Húnavaka - 01.05.2009, Blaðsíða 161

H Ú N A V A K A 159

Mannalát
Jóhannes Björnsson
frá Skagaströnd
Fæddur 5. apríl 1934 – Dáinn 24. mars 2007
Jóhannes fæddist á Litlu-Borg í Víðidal. Foreldrar hans voru Björn Jóhannesson
frá Vatnsenda og kona hans, Ragnheiður Jónsdóttir, sem þá bjuggu í tvíbýli á
Litlu-Borg. Jóhannes var annað barn þeirra hjóna en fyrir áttu þau dótturina
Sigurbjörgu, tæpra fjögurra ára gamla. Fjórum árum síðar bættist svo þriðja
barnið við, Sigurjón Úlfar. Ekki urðu börnin fleiri.
Jóhannes fluttist í frumbernsku með foreldrum sínum að Snælandi rétt
innan við Hvammstanga og átti þar heima þar til fjölskylda hans flutti til
Skagastrandar árið 1943. Þá var í uppsiglingu nýsköpunarátak í atvinnumálum
á Skagaströnd með byggingu síldarverksmiðju þar. Þótti því vænlegt til fram-
tíðar að setjast þar að. Björn og Ragnheiður
keyptu Ægisíðu af Sigurði Júlíus syni og bjuggu
þar til 1948, er þau fluttu að Bergs stöðum á sama
stað, þar sem þau bjuggu til 1959.
Jóhannes átti heima hjá foreldrum sínum fram
undir tvítugt en var eftir það að mestu að heiman,
þó hann væri enn skráður til heimilis hjá þeim.
Hann fór snemma að stunda beitningar og
hverja þá vinnu sem til féll, vann um tíma við raf-
línulögn og fór síðan á sjóinn. Hann reri á Björg-
un um og öðrum bátum frá Skagaströnd til að
byrja með en eftir það var hann meira og minna
í burtu til sjós á vertíðarbátum. Í allmörg ár var
hann við síldveiðar á aflaskipinu Halldóri Jónssyni
og var þar sem annars staðar vinsæll og vel metinn af sínum félögum.
Að því kom að hann fór í land og hóf þá störf hjá Rafmagnsveitum ríkisins
við línulagnir og viðgerðir á rafmagnslínum. Vann hann við það lengi sem
línumaður og síðar flokksstjóri og fór nánast um landið þvert og endilangt á
þeim árum með sínum vinnuhópi. Árið 1986 hóf hann síðan störf á flutn-
ingssviði Landsvirkjunar og starfaði þar í 15 ár við hliðstæð verkefni eða þar
til hann fór á eftirlaun 2001. Hafði hann þá skilað sínu vel til sjós og lands.