Húnavaka - 01.05.2008, Blaðsíða 77

H Ú N A V A K A 75
Þannig var frásögn afa míns af þessum atburði. Ekkert skal um það sagt hvort frásögn
þessi er að öllu leyti sönn en mér hefur þó aldrei dottið í hug að rengja hana, þar sem ég komst
svo oft að því í samvistum mínum við afa minn að hann vissi lengra nefi sínu og að hann
dreymdi fyrir daglátum. Mér fannst þetta mjög merkileg náðargáfa og öfundaði hann töluvert
af því sem barn að hann sá inn í aðra heima og vissi ýmislegt sem ég vissi ekki. Seinna gerði
ég mér auðvitað grein fyrir því að það er ekki alltaf auðvelt að hafa gáfur sem þessar, vita
fyrir um óorðna hluti en fá þeim ekki breytt. Það var samt ómetanlegt að eiga þennan dásam-
lega afa sem sagði sögur af draugum, álfum og hulduverum, sem barnshugurinn skapaði með
ógnarhraða inn í höfðinu á sér og trúði á og trúir enn.
❄❄❄
Blindraiðjan Björk (1961).
Gjörið svo vel að líta við á leiðinni og athuga hvað við kynnum að hafa á boðstólum
fyrir ykkur.- Já það er nú sitt af hverju, þótt hér fáist reyndar ekki allt milli himins og
jarðar.- Verðið er svona , la la, eins og gengur. Eigum ennþá nokkrar vörur með fyrir
viðreisnarverði. Hver síðastur að ná í þær. Annars eru prísarnir samkvæmt nýjustu
lögum og reglugerðum. Allt athugasemdalaust af hálfu verðlagseftirlitsins.
Nokkur verðsýnishorn. Kuldaúlpur 930 kr. vinnubuxur 157 kr. herrabuxur 575 kr.
dívanar (fjaðrir) 960 kr. burstavörur í miklu úrvali.
Blindraiðjan Björk (1962).
Verslun vor hefur blómgast mjög að undanförnu – auðvitað á kostnað viðskiptavinanna-
eins og vera ber. Við þessu er ekkert að gera svo lengi sem þeir sjá ekki að sér og beina
viðskiptunum í aðrar áttir. En til þess að sýna nú einhvern lit á því að vér viðurkennum
þessa staðreynd og metum hana að verðleikum, viljum vér reyna að koma til móts við
vora ágætu viðskiptavini þótt ekki væri nema svo sem í eina viku.
Í tilefni af Húnavökunni höfum vér því ákveðið að gefa 10% afslátt – á öll
staðgreiðsluviðskipti í sölubúð vorri dagana 7.-14. apríl 1962.
Blindraiðjan Björk.

Trésmiðjan Fróði hf.
Tökum að okkur hvers konar byggingarframkvæmdir utan húss og innan. Framleiðum
á verkstæði voru úti og innhurðir, glugga, innréttingar og flest annað til innréttinga,
íbúðarhúsa. Höfum vana og góða menn. Kappkostum að láta alla njóta sem bestrar
afgreiðslu.