Húnavaka - 01.05.2011, Qupperneq 41

H Ú N A V A K A 39
okkur og sagði að við skyldum passa okkur á honum því hann skildi flest sem
sagt væri á íslensku. Síðar kom í ljós að þetta er sambýlismaður hennar svo
ekki er skrítið þó að hann kynni örlítið í íslensku.
Þegar við tókum að virða fyrir okkur hópinn var enginn sem við könn uð-
umst við í fljótu bragði en það átti eftir að breytast. Vorum við að grínast með
það okkar á milli að einn maður væri þarna alveg eins og Olli í Hvammi og
viti menn, á öðrum degi kom hann til okkar og spurði hvort við þekktum Olla
fyrst við vær um frá Blönduósi. „Hann er náfrændi minn.“ Þessi maður heitir
Sveinn Runólfs son, hæglátur og geðugur mað ur og áttum við eftir að hafa
ágæt samskipti við hann í ferðinni.
Frá Frankfurt var ekið um Rínar dalinn og var áfangastaðurinn borgin
Mulhouse í Frakklandi. Á leiðinni var ekið framhjá mörgum þekktum borgum
í Þýskalandi, s.s. Heidelberg, Mannheim, Stuttgart o.fl. Einnig fórum við um
blómlegar byggðir og vínræktarhéruð sem hafa verið í dalnum frá tímum
Rómverja. Þarna vermir sólin vínviðinn og berin á daginn en á kvöldin glitrar
afurðin í glösum á ótal krám og veitingastöðum á svæðinu.
Það var komið undir kvöld þegar við komum til Mulhouse og var því farið
beint á hótelið Novotel þar sem gist var fyrstu nóttina. Við höfðum góðan tíma
til að hafa okkur til fyrir kvöldverðinn. Þar kom fyrsta tækifærið til þess að
kynnast samferðafólkinu og fannst mér
ég kannast við konu sem sat við hliðina
á mér. Ég velti því dálitla stund fyrir
mér en ákvað síðan að spyrja hana
hvort hún héti Kristín. Þarna var þá
komin Kristín Jónsdóttir Sumar-
liðasonar frá Blönduósi en hún átti
heima í næsta húsi við afa og ömmu og
þekkti ég hennar fjölskyldu vel. Einhver
ár voru samt síðan ég hafði séð Stínu.
Þarna sátu til borðs með okkur hjón
frá Sauðárkróki, Ágúst Guðmunds son
(Gústi) og Anna J. Hjartardóttir, sem
áttu eftir að verða okkur gott sam-
ferðafólk. Eftir matinn var sest á barinn Norbert bílstjóri.
Rútan okkar fyrir framan Novotel hótelið í Mulhouse að morgni 2. dags.