Húnavaka - 01.05.2011, Side 66

H Ú N A V A K A 64
drengurinn drakk og voru þetta
frístundir hennar. Systur hans
segja reyndar að hann hafi verið
mjög lengi á brjósti. Börnin voru
fjörug þannig að það var í mörg
horn að líta. Eitt sinn er systurnar
voru orðnar fullorðnar, spurðu
þær ömmu (mömmu sína) hvort
hún myndi ekki eftir uppátækjum
bræðranna, sona hennar, sem
voru allt svakaleg stundum.
Amma svaraði að bragði: Ég
man ekkert sem ég vil ekki
muna.
Ef afi átti að passa þá sagði
hann alltaf hvenær sólarhringsins
sem var: Og aumingjarnir, þurfið þið ekki að fara að sofa? Ekki held ég að
hann hafi tekið mikinn þátt í uppeldinu frekar en aðrir karlmenn af hans
kynslóð.
Þegar Sigga frænka var unglingur var hún sumarlangt á Grýtubakka. Stóð
þannig á að hún átti afmæli á meðan á dvölinni stóð. Þá kom amma til hennar
og rétti henni dúk sem hún hafði gert í Kvennaskólanum á Blönduósi og sagði
að það væri best að hún fengi hann í afmælisgjöf, þar sem hún ætti ekki annað
handa henni. Þennan dúk gaf Sigga mér fyrir nokkrum árum og sagðist aldrei
hafa tímt að nota hann enda fann hún hversu dýrmæt gjöfin var og hve mikið
lá að baki. Get ég ekki neitað því að þetta er með dýrmætustu gjöfum sem ég
hef fengið.
Vorið 1949 keyptu amma og afi Breiðavað við Blönduós. Árið 1963 fluttu
þau svo að Akri heim til foreldra minna og þótti okkur systkinum við vera
heppnustu börn í heimi. Föðurforeldrar okkar voru alltaf á Akri á sumrin
þannig að við vorum umvafin yndislegu fólki með stór hjörtu og mikla reynslu.
Þegar amma var fullorðin var ekki hægt að hnika henni inn í torfbæi. Eitt
sinn fór Kvenfélag Torfa-
lækjarhrepps, Vonin, að skoða
safnið á Grenjaðarstað. Hún
harðneitaði að koma þar inn því
hún sagði að ekki hefði ánægjan
við að halda þessum hús um
hreinum verið nægjanlega mikil
til þess að hún færi nú að skoða
þau þegar hún byggi í yndislegu
steinhúsi. Þar við sat.
Amma var mjög kvik á fæti,
kát og mikil félagsvera. Hún
gekk alltaf hratt svo nærri lá að
Hluti af útsaumuðum hedebo-dúk sem Jóhanna
gaf Sigríði systur sinni í afmælisgjöf. Hún saumaði
hann á Kvennaskólanum á Blönduósi.
Útsaumað koddaver með hvítsaum/hedebosaum.
Í minni eigu.