Húnavaka - 01.05.2011, Blaðsíða 221

219H Ú N A V A K A
FRÁ LÖGREGLUNNI
Á BLÖNDUÓSI.
Það sem fyrst kemur í
hugann þegar litið er yfir árið er
líklega orðið samdráttur. Það var
samdráttur á mörgum sviðum
þjóðlífsins og auð vitað á það ekki
síður við á þessu svæði. Hjá lögreglunni
var líka sam dráttur sem sést fyrst og
fremst í minna eftirliti á flestum ef
ekki öllum sviðum. Á móti kemur að
verkefnum hefur heldur fækkað og
skýrist það kannski að nokkru af
minni umsvifum í atvinnulífi og síðan
hefur verið töluvert minni umferð en
var þegar allt var á fullum snúningi.
Þrátt fyrir það eru verkefnin næg en
eins og áður segir þá er þeim sinnt
minna þar sem eftirlit hefur dregist
saman og um leið fækkar verkefnunum
þar sem þau eru flest þess eðlis að
sækja þarf þau út á mörkina.
Víða um land hefur borið á mikilli
aukningu á innbrotum en hér í
umdæminu hafa slíkar hrinur ekki
skollið yfir. Þó má segja að sést hafi í
hornið á þessu þegar brotist var inn í
verslanirnar Kjalfell og Samkaup á
Blönduósi. Eftir mikla yfirlegu og með
því að raða saman upplýsingum víða
að þá virtist liggja ljóst fyrir að sömu
aðilar höfðu brotist inn á Akureyri
nokkru áður og voru þeir handteknir í
ljósi fyrirliggjandi upplýsinga. Þessir
menn voru af erlendum uppruna og
þrátt fyrir fyrirliggjandi og augljósar
sannanir um þeir hafi verið að verki
viðurkenndu þeir aldrei aðild sín að
þessum innbrotum. Þannig gengur
þetta nú stundum fyrir sig.
Þó svo að fjarlægðin frá höfuð-
borgar svæðinu, þaðan sem þessum
innbrotum er stýrt, veiti okkur tals-
verða vernd þá er hætta á að þeir sem
fara í svona leiðangra geti borið niður
hvar og hvenær sem er. Er rétt að vera
meðvitaður um slíkt og gefa því gaum
ef einhver veruleg frávik sjást frá því
sem við erum vön, t.d. umferð
ókunnugra bifreiða sem fara um
íbúðarhverfi í leit að hentugum
stöðum til innbrota eða önnur atriði
sem vekja athygli.
Umferð var minni en á undan förn-
um árum en gekk á margan hátt frem-
ur vel. Það varð þó eitt banaslys á ár-
inu og gerðist það þegar vagn aftan í
vöruflutningabifreið rakst á aðra
vöruflutningabifreið er kom úr gagn-
stæðri átt og lést ökumaður þeirrar
bifreiðar. Slys þetta varð í Svartárdal,
skammt sunnan við vegamótin yfir í
Blöndudal.
Umferðinni var mikið sinnt sem og
ávallt hefur verið gert en ökuhraði
virðist hafa minnkað upp á síðkastið
og er það vel. Hins vegar er það orðið
mun algengara en áður var að í
tengslum við umferðarmál og eftirlit
með umferð komi upp mál er varða
neyslu og vörslu fíkniefna. Virðist
algengt að neytendur slíkra efna aki
sem ekkert sé eftir neyslu þeirra og þá
oft á tíðum eru þeir með í fórum
sínum einhver efni til neyslu. Í sumum
tilvikum hefur fundist meira magn en
það að hægt sé að heimfæra það sem
eigin neyslu og er þá oft verið að ferja
efnin á milli landshluta til sölu. Er
þetta oft tengt einhverjum skemmt-
unum og eða hátíðum sem framundan
eru. Það er mikið áhyggju efni hversu
algengt þetta er orðið og hve margir
taka þetta sem sjálfsagðan hlut.
Þrátt fyrir miklar umræður um
breytingar á skipulagi lögreglunnar
hefur ekkert verið ákveðið hvaða
lendingu það fær. Þetta er búið að