Lögmannablaðið - 01.03.2003, Page 16
16
FYRIR stuttu barst mér í hendurútreikningur á rekstrarkostnaði
meðal einyrkja í lögmennsku. Mikið
var ég feginn, því mér hefur þótt vanta
faglega umræðu um rekstur lögmanns-
stofa, hvað teljist eðlilegt og hvað ekki.
Þegar ég stofnaði lögmannsstofu, ásamt
þremur öðrum lögmönnum árið 1998,
þá hefði ég viljað hafa aðgang að
gögnum sem þessum, reynslusögum
annarra sem hefði getað stýrt okkur
félögunum þar sem þess þurfti. Þessi
útreikningur féll ekki alveg að mínum
rekstri en er afar gagnlegur sem viðmið.
Regula - lögmannsstofa.
Húsavík - Egilsstaðir - Höfn.
Einyrkjarekstur höfðar ekki til mín þó ég hafi
verið slíkur í nokkur ár. Því er ég afar spenntur
fyrir hinni nýju lögmannsstofu sem undirritaður
hefur stofnað ásamt Sigríði Kristinsdóttur á Höfn
og Berglindi Svavarsdóttur á Húsavík. Rekstur
lögmannsstofu með fjóra lögfræðinga á þremur
stöðum, þar sem minnsta fjarlægð er 240 km á
milli starfsstöðva, er spennandi og krefjandi verk-
efni. Starfsemin hjá okkur hófst 03.03.03 og með
aðstoð nýjustu upplýsingatækni tekst okkur að
sameina þessar þrjár skrifstofur sem eina. Sameig-
inlegt tölvukerfi (Terminal Client) og sameiginleg
símstöð (Centrex) gera það að verkum að fyrir-
tækið er með eitt stórt hjarta. Með því vonumst
við til að komast hjá þeim ókostum sem fylgja
rekstri í dreifbýli en nýta kosti þess.
Námskeið til að öðlast
réttindi sem héraðsdóms-
lögmaður.
Það eru þó ekki allir sem
nýta tæknina til fulls. Hjá mér
hefur starfað lögfræðingur sem
vill verða héraðsdómslög-
maður. Á Austurlandi voru þau
reyndar fjögur í sömu sporum,
þ.e. nýlega útskrifaðir lögfræð-
ingar sem vildu fá réttindin. Ég
hélt að það yrði nú auðsótt að
sækja námið héðan, annað
hvort með því að losna við
mætingaskyldu eða með notkun fjar-
fundarbúnaðar. Sjálfur hef ég sótt
heilsársnám með þessum hætti og
starfsfólk mitt hefur numið rekstrar-
fræði og fasteignasölu með báðum
þessum aðferðum. En lögmennskan
skal vera öðruvísi. Ég verð að nota
þetta tækifæri og lýsa yfir depurð
minni á þeirri staðreynd að uppsetn-
ing starfstengds náms skuli vera með
slíkum hætti á upplýsingaöld að ill-
mögulegt er fyrir þá sem búa utan 2
klst. akstursradíusar frá Reykjavík að
sækja námið. Því skal þó haldið til
haga að nefndin breytti uppsetningu
námsins til þess að koma til móts við
þarfir landsbyggðarfólksins en betur
má ef duga skal. Rökin gegn því að notast við fjar-
fundarbúnað voru þau hversu dýrt það væri að
setja hann upp í þeirri kennslustofu sem nota ætti!
Ég er e.t.v. að einfalda hlutina um of en var ekki
hægt að notast við aðra kennslustofu með þessum
búnaði? Mér skilst að uppsetning námskeiðsins sé
í sífelldri endurskoðun og vil því skora á þá sem
þessu stýra að gæta jafnræðis.
Aðgangur að fræðunum.
Einn ókosta þess að stunda starfsemina á Egils-
stöðum er skortur á lögfræðilegu bókasafni. Sem
betur fer fyrir okkur lögmenn, og þá ekki síst fyrir
okkur sem í dreifbýlinu erum, hefur internetvæð-
ingin breytt aðstöðunni verulega. Aðgangur að
gagnasöfnum hefur gjörbreytt starfseminni á þeim
stutta tíma sem ég hef verið í
lögmennsku. Sem dæmi má
nefna aðgang að UfR og
Karnov sem eru gagnlegir
grunnar eins og íslenskir lög-
menn vita. Fyrir nokkrum
mánuðum kom upp sú hug-
mynd að LMFÍ fengi aðgang
að UfR og Karnov, og lögmenn
félagsins gætu síðan komið á
bókasafnið og notað aðganginn
að vild. Mjög góð hugmynd.
En góðar hugmyndir mega
ekki skekkja samkeppnisstöðu
okkar lögmanna og því skora
1 / 2 0 0 3
Rekstur lögmannsstofu
á landsbyggðinni.
Hilmar
Gunnlaugsson
hdl.
Við hljótum að sjá fram
á frekari þróun í
stækkunarátt lögmanns-
stofa á næstu árum.
Að mínu mati skiptir þar
miklu að okkur verði gert
kleift að ná fjármagni
inn í reksturinn.