Húnavaka - 01.05.2011, Blaðsíða 107

H Ú N A V A K A 105
var líka unnið úr ull í nærföt og stundum utanyfirföt. Faðir minn hafði
vinnumann sem hann lét fara á sjó, ýmist á vertíð á Suðurnesjum á vetrum eða
hann reri á Kálfshamarsnesi á sumrin en vinnumaðurinn var alltaf heima hjá
okkur um jól og fékk sinn jólaglaðning eins og við systkinin. Það var líka oft
mikið að gera heima á jólaföstunni við tóskap og annan undirbúning fyrir
jólin. Var setið við til klukkan 11 á kvöldin en oft las þá faðir minn sögur fyrir
okkur á meðan eða kvað rímur.
Þegar allir voru komnir í jólafötin klukkan sex sungum við jólasálminn
Heims um ból, síðan var lesinn húslestur úr Vídalínspostillu. Það gerðu
foreldrar mínir til skiptis. En mikið fannst okkur lesturinn langur þegar við
áttum von á jólagjöfum á eftir. Við vorum oft að kíkja á næstu blaðsíðu hvort
við sæjum þar ekki endirinn. Þegar lestrinum lauk var sungið Í Betlehem er
barn oss fætt.
Þá fór móðir mín að taka til jólamatinn en faðir minn að útbýta jólagjöfunum
sem voru alltaf kerti, spil og einhverjar nýjar flíkur. Fékk hvert okkar þrjú
smákerti og sitt með hverjum lit, þannig dugði pakkinn handa okkur öllum.
Annan sams konar pakka áttum við að fá á gamlárskvöld. En við máttum
steypa eins mörg tólgarkerti og okkur langaði til fyrir jólin. Við steyptum þau
í sex línu lampaglasi, höfðum pappaspjald fyrir mjórri endanum, drógum
kveikinn þar í gegn og festum ofan á víðari endann, helltum svo tólginni þar í
og er hún var orðin storkin rákum við glasið ofan í heitt vatn og þá losnaði
kertið úr glasinu.
Þegar faðir minn útbýtti spilunum fengum við þau yngstu eina sort hvert
okkar og lét hann okkur draga um sortirnar. Við áttum því fjögur saman ein
spil og þegar við ætluðum að spila kom hver með sína sort. Elstu systkinin
fengu heil spil. Við fengum líka sinn jólapakka hvert okkar, þar sem var
Bogi Björnsson og Bjarni Th. Guðmundsson fyrir framan Hátún í Kálfshamarsvík.