Húnavaka - 01.05.2011, Blaðsíða 204

H Ú N A V A K A 202
Alls skiluðu 44 bændur skýrslum á
árinu og eru að meðaltali 30,7 árskýr
á hverju búi.
Mestar afurðir í A-Hún eftir árs-
kúna, ef raðað er eftir mjólkurmagni,
voru hjá Gróu og Sigurði á Brúsa-
stöðum en þar skilaði árskýrin 6.346
kg mjólkur. Steinar og Linda á Stein-
nýjarstöðum verma annað sætið með
6.262 kg mjólkur og í þriðja sæti voru
Bjarney og Baldvin á Tjörn með
6.200 kg eftir árskúna.
Nythæsta kýr í héraðinu annað árið
í röð var Hjössa á Höskuldsstöðum
með 10.278 lítra. Í öðru og þriðja sæti
komu tvær kýr á Tjörn á Skaga, þær
Glöð með 10.057 lítra og Braut sem
mjólkaði 10.007 lítra.
Sauðfjárrækt.
Þegar þetta er ritað er komið upp-
gjör á sauðfjárskýrslum fyrir 97 bænd-
ur í sýslunni og er það nær koll-
heimt. Afurðir eftir hverja
vetrarfóðraða á eru ívið meiri en
árið áður eða 25,3 kg (var 25,2
kg) og lömb til nytja eftir hverjar
100 ær eru 158 að meðaltali sem
er sama og í fyrra. Er þar enn
talsvert sóknarfæri enda lands-
meðaltalið 26,7 kg.
Efst í sýslunni með afurðir
eftir hverja vetrarfóðraða á eru
þau Jóhann og Erla í Kambakoti
með 35,1 kg. Í öðru sæti eru
Ingibjörg og Þorsteinn á Auð-
ólfsstöðum með 32,1 kg og í
þriðja sæti er Sigursteinn í Stafni
með 32 kg eftir hverja vetrar-
fóðraða á.
Þátttaka í sauðfjársæðingum
hefur verið í hraðri sókn undan-
farin ár og var söm við sig í ár.
Sæddar voru voru samtals 2.464
ær á 55 bæjum og má því vænta
þess að margir framtíðar kyn-
bóta gripir fari að líta dagsins ljós með
vorinu.
Ómmæld voru 6.908 lömb í
sýslunni á 57 bæjum sem er mikil
fjölgun frá fyrra ári en þá voru
ómmæld 5.562 lömb í sýslunni. Gerð-
ar voru upp afkvæmarannsóknir á 28
bæjum. Af ómmældum og stiguðum
lambhrútum stóðu efstir í sýslunni,
jafnir að stigum hrútar nr. 740-1 hjá
þeim Jóhönnu og Gunnari á Akri og
hrútur nr. 3 á Hjallalandi, báðir með
87,5 stig. Þykkasti bakvöðvi í gimbra-
hjörð reyndist einnig hjá þeim hjónum
Jóhönnu og Gunnari á Akri en þar
var meðaltalið 30 mm sem er gríðar-
lega gott.
Hrossarækt.
Á árinu 2010 kom upp smitandi
hósti í hrossum á Íslandi og setti það
Kornakur á Brúsastöðum.