Lögmannablaðið - 01.03.2003, Síða 26

26 1 / 2 0 0 3
Námskeið fyrir lögmenn á vorönn
Árshátíð LMFÍ
Laugardagskvöldið 22. mars
verður hin árlega árshátið félagsins
og er búist við mikilli þátttöku eins
og síðustu ár. Heimateiti lögmanna
verða um borg og bæ og hefjast kl.
17:30. Heiðursgestur að þessu sinni
verður Ari Edwald, framkvæmda-
stjóri Samtaka atvinnulífsins, en
Valborg Snævarr verður veislustjóri.
Skemmtiatriði verða í höndum
Jóhannesar Kristjánssonar sem mun
væntanlega gera „alvarlega“ úttekt á lands-
málum eins og honum einum er lagið. Steindór
Andersen, sem hlaut menningarverðlaun DV á
dögunum ásamt Sigur rós og Hilmari Hilmars-
syni, mun svo kveða rímur. Ein vinsælasta
hljómsveit landsins um þessar mundir, Í svört-
um fötum, mun leika fyrir dansi. Þess má geta
að hún fékk titilinn „besta ballhljómsveit árs-
ins“ fyrir stuttu svo allir ættu að fá eitthvað við
sitt hæfi.
Námskeið vorannar
Félagsdeild stendur fyrir 12 námskeiðum á
vormánuðum og hefur skráning á þau verið
mjög góð. Auk faglegra námskeiða var brugðið
út af vananum og boðið upp á námskeið í
ítalskri matargerð, golfi og flugukasti. Ítalska
matargerðarnámskeiðið var haldið 5. mars sl. og
sló rækilega í gegn en meistarar La Primavera
sáu um kennsluna. Ákveðið hefur verið að bæta
a.m.k. einu námskeiði við. Auk
þessara námskeiða hafa eftirtalin
námskeið verði haldin: Undirbún-
ingur hluthafafunda og fundarstjórn,
lög um fjöleignarhús (Stríð og friður
í fjöleignarhúsum) en samkeppnis-
réttarnámskeið sem vera átti 13.
mars sl. var frestað.
Í febrúar voru haldin tvö stutt
tölvunámskeið, annars vegar upp-
rifjun í word og tölvupósti og hins
vegar í excel. Þessi námskeið voru
ætluð fyrir þá sem eru vanir að nota forritin en
vildu skerpa á þekkingu sinni. Óhætt er að full-
yrða að vel hafi tekist til og flestir þátttakendur
fóru heim margs vísari.
Þau námskeið sem á eftir að halda eru:
Stofun félaga – reglur og hagnýt atriði 25. mars,
Vitna- og aðilaskýrslur fyrir dómi 3. apríl,
Áfrýjun og flutningur einkamáls fyrir Hæsta-
rétti 6. maí og golfnámskeið sem verður í maí.
Lögmenn eru hvattir til að hafa samband við
undirritaða ef þeir hafa einhverjar sérstakar
óskir varðandi námskeið.
LMFÍ er sem fyrr í samstarfi við Háskólann í
Reykjavík. Þar er boðið upp á rekstrar- og
stjórnunarnám auk styttri námskeiða: Greiðslu-
stöðvun og nauðasamningar 7.-9. apríl, Skipta-
stjórn þrotabúa 10. apríl og Skipti á dánarbúum
24. til 26. mars. Lokið er námskeiðum í Evrópu-
rétti og Höfundarrétti og hugverkasamningum.
Fréttir frá félagsdeild
Eyrún Ingadóttir
Skipti á dánarbúum
Fjallað verður um ferlið við skipti dánarbúa, allt frá
skyldum skiptastjóra til endanlegra skipta og skýrslu
skiptastjóra.
Leiðbeinendur: Steinunn Guðbjartsdóttir hdl., Eyrún
Guðmundsdóttir, deildarstjóri í sifja- og skipta-
deild hjá Sýslumanninum í Reykjavík, Kristján
Gunnar Valdimarsson, lögfræðingur hjá Búnaðar-
bankanum Verðbréfum
Staður: Háskólinn í Reykjavík.
Tími: 24. til 26. mars 2003.
Verð: kr. 24.000
Frekari upplýsingar veitir:
Þór Clausen
sími: 510 6288
thorc@ru.is