Dagblaðið Vísir - DV - 14.11.2008, Síða 18
föstudagur 14. nóvember 200818 Helgarblað
Energy í gegn í fyrrahaust en Hann-
es var þá stjórnarformaður GGE. Þá
er fullyrt að Hannes hafi krafist þess
í mars 2007 að einhver fulltrúa FL
Group í bankaráði Glitnis fengi stöðu
stjórnarformanns. Einar Sveinsson,
þáverandi formaður, ætti einfaldlega
að segja af sér svo af því gæti orðið.
Við þessu brugðust aðrir stjórnar-
menn en fulltrúar FL ókvæða og varð
niðurstaðan óbreytt ástand.
„Allt er falt,“ sagði Hannes viðtali
við Fréttastofu Stöðvar 2 og Bylgj-
unnar í ágúst 2005 þegar hann var
inntur eftir viðbrögðum við full-
yrðingu stofnanda og aðaleiganda
breska lággjaldaflugfélagsins EasyJet
að hlutur sinn væri ekki til sölu. FL
Group hafði þá keypt 1,51 prósent
til viðbótar í breska lággjaldafélag-
inu EasyJet en fyrir átti félagið 11,5
prósenta hlut. Í tengslum við ásælni
Hannesar í EasyJet sagði stofnand-
inn, Stelios Haji-Ioannou að nafni,
að hann skildi ekki hvaðan Hannes
fengi peninga til fjárfestinga sinna.
Aldrei varð af yfirtöku FL á EasyJet.
Hannes hefur þó farið mikinn
í fjárfestingum undanfarin ár eins
og kunnugt er. En nánast allt sem
Hannes hefur snert hefur orðið að
grjóti. Á meðal þeirra fyrirtækja
sem hann fjárfesti í í góðærispartí-
inu voru Bang & Olufsen, House of
Fraser, AMR Corparation, móðurfé-
lag American Airlines, og hollenski
drykkjarvöruframleiðandinn Refres-
co. Sterling er svo vitanlega ein allra
frægasta fjárfestingin.
„Við erum tækifærissinnar og
horfum á hvað sem er,“ sagði Hann-
es, spurður um næstu skref sín og
FL Group í Krónikuviðtalinu. Nokkr-
um vikum áður hafði hann verið val-
inn maður ársins 2006 í viðskipta-
lífinu hjá dómnefnd Markaðarins,
viðskiptablaði Fréttablaðsins. Þeg-
ar nokkrar vikur lifðu af árinu 2007
hætti Hannes sem forstjóri FL eftir að
hafa slegið Íslandsmetið í taprekstri
og flutti í kjölfarið til London.
Hættulegur rugludallur?
Einn viðmælenda DV, sem lifað hef-
ur og hrærst innan íslenska fjármála-
heimsins undanfarin ár, segir Hann-
es eldkláran og fljótan að átta sig á
öllu. „Um leið er hann ótrúlega fljót-
fær og kaldur. Það er ástæðan fyr-
ir því að hann er í þeirri stöðu sem
hann er í í dag.“
Vilhjálmur Bjarnason, fram-
kvæmdastjóri Félags íslenskra fjár-
festa, hefur ekki beint margt gott að
segja um Hannes. „Ég get ekki upplif-
að hann öðruvísi en sem rugludall því
það er enginn í Íslandssögunni sem á
önnur eins töp að baki og hann,“ segir
Vilhjálmur, aðspurður hvernig hann
upplifi Hannes sem bissnesmann.
Vilhjálmur átti hlut í FL Group á með-
an Hannes stýrði þar málum og var
fremstur í flokki hluthafa í aðhaldi og
fyrirspurnum til stjórnenda um það
í hvaða átt þeir væru að fara með fé-
lagið.
„Allt sem hann kemur nálægt
verður að einhverju rugli, hvort sem
það heitir Íslensk erfðagreining, FL
Group eða annað. Þetta er eiginlega
það eina sem ég get sagt því ég þekki
manninn ekki
neitt, og er
feginn að
þekkja
hann
ekki,“ segir Vilhjálmur.
Kristján Kristjánsson var yfir sam-
skiptasviði FL Group 2006 til 2007.
Hann segir Hannes afspyrnufljótan
að hugsa og fljótan að greina aðalat-
riði frá aukaatriðum. „Hann er bráð-
snjall að mörgu leyti, ég held að það
sé ekkert hægt að segja annað. En
eitthvað hefur hann skort jarðteng-
ingu á einhverjum stigum. Annars
hefðu hlutir ekki farið eins og þeir
fóru.“
Hannesi kynntist Kristján fyrst
þegar hann hóf störf hjá FL Group.
Kristján segir ekki slæmt að starfa
með honum. „Hann er náttúrlega
svolítið snöggur upp á lagið og, eins
og margir af þessum íslensku útrás-
arköllum voru, dálítil frekjudós. Þeir
vita hvað þeir vilja og ætlast til að
það sem þeir segja sé framkvæmt.
En þetta eru ekki vondir menn eða
eitthvað þess háttar.“
Kristján kveðst ekki hafa séð
nein viðvörunarljós blikka þegar
hann starfaði hjá FL Group. „Ég get
því miður ekki státað af því að hafa
séð þetta fyrir, ekki frekar en nokk-
ur maður á Íslandi. Þeir sem halda
því fram að hafa séð þetta fyrir eru
bara ekki að segja satt. En auðvitað
vissi maður að þetta væri áhættu-
sækið fyrirtæki. Ég held hins vegar
að engan hafi órað fyrir því að það
gæti fjarað undan því jafnhratt og
raunin varð.“
Hannes sagði í Krónikunni að
sennilega megi rekja útrás Íslend-
inga og kraftinn til víkingaeðlisins.
„Ég held líka að við höfum aldrei
áttað okkur á því hvað við erum í
raun og veru lítil. Við erum barnaleg
að því leyti. Það hefði engum dottið
í hug að gera þessa hluti, sem við
erum að gera, nema fólki sem
veit engan veginn hvað það er
að fara út í.“
„Hvað er það að
kunna sér hóf?“
Hannes var spurður í
því í viðtali við Krónik-
una hvort hann, sem og
aðrir nýríkir Íslendingar,
kynni sér hóf með pen-
inga. „Örugglega ekki,“
sagði hann og bætti við:
„En hvað er það að kunna
sér hóf og hvað ekki? Það
hafa allir sínar skoðanir á
því.“ Hann talaði um að Ís-
lendingar hefðu ekki gömul
auðæfi, og að það væri erfitt
að hafa of mikið. „Þá hverfur
öll hvatning. Þú ert bara vanur
því að fá allt upp í hendurnar
og hefur aldrei þurft að
hafa nokkurn skap-
aðan hlut fyrir
neinu.“
Þorsteinn Guðmundsson uppi-
standari talaði mjög opinskátt um
kynni sín af FL Group á sjónvarps-
stöðinni ÍNN fyrir stuttu. Þar fjallaði
hann um það þegar hann var feng-
inn sem veislustjóri til London á
skemmtun sem haldin var á vegum
félagsins. Af orðum hans að dæma
má skilja það svo að óhóflegur pen-
ingaaustur og glamúr hafi einkennt
félagið. Þar lýsir hann því hvernig
hann fékk stærðarinnar hótelher-
bergi með tveimur hjónarúmum,
tveimur baðherbergjum og þremur
sturtum aðeins fyrir sig. Þorsteini brá
við herlegheitin og lýsti því þannig í
þættinum að honum hefði liðið illa í
þessu herbergi. „Ég hleyp út og er úti
þarna mestallan daginn að leita að
hjólaskautum fyrir dóttur mína og ég
vil helst ekki vera þarna, ég var svona
hálfhræddur þarna inni. Svo fer ég í
sturtu og þá kann ég ekki á sturtuna
vegna þess að það var enginn svona
sturtubotn, vegna þess að þetta var
svo flott, það var bara gólfið.“ Þor-
steinn segist eitthvað hafa misskil-
ið sturtuna því að ekki fór betur en
svo að það flæddi vatn úr sturtunni
og um öll gólf. „Og þegar ég kem úr
sturtunni sé ég að það hefur flætt yfir
alla íbúðina og ég skríð um á nær-
buxunum með handklæði rétt fyrir
giggið. Og ég bara fokk, ég er búinn
að eyðileggja FL Group.“
Þeir sem eyða
mest, græða mest
Í kjölfarið hitti hann blaðafulltrú-
ann sem var að segja honum all-
an tímann að hann væri í vandræð-
um vegna þess að hann væri búinn
með alla salina í London. Vegna tíðra
veisluhalda væri FL Group búið að
leigja alla flottustu salina í London
og nú þyrfti hann að finna einhvern
betri. Þorsteinn lýsir því að þetta
hefði honum þótt frekar skrítið, en
blaðafulltrúinn tjáði honum svo
að því meiri peningum sem menn
eyddu, þeim mun meira myndu þeir
græða.
Þorsteinn segir veislusalinn þetta
kvöld ekki hafa verið neina smá-
smíði, heldur hafi þetta verið stærð-
arinnar leikhús. Þar inni sátu að
hans sögn allir verðbréfasalar lands-
ins og voru þeir allir karlar, nema
ein kona sem Þorsteinn vill meina
að hafi verið lesbía. „Það er búið að
klæða af salinn og allt í kristal, það
eru kristalsljósakrónur og kristall á
borðum og sjö rétta málsverður og
fremst sitja þarna Hannes og Bjarni
Ármanns og Jón Ásgeir og þessir
svona fínu menn.“ Þorsteinn byrj-
aði á því að bjóða fólkið velkomið
á Star Wars en segir undirtektirn-
ar hafa verið dræmar enda hafi fólk
ekki fattað brandarann hans. „Þetta
var eins og að labba inn í ævintýra-
heim einhvern veginn og þessir ríku
menn fóru svo og drógu sig í hlé en
allir vildu tala við þá og ég man eft-
ir því að bankastjóri Glitnis fékk ekki
að vera með og hann stóð svona og
var alltaf að kíkja hvort hann fengi að
vera með.“
Þorsteinn fór svo heim í þotu með
nokkrum þeim sem höfðu verið á
skemmtuninni og sagði þar nokkra
brandara á leiðinni. Fyndnast þótti
þeim þegar Þorsteinn sagði við þá að
mikið hefði breyst á seinustu þremur
dögum á Íslandi, og að þeir þyrftu að
átta sig á því að þegar þeir lentu aftur
þar væru þeir orðnir opinberir starfs-
menn. Hlátrasköllin dundu lengi vel
í háloftunum eftir þennan brandara
að sögn Þorsteins. Mönnum þótti
fátt fyndnara en sú tilhugsun að þeir
væru opinberir starfsmenn, það
myndi nú aldrei gerast.
Í seinni hálfleik lífsins
Spurður um arfleifð Hannesar í ís-
lensku viðskiptalífi stendur ekki
á svari hjá Vilhjálmi Bjarnasyni.
„Arfleifðin er sú tímasprengja sem
sprakk núna í andlitið á okkur. Hann
er ein af höfuðpersónunum í leik-
ritinu.“ Vilhjálmur telur að Hannes
eigi þrátt fyrir allt afturkvæmt í ís-
lenskt viðskiptalíf. „Það er meira en
líklegt því Íslendingar vilja fá svona
menn. Þetta er fólki að skapi. Ég ótt-
ast það því þessi maður hefur, allt
frá því hann hóf störf hjá Íslenskri
erfðagreiningu, beinlínis verið mjög
hættulegur íslensku viðskiptalífi eins
og arfleifð hans segir til um. Það þarf
líka ekki annað en að horfa á saman-
lögð töp í FL Group og þau töp sem
leiða út af því upp á fleiri þúsund
milljarða.“
Annar viðmælandi segir það
mikla einföldun að skella skuldinni
alfarið á Hannes. „Við megum ekki
gleyma því að það var stjórn í félag-
inu og þetta eru svo stórar ákvarðan-
ir sem hafa verið teknar að ef Hannes
hefur tekið þær einn hefur stjórnin
ekki verið að sinna sínu hlutverki.
Hún hlýtur að hafa komið að verki
í stærstu ákvörðunum því þetta eru
milljarðatuga fjárfestingar. Og ef
hún hefur ekki komið að verki hefur
hún heldur ekki verið að sinna starfi
sínu.“
Og hann, líkt og Vilhjálmur, er á
því að Hannes geti komið aftur inn í
íslenska fjármálaheiminn þrátt fyrir
það sem á undan er gengið. „Erum
við Íslendingar ekki með gullfiska-
minni? Það eru auðvitað ofboðslega
margir sem eru sárir og reiðir. En svo
fennir yfir það.“
Þetta sé þó háð því hvernig Hann-
es spilar úr sínum spilum á næstu
mánuðum og árum. „Hann ætti auð-
vitað að halda „ló prófæl“. Ég hefði
til dæmis ráðlagt honum að fara
ekki í viðtalið við Björn Inga á dög-
unum. Það gildir allt annað um það
en þegar Jón Ásgeir fór í viðtalið hjá
Agli Helgasyni. Það var kjarkur sem
fólst í því, að mæta í viðtal á meðan
allir aðrir voru í felum. En núna væri
réttast fyrir hann að halda sig til hlés,
hvort sem það er í London eða hér á
landi.“
Hannes er í sambúð með Unni
Sigurðardóttur. Þau hafa verið sam-
an í á fimmta ár en Unnur var rit-
ari Jóns Ásgeirs hjá Baugi þegar þau
kynntust. Hannes var áður kvænt-
ur athafnakonunni Steinunni Jóns-
dóttur, dóttur Jóns Helga í BYKO,
en þau skildu árið 2004. Samband
þeirra hafði varað allt frá mennta-
skólaárunum í MR. Hannes og Stein-
unn eiga tvö börn saman, hann á
eitt barn með Unni sem sjálf átti eitt
barn fyrir.
Eins og kom fram að framan
stendur Hannes nú á fertugu. Í Krón-
ikuviðtalinu á síðasta ári kvaðst hann
vera að nálgast hálfleik í lífinu. „Sum-
ir verða hundrað, en það má segja að
það sé hálfleikur í kringum fertugt.
Það er ágætt að átta sig á því að þetta
var fyrri hálfleikur og maður þarf að
ákveða hvernig seinni hálfleikurinn
verður.“
Hannes hefði líklega aldrei grun-
að þegar hann sagði þetta hversu illa
seinni hálfleikur hæfist hjá honum.
Nú er spurning hvort knattspyrnu-
hæfileikarnir komi honum að gagni
við að snúa vörn í sókn.
„Hvað er það að
kunna sér Hóf?“
Fjölnisvegur 9 glæsihúsið sem Hannes á
við fjölnisveg í reykjavík. Hannes keypti líka
húsið við hliðina af nágranna sínum eftir
deilur við hann um stækkun bílskúrs.
MYND SigtrYggur Ari
Jón Ásgeir Jóhannesson
einn helsti viðskiptafélagi
Hannesar.
Sterling-vél Kaup og sala fL group á
danska lággjaldaflugfélaginu sterling eru á
meðal umdeildustu fjárfestinga fL group í
stjórnartíð Hannesar.
MYND gettYiMAgeS