Húnavaka - 01.05.2011, Síða 231

229H Ú N A V A K A
verður að komast hjá afleysingum
vegna fría þar sem það á við. Breyt-
ingar á rekstri sjúkrabíla á Skagaströnd
(til skoðunar í ráðuneyti).
Ráðningarbanni verður viðhaldið
og ekki ráðið í störf sem losna nema í
algerum undantekningartilfellum.
Rekstur ársins almennt séð.
Í byrjun árs var gengið frá samningi
við Lyfju um leigu á aðstöðu í heilsu-
gæslustöðinni á Skagaströnd og opn-
aði útibúið um haustið. Hefur reynslan
leitt það í ljós að það var rétt ákvörðun
og til bóta fyrir Skagstrendinga að
hafa lyfjaafgreiðslu á heilsugæslunni
eins og áður var.
Á árinu var sjúklingabókhaldið,
sjúkraskráin sem vistuð er í svokölluðu
Sögukerfi, samtengt við sjúkraskrár-
kerfi annarra heilbrigðis stofnana á
Norðurlandi. Var þetta viðamikið
verkefni og flókið en eftir minniháttar
byrjunarerfiðleika er kerfið að virka
eins og til er ætlast. Til lengri tíma
litið sparar þessi ráðstöfun peninga en
það sem mestu máli skiptir þá á þetta
að bæta gæði þeirrar þjónustu sem
sjúklingum er veitt á heilbrigðis stofn-
unum.
Miklar framkvæmdir voru á árinu í
viðhaldsmálum fasteigna stofnunar-
innar en málað var þak, malbikuð
bílastæði, endurnýjaðar raflagnir í
eldra húsi (Hælinu), skipt um glugga
þar líka, gólfdúka o.fl. Var þessum
framkvæmdum stýrt þannig að þær
dreifðust vel og jafnt yfir árið og hafa
þær örugglega haft góð áhrif á
samfélagið á þessum síðustu og verstu
tímum. Fasteignir ríkissjóðs sjá nú um
almennt viðhald sem ekki var áður og
hefur sú ráðstöfun aukið viðhaldsfé
stofnunarinnar.
Á árinu var endurnýjuð viðbragðs-
áætlun stofnunarinnar en sú áætlun
heldur utan um viðbrögð vegna t.d.
hópslysa og slíkra óvæntra atburða.
Einnig var endurnýjuð jafnréttisáætl-
un o.fl.
Litið til læknamála og mönnunar á
þeim vettvangi þá hefur tekist að
halda á málum þannig að t.d. bið hér
eftir læknisþjónustu hefur ekki lengst
en komið hefur fyrir að einn læknir
hefur verið við störf eina og eina viku.
Almennt hafa læknar verið tveir en
flestum er væntanlega ljóst að erfitt
hefur verið að manna stöður.
Sjúkraflutningar á starfssvæðinu
eru mikilvægur þáttur í starfseminni
en í töflu hér á eftir má sjá þróunina
síðustu þrjú árin.
Blönduós 2008 2009 2010
Flutningar
Forgangur 1 32 33 42
Forgangur 2 64 53 37
Forgangur 3 39 75 63
Forgangur 4 1 12 24
Flutningar 136 173 166
Það fór væntanlega ekki framhjá
Húnvetningum fremur en öðrum
lands mönnum sú atlaga sem fjár-
veitingavaldið í Reykjavík beitti sér
fyrir á haustdögum gegn starfsemi
HSB og þeirri þjónustu sem veitt er
þar og þar með gegn hagsmunum
Húnvetninga. Líkt og árið á undan
var gerð krafa um 40 milljóna kr.
niðurskurð en eftir þá varnarbaráttu
sem átti sér stað hér heima og fyrir
sunnan var niðurstaðan 18 milljóna
kr. niðurskurður sem má „una“ við
því enn á stofnunin eftir ónýttar
fjárheimildir v/góðs rekstrar á liðnum
árum. Rekstur ársins 2010 var með
7,9 milljóna kr. halla og var það
viðunandi niðurstaða í ljósi aðstæðna.