Dagblaðið Vísir - DV - 26.08.2008, Blaðsíða 22
Þriðjudagur 26. ágúst 200822 Fólkið
Uppselt er á tónleikar Bjarkar
Guðmundsdóttur sem fara fram í
Langholtskirkju í dag klukkan 18.
Miðarnir ruku út á midi.is en stykkið
kostaði litlar 6.000 krónur en tónleik-
arnir eru um klukkustundarlangir.
Hljómsveitin Wonderbrass kemur
fram ásamt Björk en það er stúlkna-
sveitin sem hefur ferðast með henni
um heim allan undanfarið ár. Leikin
verða lög sem hafa verið uppistaða
á tónleikaferð Bjarkar um heiminn
sem hefur staðið yfir í eina 17 mán-
uði. Tónleikarnir verða teknir upp og
gefnir út á hljómdiski.
Ragnhildur Magnúsdóttir Thord-
arson, útvarpskona segir á heima-
síðu sinni að hún sé ekki byrjuð með
Ólafi F. Magnússyni en nýlega birt-
ist mynd af Ólafi í fjölmiðlum með
arma sína utan um útvarpskonuna.
Myndina notaði sjálfur Eiríkur Jóns-
son í síðasta ritstjórnarpistli sínum
um leið og hann talaði um meinta
kvensemi fyrrverandi borgarstjór-
ans. Það sem Eiríkur vissi eflaust
ekki er að Ragnhildur er bróðurdóttir
Ólafs og því ekki óeðlilegt að honum
þyki vænt um stelpuna og sýni það
með faðmlagi.
Ekki byrjuð
mEð Ólafi f
sExfalt
maraþon
í Einum rykk
„Þetta er eitt erfiðasta hlaup í
heiminum, brautin er erfið og tíma-
mörkin eru þröng,“ segir Gunnlaug-
ur Júlíusson sem stefnir á að hlaupa
sexfalt maraþon, eða 240 kílómetra,
á Grikklandi 27. til 28. september.
„Hlaupið er á milli Aþenu og Spörtu
og ég tók tvöfalt maraþon á laugar-
daginn til að undirbúa mig. Í fyrra
fór ég í hlaupið á Grikklandi en var
svo óheppinn að það var 34 stiga
hiti og ég hætti eftir 150 kílómetra.
Ég hafði einu sinni á ævinni komið
í svona hita og þetta var of mikið,
þetta var mesti hiti sem hafði verið
í sögu hlaupsins.“
Hlaupið stendur yfir í einn
og hálfan sólarhring og ekkert er
stoppað á leiðinni. „Þetta er í einum
rykk, maður stoppar ekki nema til
að nærast og fara á klósettið. Sums
staðar er ferðaklósett og sums stað-
ar hleypur maður í gegnum þorp
og fer á klósettið þannig. Ég ætla að
vera í saunu núna síðustu vikurnar
til að venja mig við mikinn hita og
ég hef hlaupið miklu meira en í fyrra
og er sterkari.
Ég ætla vestur um næstu helgi ef
veðrið verður ekki vitlaust og hlaupa
á milli Flókalundar og Bjarkalundar
á tveimur dögum. Það eru 140 kíló-
metrar og þar er hæðótt landslag
sem er ekki óáþekkt landslaginu í
Grikklandi, seinnipart leiðarinnar.“
Þegar Gunnlaugur er spurður hvern-
ig hann hafi náð svona góðum ár-
angri segist hann hafa hlaupið mik-
ið í gegnum tíðina og byggt upp þol
og styrk. „Ég fór nú út í þetta af því
að maður getur þetta, þetta kemur
bara stig af stigi. Fyrir tveimur árum
breytti ég mataræðinu, tók það alveg
í gegn og ég borða ekki ruslfæði. Mér
finnst skipta verulega miklu máli að
skrokkurinn sé vel nærður, líkaminn
ekki fullur af rangri orku. Ég borða
fyrst og fremst kjöt, fisk, grænmeti
og ávexti en ég borða aldrei sælgæti,
kökur og kex og mjög lítið af brauði,
pasta og hrísgrjónum. Ég borða ekki
unninn mat sem ég veit ekki hvað
er í eins og pylsur. Ég finn bara að
skrokkurinn er sterkari og fljótari
að ná sér eftir mikið álag eftir að
ég breytti mataræðinu. Það er líka
minni meiðslahætta og maður get-
ur lagt á sig meiri erfiði.“
Aðspurður um andlega álagið og
hvernig hann tekst á við það segir
hann að partur af því sé að vakna
um miðja nótt og byrja að streða
langt á undan öllum öðrum og
fara í tvöfalt maraþon. „Þetta
er spurning um að aga sig,
ég er með ákveðið markmið
og verð að beygja mig und-
ir ýmislegt til að ná mark-
miðinu, þá getur maður
ekki látið allt eftir sér.
Ég hleyp á morgnana
áður en ég fer í vinn-
una, í hádeginu og á
kvöldin. Um helg-
ar fer ég fer ég að
hlaupa klukkan
fimm eða sex á
morgnana þeg-
ar allir eru sof-
andi þannig
að þetta bitn-
ar ekkert á
fjölskyld-
unni,“
segir
Gunn-
laugur að
lokum.
Gunnlaugur stefnir á að hlaupa sexfalt maraþon í erfið-
asta hlaupi heims í Grikklandi eftir mánuð. Hann er
hagfræðingur hjá Sambandi íslenskra sveitarfélaga en
veigrar sér ekki við að hlaupa í einn og hálfan sólarhring
án þess að stoppa. Gunnlaugur hljóp tvöfalt maraþon í
Reykjavíkurmaraþoni Glitnis á laugardaginn.
„Mér finnst þetta bara mjög spenn-
andi enda hef ég heyrt að Búlgaría sé land
tækifæranna,“ segir athafnakonan og fyr-
irsætan Ásdís Rán Gunnarsdóttir. Ásdís er
sem kunnugt er eiginkona knattspyrnu-
mannsins Garðars Gunnlaugssonar en þau
hjónakornin hafa undanfarið verið búsett
í Svíþjóð þar sem Garðar hefur spilað með
knattspyrnuliðinu Norrköping. Nú hefur
Garðar hins vegar undirritað samning við
búlgarska úrvalsdeildarliðið Lokomotiv-
Sofia og fjölskyldan því öll á förum til Búlg-
aríu.
Ásdís stendur fyrir Hawaiian Tropic-
baðfatakeppninni í Svíþjóð, Noregi og á Ís-
landi en segist ekki ætla að færa út kvíarn-
ar í Búlgaríu í bráð. „Ég er allavega ekki að
pæla í neinu svoleiðis alveg strax. Ég held
frekar að ég helli mér út í fasteignabraskið
en ég er alveg ágætlega inni í öllum þess-
um fasteignamálum. Það er mikill pening-
ur þarna og auðvelt að græða mikið á fast-
eignamarkaðnum í Búlgaríu.“
Auk þess er nóg annað spennandi fram
undan hjá Ásdísi en hún er meðal annars
að leggja lokahönd á hönnun á gallabuxna-
línu fyrir sænska fyrirtækið D-brand auk
þess sem hún er andlit auglýsingaherferð-
ar fyrir ilmvatnið Ray Saxx í Evrópu. „Svo
stendur til að ég komi til Íslands í septemb-
er að vera módel fyrir nýtt íslenskt vodka. Í
lok janúar fer ég svo til Ástralíu út af Million
Dollar Woman þættinum í tvær vikur.“
Garðar flytur til Búlgaríu í dag en Ásdís
segist verða áfram í Svíþjóð til að pakka nið-
ur búslóðinni þar til í lok september. „Þetta
gerist alltaf svona hratt í fótboltanum. Það
er gaman að prufa að upplifa eitthvað svona
en mig hefur alltaf dreymt um að ferðast og
ég fæ tækifæri til þess í leiðinni svo ég tek
öllum þessum flutningum mjög létt.“
krista@dv.is
í fastEignabrask í búlgaríu
Ásdís RÁn flytuR með eiGinmanni Sínum GaRðaRi oG böRnum til búlGaRíu:
Garðar Gunnlaugsson Mun spila með
úrvalsdeildarliði í Búlgaríu. ásdís og
börnin fara að sjálfsögðu með.
GunnlauGur Júlíusson:
fær fÓlk
til að fara
í kirkju
Gunnlaugur Júlíusson
Hleypur í einn og hálfan
sólarhring sleitulaust í
grikklandi eftir mánuð.