Húnavaka - 01.05.2011, Qupperneq 228

H Ú N A V A K A 226
Ýmis verkefni.
Haldið var upp á 20 ára skóg-
ræktarsögu í Vatnahverfi með því að
félagið keypti 20 birkitré af Emblu-
kvæmi sem voru ríflega mannhæðar
há. Þeim var valinn staður í Hólma-
vatnshólfinu við gamla Skagastrandar-
veginn nálægt þeim stað sem fyrsta
gróðursetningin fór fram. Þá var lagt
nokkuð af göngustígum ofan og neðan
þjóðvegar. Félagið sá um að kortleggja
skógræktarsvæðið í Vatnahverfi og var
það síðan sett í stafrænt form og hver
reitur með töluheiti og skráða stærð.
Nokkuð var unnið í örnefnaskrán-
ingu í Vatnahverfi.
Plöntufjöldi á þessum 20 árum er
um 260 þúsund. Helsta tegundin er
birki en af henni hafa verið sett niður
um 150 þúsund tré. Stafafuran er
mest áberandi í landslaginu en viðjan
lítur mjög vel út í hálfdeiglunni neðan
við útihúsin.
Vélflekkað var í fyrsta sinn á Gunn-
fríðarstöðum.Flekkunin fór fram með
tæki sem nefnt er skógarstjarna og er
dreginn af dráttarvél. Gróðurtorfunni
er velt við með um 2 metra milli-
bili. Er þá mun auðveldari öll
gróðursetn ing og umhirða trjá-
plantnanna næstu árin. Vél flekkun
er beitt á land sem er vel gróið og
hætta er á að nýgróður sett ar
trjáplöntur verði undir í samkeppn-
inni.
Á Fjósum var vegslóðinn upp
brekk urnar lagfærður töluvert. Sett
voru niður ræsi og grafnir skurðir
með veginum. Gerð útskot við
vegslóða til að auðvelda vinnu uppi
á Landgræðslu skóga svæðinu.
Vel gekk að selja jólatré til al-
menn ings frammi á Gunnfríðar-
stöðum fyrir jólin þó snjór væri
nokkuð til trafala á Bakásavegi.
Einnig voru seld torgtré til
Blönduóss og Skagastrandar. Nokk ur
sala jóla trjáa var á Fjósum en snjór
hamlaði för fólks um svæðið.
Fleiri og fleiri heimsækja skógarreiti
félagsins og skiptir þá ekki máli hvaða
árstíð er hjá okkur.
Ryðsveppur.
Í Alaskaasparreitnum á Gunnfríðar-
stöðum eru mörg myndarleg tré. Nú
síðsumar urðu trén í reitnum fyrir
miklu asparryði svo hann varð gulur
yfir að líta í stað þess að vera grænn.
Nálægð við lerkitré og hlýnun veðráttu
skapa góð skilyrði fyrir asparryðið
sem getur haft slæm áhrif á vöxt
trjánna og drepið þau þegar verst
lætur.
Trjámælingar.
Á sl. ári eignaðist félagið mæli stöng
sem hægt er að nota við mælingar á
allt að 15 m háum trjám. Á Gunnfríðar-
stöðum er ekkert tré orðið 15 m en
Alaskaaspir við bæjar rúst irnar eru
orðnar 14,8 m háar. Hafa þær vaxið
Jóhanna, Dedda og Ari við gróðursetningu í
Vatnahverfi.