Lögmannablaðið - 01.12.2009, Side 12

12 < LÖGMANNABLAÐIÐ – 4 / 2009
Þreföldun laganema á sex árum
Lagakennsla á Íslandi hófst með
stofnun Lagaskólans árið 1908 sem
varð hluti af Háskóla Íslands árið 1911.
Næstu 90 árin sá Háskóli Íslands um
lagakennsluna en haustið 2001 hóf
Háskólinn á Bifröst kennslu í við­
skiptalögfræði og árið 2006 útskrifuðust
þaðan fyrstu nemendurnir með meist­
arapróf í lögum. Háskólinn í Reykjavík
fylgdi í kjölfarið, stofnaði lagadeild
haustið 2002 og útskrifaði sína fyrstu
meistaranema árið 2007. Fjórði há­
skólinn til að bjóða upp á laganám var
Háskólinn á Akureyri árið 2003 en hann
útskrifaði fyrstu meistaranemana árið
2008. Í ár útskrifuðust 157 með BA/BS
gráðu og 143 með meistaragráðu en
áður var algengt að milli 40­50 kand­
ídatar útskrifuðust úr lögfræði frá laga­
deild Háskóla Íslands. Þess má geta að
í Finnlandi útskrifast að meðaltali 450
kandídatar með meistaragráðu á ári en
Finnar eru 17 sinnum fleiri en Íslend­
ingar. Í Noregi útskrifast að meðaltali
milli 700­800 kandídatar, sex sinnum
fleiri en á Íslandi, en Norðmenn eru 14
sinnum fleiri en Íslendingar.
Breytingar til góðs?
Þegar frumvarp um lögmenn var lagt
fram á Alþingi árið 2003, þar sem ákvæði
var m.a. að finna um að lög fræðingar sem
vildu verða lögmenn gætu útskrifast úr
fleiri háskólum en Háskóla Íslands, urðu
talsverðar umræður meðal lög fræðinga
og háskólakennara. Gagnrýnt var að ekki
væri tekið fram hver lág marksmenntun í
helstu kjarnagrein um lögfræðinnar ætti
að vera og þótti sumum líklegt að
lágmarkskröfur um gæði kennslu og
náms myndu minnka með auknu
framboði skóla. Þá um haustið var
lágmarkseinkunn við lagadeild Háskóla
Íslands lækkuð úr sjö í sex í almennu
lögfræðinni á fyrsta ári til samræmis við
lágmarkseinkunnir í öðrum fögum.
Reynsla er nú komin á hina nýju skipan
laganáms á Íslandi. Björg Thorarensen,
forseti lagadeildar Háskóla Íslands,
Þórður S. Gunnarsson, forseti laga deildar
Háskólans í Reykjavík, Bryndís Hlöðvers­
dóttir, forseti laga deildar Háskólans á
Bifröst og Sigurður Kristinsson, forseti
hug­ og félags vísindasviðs Háskólans á
Akureyri svöruðu þremur spurningum
Lög manna blaðsins um laganámið.
Umfjöllun
Laganám í kastljósinu
Frá árinu 2003 hefur lögfræði verið kennd í fjórum háskólum á Íslandi. Fjöldi
laganema hefur þrefaldast á þessum tíma en nú er svo komið að rúmlega 1500
manns stunda nám í lögfræði. Árið 2009 útskrifuðust 157 með ba/bS gráðu í
lögfræði og 143 með meistaragráðu. Hafa kröfur til laganema minnkað og
hverjir eru kostir og gallar samkeppni í laganámi?
Vinsældir námskeiðs til öflunar héraðsdómslögmannsréttinda hafa að sama skapi aukist gríðarlega og
ef fram heldur sem horfir verða félagar LmFÍ nálægt 1000 þegar það heldur upp á aldarafmæli sitt 11.
desember 2011 en voru 650 á 90 ára afmælinu árið 2001. 50% fleiri karlar en konur hafa sótt hdl.-námskeið
undanfarin fimm ár en á sama tíma hafa 15% fleiri konur en karlar útskrifast með meistaragráðu úr
háskólunum. Í könnun Lögmannablaðsins í september sl. kemur fram að framhaldsnám lögmanna skilar
sér í betri stöðum og skiptar skoðanir eru meðal lögmanna um skylduendurmenntun. Lögmannablaðið
veltir fyrir sér laganámi frá ýmsum hliðum.
Grunnnám í lögfræði Innritaðir í BA/BS
nám í lögfræði
haustið 2009
Útskrifaðir með BA
eða BS gráðu í
lögfræði 2005-2009
Útskrifaðir með BA
eða BS gráðu í
lögfræði 2009
Háskóli Íslands 659 337 66
Háskólinn í Reykjavík 228 266 55
Háskólinn á Bifröst 140 206 22
Háskólinn á Akureyri 70 58 14
Samtals 1097 867 157
Meistaranám í
lögfræði
Innritaðir í MA/ML/
cand.jur/mag.jur
nám haustið 2009
Útskrifaðir með
meistaragráðu í
lögfræði 2005-2009
Útskrifaðir með
meistaragráðu í
lögfræði 2009
Háskóli Íslands 196 268 76
Háskólinn í Reykjavík 170 139 46
Háskólinn á Bifröst 60 45 15
Háskólinn á Akureyri 31 16 6
Samtals 457 468 143