari stuðn-
ings til alþjóðasamfélagsins og sýna
bandarísku þjóðinni hreinskilni
hvað varðar gang mála í stríðs-
rekstrinum. Eitt af því sem Joe Bid-
en hefur stungið upp á sem lausn
á átökum sjíta og súnnía, og mál-
efnum Kúrda í Norður-Írak, er að
skipta landinu upp þannig að þeir
fengju „andrými“ í eigin héruðum.
Forsetaframboð og ritstuldur
Joe Biden bauð sig fram til emb-
ættis forseta 1987 og var lengi
framan af vænlegur kostur. En þeg-
ar leið á dróst hann aftur úr keppi-
nautum sínum. Í september varð
framboð Bidens fyrir verulegu
áfalli þegar hann gerði að sínum
orð Neils Kinnocks, þáverandi leið-
toga breska Verkamannaflokksins.
Skömmu síðar kom í ljós að Joe
Biden hafði, þegar hann nam lög í
háskólanum í Sýrakúsu, orðið upp-
vís að ritstuldi í ritgerð sem hann
skrifaði um lögfræðileg efni. Bid-
en hafði þá kennt því um að hann
hefði ekki þekkt til hlítar reglur um
notkun tilvitnana. Hann fékk að
taka það próf aftur.
Einnig kom í ljós að Biden hafði
farið heldur frjálslega með afrek sín
á námsárunum og hafði ekki verið
sá námshestur sem hann vildi láta
í veðri vaka. Joe Biden dró framboð
sitt til baka 23. september 1987.
Í kjölfarið kom í ljós að fólk í her-
búðum Michaels Dukakis, keppi-
nautar Bidens, hafði útbúið mynd-
band þar sem ritstuldur Bidens á
ræðu Neils Kinnocks var tíundaður,
og hafði myndbandinu verið dreift
til fréttaveita. Í kjölfarið rak Duka-
kis John Sasso, framkvæmda- og
starfsmannastjóra, framboðsins.
Forsetaframboð
Joe Biden tók einnig slaginn
í þeirri kosningabaráttu sem nú
stendur hvað hæst í Bandaríkjun-
um. Honum var meðal annars tal-
ið það til tekna að hann tilheyrði
„skynsamlegri miðju demókrata-
flokksins“.
En þeir voru til sem töldu að
kjafturinn yrði Joe Biden að falli og
hann olli þeim ekki vonbrigðum.
Joe Biden dró sig í hlé í janúar þeg-
ar forval fór fram í Iowa.
Í júní gaf Biden út þá yfirlýs-
ingu að hann myndi þekkjast boð
um embætti varaforseta ef til þess
kæmi. Þann 23. ágúst var staðfest að
Barack Obama og Joe Biden myndu
hlaupa lokasprett kosningaslags-
ins saman. Með vali sínu hefur Bar-
ack Obama styrkt stöðu sína gagn-
vart þeim sem telja að hann skorti
reynslu í utanríkismálum. Með val-
inu sló hann tvær flugur í einu höggi
því Biden hefur reynslu af hvort
tveggja öryggismálum og öryggis-
málum þjóðarinnar.
Honum var meðal annars talið það til
tekna að hann tilheyrði „skynsamlegri
miðju demókrataflokksins“.
Eiginkonur og eiginmenn
Barack Obama og joe Biden
faðma eiginkonu hvor annars.