Lögmannablaðið - 01.12.2009, Blaðsíða 19
LÖGMANNABLAÐIÐ – 4 / 2009> 19
Af Merði lögmanni
Mörður hefur í seinni tíð verið maður einsamall. Hefur af einhverjum ástæðum
haldist illa á sínum konum. Skýringin er kannski almenn leiðindi Marðar og
skortur á rómantík sem hafa vegið þyngra en vilji og ákefð hans í ástarleikjum.
Viljinn og ákefðin hafa ekki fylgt Merði alla tíð heldur eiga þessi nýju
stinningarlyf sinn þátt í því. Gjarnan eftir slíkar lyfjainntökur hefur Mörður
mikla þörf á að heimsækja strippstaði sem er helsta ástæða þess að sparifé
Marðar er nánast uppurið. Mörður huggar sig þó við það að betra er að glata
öllum sínum fjármunum í faðmi hispurslausra glæsisimmeyja en í bankahruni.
Nú er svo komið að Mörður hefur séð tækifærin í kreppunni. Honum tókst að færa
allar skuldir á aldraða móður sína á ögurstundu og bjargaði þar með starfsréttindum
sínum sem hæstaréttarlögmaður. Ekki nóg með það. Hann hefur boðið KSÍ starfskrafta
sína fyrir lága þóknun gegn því að fá platínukort í nafni íþróttahreyfingarinnar
og er vongóður um að takast þannig að sameina tvö helstu áhugamál sín.
Merði er hins vegar mikill vandi á höndum um þessar mundir. Frá því að náttúran
gerði vart við sig hefur Mörður verið mjög áhugasamur um berrassaðar stelpur.
Las það einhvers staðar að ef slíkur áhugi væri ekki fyrir hendi hjá karlmönnum
væri eitthvað mikið að og innganga í kór Fíladelfíusafnaðarins útilokuð.
Einhverjar botnfreðnar kellingar hafa hins vegar komist að því að heimsóknir til
slíkra glæsimeyja sé alvarlegur glæpur. Mörður treystir sér semsagt ekki lengur
á strippstaði borgarinnar af ótta við að verða handtekinn, hent í tugthúsið og
lenda í ofanálag á forsíðu DV.
Merði finnst að sér þrengt á fleiri vígstöðvum. Hann þorir ekki heldur lengur í
heimsókn til gamalla vinkvenna, hvorki í 101 né Grafarvoginum, eftir að hann las
í blöðum að lögregla fylgdist sem með húsum þar sem grunur væri að fram færu
ástarleikir og fjárhagslegur stuðningur á sama tíma. Það getur ekki verið mikil
fjárþröng hjá pólitíinu ef það getur leyft sér að vera með fjölda löggukarla í
„steak out“ til að fylgjast með ástarlífi fólks. Hvað þá ef það getur verið með
tugi manns í sérstakri vopnaðri víkingasveit sem gerir ekki annað en að koma
drukknum mönnum í háttinn og hræða börn sem sitja í bíl með langfangabyssur.
Mörður hefur aldrei náð að tileinka sér tölvutæknina og því getur hann ekki
sinnt þessu áhugamáli sínu með því að heimsækja vefsíður sem samþykkja ennþá
íslensk kreditkort. Mörður getur því ekkert farið nema á Kringlukrána þar sem
kellingar á hans aldri dvelja en það er ekki aldursflokkurinn sem áhugi hans
snýst um.
Það er kannski engin furða að karlar eru að verða ófrjóir og breytast í kellingar
eins og Mörður las í blöðum um daginn. Það skyldi þó ekki vera að þessar
kellingar næðu að útrýma mannskepnunni að lokum?
*Til fjölda ára hefur Mörður lögmaður sent vélritaða pistla sína í
Lögmannablaðið í brúnu umslagi á skrifstofu félagsins. Framvegis verða
pistlarnir skannaðir inn og birtir eins og þeir koma frá lögmanninum.
xxx
xxx