Húnavaka - 01.05.2009, Blaðsíða 105

H Ú N A V A K A 103
það til að taka á móti eða veita bangsa
frekari eftirför. Landið er mishæðótt og
sums staðar ófært bílum, jafnvel
fjórhjóladrifnum. Þetta var því seinfarið
og bíll inn hentist til og frá, ábyggilega
ekki þægilegt að sitja afturí með deyfi-
byssu!
Ferðalag bílsins fór heldur ekki
framhjá bangsa og leist honum greinilega
ekki á væntanlegar móttökur. Á miðri
leið sneri hann við, synti til baka og kom í land sömu megin og hann fór útí
en miklu nær húsinu okkar. Nú var bíll B úr leik. Síðan stefndi björninn áfram
austur frá vatninu og yfir hámúlann. Bíll A ók af stað til að hrekja björninn í
áttina hingað heim í von um að bíll B myndi ná að koma til baka í tæka tíð.
En birninum stóð á sama um bíl A þó að hann væri á tímabili næstum
kominn í veg fyrir hann. Af sjó var bangsi kominn og í sjó vildi hann fara.
Léleg girðing á bakkanum kom í veg fyrir að hann færi beina leið. Björninn
kunni ekki að koma sér yfir hana heldur hálffesti hann hrammana í loðnunetinu
sem við setjum á girðinguna til að verjast tófunni. Hann hrökklaðist frá og
hljóp meðfram girðingunni niður að Þangskálavatninu, út í það og fram fyrir
girðinguna, aftur í land og nú var leiðin greið niður á fjörukambinn.
Þá var bara eitt eftir í stöðunni. Björninn var felldur á leið niður í fjöruna.
Erfiðar spurningar
Ýmsar siðferðisspurningar létu á sér kræla. Er það til vitnis um umhyggju fyrir
dýrum að aka yfir stokka og steina í þeim tilgangi að fella björn með deyfilyfi
og rústa kannski fjölda hreiðra með litlum ungum í? Notkun þyrlu við veiðina
var erfiðleikum bundin vegna raflínu sem liggur þvert yfir æðarvarpið. Sýnir
það umhyggju fyrir dýrum að sveima yfir varpinu með hávaða og loftþrýstingi?
Eða væri það í þágu dýraverndar að hrekja björninn á haf út og leggja svo á
hann eltingarleik og eftirlit? Svo ekki sé talað um þá hættu sem við mannfólkið
leggjum okkur í. Væri það í þágu dýraverndar að senda björninn aftur á vit
fæðuskorts, hafi það verið skortur á fæðu og veiði möguleikum sem hrakti hann
hingað til lands?
Allt þetta þarf að skoða og ef til vill er hægt að leysa málin á hnattrænni hátt.
En kannski er málið óleysanlegt! Hverjar eru afleiðingar allrar þeirrar
eldsneytisnotkunar sem björgunaraðgerðin hafði í för með sér fyrir þá ísbirni sem
enn eru eftir?
Það er hins vegar meiðandi þegar umheimurinn kann ekki að meta það sem
við lögðum á okkur, jafnvel þótt við vitum að við gerðum okkar besta.
Verkefnið var mjög vel skipulagt og samhæft miðað við aðstæður. Það reyndist
hins vegar of stórt fyrir okkur. Til þess að það gengi hefði þurft meira en trú,
fagþekkingu, tækni og reynslu.
Björninn fallinn.