Dagblaðið Vísir - DV - 19.03.2010, Síða 24

GJALDÞROTA Á BMW
n Sævar Jónsson er ekki af baki
dottinn. Sævar var nýlega úrskurðaður
gjaldþrota og flutti rekstur skartgripa-
verslunar sinnar,
Leonard, yfir á
nýja kennitölu.
Auk þess missti
hann hús sitt við
Súlunes í Garða-
bæ á nauðung-
aruppboði. Eins
og DV greindi
frá er hann hins
vegar að reisa 500 fermetra glæsihús í
Garðabænum. Séð og heyrt greinir svo
frá því í nýjasta tölublaðinu að hann
aki um á BMW X5-jeppabifreið sem
metin er á 10 milljónir króna. Jeppinn
mun hafa fylgt með rekstri Leonard
við flutning á aðra kennitölu.
MISSTI VINNUNA
n Lára Björg Björnsdóttir, fyrrverandi
blaðakona, er þekkt fyrir að hafa
fundið upp frasann „Takk, útrásarvík-
ingar!“ sem nota má við ýmis tilefni á
Íslandi í dag. Á fimmtudag fékk Lára
enn eitt tilefnið til
að nota frasann,
sem hún og gerði
á Facebook-síðu
sinni: „Missti
vinnuna í dag.
Takk útrásarvík-
ingar.“ Lára þarf
þó litlu að kvíða
því hún fékk
nokkur óbein atvinnutilboð á sömu
síðu, meðal annars frá bókaútgáfu-
gúrúinu Kristjáni B. Jónassyni.
ATLI VEKUR ATHYGLI
n Auglýsingabálkur gegn fyrn-
ingarleið ríkisstjórnarinnar í
Viðskiptablaðinu vakti verðskuldaða
athygli. Atli Gíslason, þingmaður VG,
skrifaði harða grein um málið í DV á
miðvikudaginn
og gagnrýndi
útvegsmenn
og Atla Rúnar
Halldórsson,
starfsmann al-
mannatengslafyr-
irtækisins Athygli.
Atli Rúnar ber
hins vegar af sér
aðkomu að málinu í yfirlýsingu og
svarar nafna sínum: „Þarna kusu frjáls
félög og fyrirtæki að koma boðskap
á framfæri á auglýsingasíðum blaðs
og borga fyrir.“ Af þessu ber að skilja
að hin frjálsu fyrirtæki hafi fullt frelsi
til að nýta sameign þjóðarinnar til að
fjármagna boðskap um að þau eigi
að mega nota auðlind þjóðarinnar til
hvers þess sem þau vilja.
SKÓLAÐUR
HJÁ BECHTEL
n Eyjubloggarinn Björn S. Lárusson
fer fyrir óánægjuframboði til stjórnar
VR. Björn hefur komið víða við. Hann
var áður yfirmaður samskiptamála
hjá hinu umdeilda verktakafyrirtæki
Bechtel sem byggði álverið á Reyðar-
firði. Björn er viðskiptafræðimennt-
aður og hafði verið virkur í starfi
Framsóknarflokksins áður en hann
hlaut starfið við álversframkvæmd-
irnar fyrir austan. Vakti hann athygli
Austfirðinga fyrir vasklega framgöngu
gegn samtökum verkafólks í deilum
um starfsemi starfsmannaleiga.
Hann virðist orðinn afhuga kynn-
ingarstörfum fyrir erlenda auðhringi
og vill sæti í stjórn stærsta verkalýðs-
félags landsins. Sannarlega jákvæð
sinnaskipti þar.
JESÚS OG JÓN ÁSGEIR
Svarthöfði varð eitt sinn fyrir því óláni að fá einkastæði. Upp frá því stóð hann í eilífu stríði við hið tor-
kennilegasta fólk sem álpaðist til
að leggja í bílastæði hans, viljandi
eða óviljandi. Hann breyttist úr
óbreytta borgaranum Svarthöfða í
verndara stæðisins. Í nýju stöð-
unni fólst viðamikið eftirlitshlut-
verk og að taka að sér ítrekaðar
refsingar á borgurum sem van-
virtu eignarrétt hans. Í fyrstu fékk
Svarthöfði réttlætiskennd sinni
fullnægt með því að siga dráttarbíl
á óvini eignarréttarins. En eftir að
einstæða móðirin gaf sig á tal við
hann og grét útgjöld sín og afleitt
hungur barnsins síns sneri hann
baki við réttlætingu refsingarinnar.
Með tíð og tíma lærðist Svarthöfða að sameign-arformið á bílastæðum væri hentugra en að
hafa bílastæði í einkaeign, þar sem
það olli honum meira hugarangri
og umstangi að vernda einkastæð-
ið sitt en að finna sameignarstæði.
Þessi reynsla kenndi honum um leið
að þegar einhver eignast takmark-
aða auðlind sviptir hann samborg-
ara sína auðlindinni. Þessi hugsjón
hefur litað sýn hans á sólbekki, fiski-
stofna og hálendið, svo eitthvað sé
nefnt.
Aðrir horfa öðruvísi á þetta. Fregnir hafa borist af því að Jón Ásgeir Jóhannes-son stórfjárfestir hafi lagt
Range Rover sínum uppi á gang-
stétt nærri hóteli sínu á dögunum.
Það segir ákveðna sögu um mann-
gerðir að þær skuli leggja undir sig
almannaeign. Siðalögmál gegn því
að gera slíkt komu fram strax fyrir
tvö þúsund árum. Þá sagði Jesús
Kristur að menn ættu að gera það
sem þeir vildu að aðrir gerðu þeim.
Tæpum 1.800 árum síðar útskýrði
heimspekingurinn Immanúel Kant
þetta í óþarflega ítarlegu máli. Hann
lagði til skilyrðislaust skylduboð
um að það hefði tilgang í sjálfu sér
að breyta aðeins með þeim hætti
að það gæti fylgt almennu lögmáli.
Með öðrum orðum yrðu afleiðing-
ar þess ef allir myndu leggja uppi
á gangstétt geigvænlegar fyrir alla.
Nema kannski þá sem ganga aldrei
á stéttum, heldur keyra aðeins um
aðskildir frá almúganum í rándýru
lúxushylki. Í því felst afstæði skilyrð-
islausa skylduboðsins að sumum
væri sama þótt allir aðrir legðu uppi
á gangstétt og sumir eiga ekkert
einkastæði til að vernda.
Með þessu vill Svarthöfði hins vegar útlista skil-yrðislausu flokkunar-kenninguna sína um
manngerðir: Maður er eins og maður
leggur.
LYNGHÁLS 5, 110 REYKJAVÍK
ÚTGÁFUFÉLAG: Útgáfufélagið Birtíngur ehf.
STJÓRNARFORMAÐUR: Hreinn Loftsson
FRAMKVÆMDASTJÓRI: Sverrir Arngrímsson
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRI:
Brynjólfur Þór Guðmundsson, brynjolfur@dv.is
AUGLÝSINGASTJÓRI:
Elísabet Austmann, elisabet@birtingur.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
„...hann væri þrjú fet á
hæðina, með flatan haus
þar sem ég gæti geymt
bjórinn minn á meðan
hann færi niður á mig.“
n Tónlistarkonan Peaches um hvernig hún lýsti
draumamanninum sínum í viðtali við tímaritið
Hustler. Hún segist hafa verið að reyna að vera
eins mikil remba og hugsast gat. - Morgunblaðið
„400 störf í heildina.“
n Hilmar Sigurðsson, stjórnarmaður í
Félagi íslenskra kvikmyndagerðarmanna,
um störf sem tapast vegna niðurskurðar í
íslenskri kvikmyndagerð. - Morgunblaðið
„Þetta er stökkbreytt lán
sem við urðum að díla við.“
n Freyr Einarsson, ritstjóri Íslands í dag og
unnusti Ellýjar Ármannsdóttur, um
húsnæðislán þeirra sem rauk upp
úr öllu valdi. Parinu tókst þó að
semja um lánið og afstýra
nauðungarsölu. - DV
„Það er mjög viðráðanlegt.“
n Árni Páll Árnason
félagsmálaráðherra um bílalán
sitt en hann undirbýr nú
frumvarp sem tekur á bílalánum
sem hafa hækkað upp úr öllu
valdi. - DV
„Hver sál sem líður illa er
einni sál of mikið“
n Þorlákur H. Helgason, sérfræðingur í eineltis-
málum og umsjónarmaður Olweusar-áætlunar
gegn einelti. Hann hefur barist gegn einelti um
áratugaskeið. - DV
Handan kreppunnar
Stóra verkefnið í hagstjórn Íslands í kreppunni er tilfærsla starfa úr óarð-bærum atvinnuvegum til atvinnu-vega sem eru arðbærir. Ísland verð-
ur að verða fjárhagslega sjálfbært og leiðin
til þess er að störfum fækki í byggingariðnaði
og innflutningsgeiranum, en fjölgi í útflutn-
ingsgeiranum. Það tekur tíma, en nú er ákall
um að ríkisstjórnin grípi inn í þróunina og
stofni til ýmissa útgjalda til að færa fólk af at-
vinnuleysisskrá yfir á launaskrá ríkisins með
beinum eða óbeinum hætti.
Ríkisstjórnin hefur verið harðlega gagn-
rýnd fyrir flestar niðurskurðartillögur sínar.
Það er eðlilegt, þar sem hún gaf færi á slíkri
gagnrýni þegar hún kaus að berjast gegn
atvinnuleysi með því að snarfjölga fólki á
listamannalaunum síðasta vor. Rökstuðn-
ingurinn var sá að betra væri að hafa fólk á
listamannalaunum en atvinnuleysisbótum,
en þau rök er hægt að nota til að réttlæta alla
styrki og nánast öll útgjöld. Óháð gagnsemi
listamanna, rithöfunda og annarra var þessi
afstaða stjórnarinnar til marks um skilnings-
leysi á þeirri erfiðu þróun sem verður
að eiga sér stað á Íslandi til þess að
landið verði fjárhagslega sjálfbært.
Leið okkar til fjárhagslegr-
ar sjálfbærni er þyrnum stráð.
Hún liggur hraðast í gegnum lágt
gengi krónunnar. Fjölmargar af-
leiðingar þess eru skaðlegar fyr-
ir almenning og fyrirtæki. Bensín
verður dýrara, utanlandsferðir verða
ómögulegar fyrir marga og allar inn-
fluttar vörur hækka í verði. Ef þær hefðu ekki
gert það, ef við hefðum til dæmis haft evru,
hefðum við frekar haldið áfram að eyða um
efni fram. Lág króna í kreppunni knýr okkur
til þess að velja íslenskt og íslenskur útflutn-
ingur blómstrar. Kannski þess vegna hefur
umræðan um nauðsyn þess að taka upp evru
nánast þagnað.
Krónan hefur hins vegar skuggahlið. Hún
kallar á háa vexti, miklar sveiflur, mikinn
gjaldeyrisforða. Vaxtakostnaður og gjaldeyr-
isforði eru án nokkurs vafa óþarfari og óarð-
bærari útgjöld en listamannalaun og allir
styrkir til samans. Og einhvern
veginn tekst ekki að við-
halda krónunni án þess að
hella nánast allri áhættu
yfir á húsnæðiseigend-
ur og launþega. Sveigjan-
leiki krónunnar er getan
til þess að lækka laun al-
mennings hratt og um leið
hækka verðtryggðu skuldirn-
ar. Krónan virðist vera heppilegri
fyrir fjármagnseigendur en launþega.
Helstu rök andstæðinga evrunnar hafa
verið að evran fóstri atvinnuleysi. Ef at-
vinnnuleysi er skuggahlið evrunnar er það
heppilegt, því Íslendingar eru í betri að-
stöðu en aðrar þjóðir til að takast á við það
vegna mannfæðar, tungumálakunnáttu og
hás menntunarstigs. Landflótti er sterkasta
vopnið gegn atvinnuleysi. Það er skárra að
atvinnulausir geti farið úr landi, heldur en
að þeim og öðrum sé haldið í gíslingu hækk-
andi bíla- og húsnæðislána með veði í ein-
staklingum á sama tíma og tekjur hrapa.
JÓN TRAUSTI REYNISSON RITSTJÓRI SKRIFAR. Krónan virðist vera heppilegri fyrir fjármagnseigendur en launþega.
Vitleysingaveldið
Um daginn frétti ég af Kana sem var
víst dæmdur til dauða í henni Amer-
íku. Hann var ábyggilega dæmdur fyr-
ir alvarlegri glæpi en þá sem íslenska
þjóðin vill klína á: Davíð Oddsson
fyrrverandi bankamann, Finn Ing-
ólfsson í Gift, Sigurð Einarsson og
Hreiðar Má í Kaupþingi, Sigurjón Þ.
Árnason og Halldór J. Kristjánsson í
Landsbankanum, Bakkavararbræður,
Lárus Welding í Glitni og aðra gráð-
uga Íslendingar. En Kaninn sá arna
reyndi að stytta sér aldur skömmu
áður en yfirvöld hugðust taka hann af
lífi. Þessi ágæti glæpamaður dó og lá
örendur í klefa sínum um stund, eða
allt þar til læknar komu á staðinn og
náðu að blása í hann lífi. Eftir legu á
gjörgæslu, veru í öndunarvél og alla
þá yndislegu umönnun sem í borði er,
var hinn dæmdi útskrifaður og talinn
nógu frískur fyrir aftöku.
Réttvísin er það fullkomnasta sem
menn hafa fundið upp.
Og hérna á Íslandi ætlar réttvís-
in örugglega að narta í eigið skott og
naga vel og lengi. Því við búum svo
vel að við getum stöðugt treyst því að
hér verði glæpamenn lífgaðir við, þeir
munu fá endurnýjað umboð til öfl-
ugrar iðju, dyggilega studdir af skila-
nefndum og slitastjórnum. Hér er sá
háttur hafður á að ekki þykir við hæfi
að ákæra hvítflibbakrimma, jafn-
vel þótt auðvelt sé að sanna að þeir
hafi stundað skipulagða glæpastarf-
semi, svikist um að greiða skatta, tek-
ið stöðu gegn krónunni, lánað sér og
sínum peninga almennings og yfir-
leitt stolið öllu sem hægt hefur verið
að stela.
Mér er tjáð að íslenskum vitleys-
ingum hafi fjölgað á meðan hér var
góðæri. Og ég hef fyrir satt að þeir hafi
jafnvel sumir komist á þing. Núna eig-
um við slatta af mönnum sem ganga
lausir, menn sem hafa gert þjóðinni
svo marga skráveifu að þeim ætti í
raun að refsa grimmilega. Að vísu er
stöðugt verið að fresta því að birta þá
svörtu skýrslu sem sýna mun hverjir
krimmarnir eru.
Ég er á móti dauðarefsingu og vil
síst að farið verði út í rándýrar að-
gerðir til að halda mönnum lifandi
til þess eins að dæma þá til dauða
í fyllingu tímans. Ætli forsjónin og
hrunið sjái ekki um það að birta
okkur öllum líflátsdóm, fyrr eða
síðar? Við getum allavega þakk-
að kreppunni fyrir það að glæpa-
mönnum mun fækka hér á landi,
því íbúum Íslands fækkar óðum.
Hér fækkaði fólki um hálft prósent
á síðasta ári. Og ef okkur fækkar
áfram, um hálft prósent á ári, þá
mun það taka þjóðina 200 ár að yf-
irgefa landið.
Ég skil, mín þjóð, að skapraun senn
úr skálum vel þú ausir,
því skýrslan geymir glæpamenn
sem ganga allir lausir.
KRISTJÁN HREINSSON
skáld skrifar
„Réttvísin er það
fullkomnasta sem
menn hafa fundið
upp.“
24 FÖSTUDAGUR 19. mars 2010 UMRÆÐA
SANDKORN
BÓKSTAFLEGA
SVARTHÖFÐI
LEIÐARI
SKÁLDIÐ SKRIFAR