Húnavaka - 01.05.2011, Side 196

H Ú N A V A K A 194
Einnig er stefnan að Tindastóll og
Hvöt sendi sameiginleg lið til keppni í
11 manna bolta í sem flestum flokkum
jafnt hjá körlum og konum.
Knattspyrnudeild Hvatar hefur
verið með samning við Blönduósbæ
undanfarin ár um umhirðu á vallar-
svæðinu. Er það mat stjórnar að vel
hafi tekist til og vallarsvæðið sé vel hirt
og bænum til mikils sóma.
Á árinu var haldið áfram að ganga
frá möninni norðan megin við æfinga-
svæðið, skurði lokað og tyrft. Eins og
oft áður gáfu hjónin á Torfalæk þökur
á svæðið og kunnum við þeim bestu
þakkir fyrir. Vallarhúsið og umhverfi
þess var einnig tekið í gegn og lag-
fært.
Ekki voru neinar frjálsíþróttaæfing-
ar á árinu enda eng in frjálsíþróttadeild
starfandi hjá félaginu og hefur ekki
verið lengi. En iðkendur frá Hvöt tóku
þátt í sam eiginlegum æfingum USAH
og kepptu á mótum sambandsins auk
þess að taka þátt í Unglingalands-
mótinu.
Haustið 2010 óskaði M. Berglind
Björnsdóttir eftir því að fá að hefja
sundæfingar í nafni Hvatar og er
stefnt að stofnun sunddeildar á vegum
Hvatar ef iðkendur mæta vel á æfingar
og áhugi foreldra er fyrir hendi til að
starfa fyrir félagið.
Þórhalla Guðbjartsdóttir, formaður.
UNGMENNAFÉLAG
BÓLSTAÐARHLÍÐARHREPPS.
Aðalfundur var haldinn í félaginu
14. mars í Húnaveri. Þótt einungis
tveir stjórnarfundir hafi verið haldnir
á árinu var það afar líflegt hjá félaginu
og tóku félagsmenn þátt í hinum ýmsu
viðburðum og mótum.
Þann 23. janúar tóku félagsmenn
þátt í sjálfboðavinnu í félagsheimilinu
Húnaveri ásamt félagsmönnum ann-
arra félaga í sveitinni. Vinnan fólst í
því að koma fyrir einangrun á lofti yfir
sal og kaffistofu. Verkið vannst ótrúlega
vel og sýnir greinilega hverju fólk í
litlum samfélögum getur áorkað ef
samvinnan og samfélagsandinn er
fyrir hendi.
Föstudaginn langa, 2. apríl, var
farin hin árlega ferð um starfssvæði
félagsins þar sem dósum og flöskum
var safnað. Tókst þessi ferð í alla staði
vel og voru sveitungar okkar mjög
viljugir í að styðja okkur.
Á sumardaginn fyrsta stóðu UMFB
og Kvenfélag Bólstaðarhlíðarhrepps
fyrir sumarskemmtun í Húnaveri. Á
skemmtuninni var ljóðalestur, spilað
bingó, farið í hina ýmsu leiki og að
lokum var kaffihlaðborð. Var þessi
skemmtun vel sótt og fóru allir ánægðir
heim.
Vinnudagur var á vellinum í Húna-
veri 5. júní þar sem félagsmenn mættu
og undirbjuggu völlinn fyrir sumarið.
Langstökksgryfjan var hreinsuð, at -
rennu brautin þjöppuð og málaðar
línur á völlinn. Samið var við Lands-
virkjun um slátt á vellinum og reyndist
það samstarf farsælt. Æfingar voru
tvisvar í viku. Frjáls íþróttaæfingar
hófust 3. júní og voru á fimmtudögum.
Þjálfarar á þessum æfingum voru
Arnheiður Jónsdóttir og Rúnar A.
Pétursson. Fótbolti var spilaður á
sunnudagskvöldum og komu þá
félagsmenn á öllum aldri og skemmtu
sér saman þrátt fyrir allan aldursmun.
UMFB átti marga þátttakendur á
Héraðsmóti USAH þar sem félagið
endaði í 2. sæti með 352,5 stig. Félagið
átti stigahæstu einstaklinga í nokkrum
flokkum auk þess sem öldungasveit
félagsins hreppti brons í boðhlaupinu.