Lögmannablaðið - 01.12.2009, Page 20
20 < LÖGMANNABLAÐIÐ – 4 / 2009
Umfjöllun
Fyrir utan lagasetningar í tengslum við lausn Icesave og
endurreisn bankakerfisins eru lögin um greiðsluaðlögun
fyrir einstaklinga í greiðsluerfiðleikum um margt merkileg
þótt deila megi um hvort gengið hafi verið of skammt í
því sambandi. Ég fagna því skrefi sem stigið hefur verið
til að takmarka umhverfismengun með skattlagningu
kolvetnisvinnslu og vona að frumvarpið um umhverfis
ábyrgð sem er á leiðinni í þingið fái þinglega meðferð. Þá
tel ég afar brýnt að komið verði á fót landsskipulagi sem
fyrst. Að síðustu fagna ég niðurstöðu Hæstaréttar í máli
nr.671/2008 þar sem rétturinn snéri úrskurði umhverfis
ráðherra en með því verður ekki fallist á veglagningu um
Teigskóg með þverun Djúpa og Gufufjarða sem er eitt
fegursta svæði landsins. Ég tel að dómurinn hafi
fordæmisgildi varðandi beitingu laga um mat á
umhverfisáhrifum.
Þegar litið er til baka til ársins 2009 þá kemur fyrst upp í
huga óvissan um gildi samninga sem gerðir hafa verið
innan íslensku bankanna á undanförnum árum s.s. um
lánveitingar í erlendri mynt. Fyrstu dómarnir þar sem
tekið er á ágreiningsmálum varðandi þessa samninga
liggja ekki fyrir og því má segja að réttarkerfið hafi eins
og haldið niðri í sér andanum allt þetta ár, eftir fyrstu
fordæmunum og hvernig taka megi á þeim ef þau
hnekkja gerðum samningum. Fjöldi mála sem þessu
tengjast er mikill og veldur hann áhyggjum af getu
íslenskra dómstóla til að anna þeim málum innan eðlilegs
tímaramma. En um leið verða til dómar sem eiga eftir að
koma fræðigreininni lögfræði til góða.
Það sem hæst bar er óvissan. Þar á ég við óvissuna sem
skapaðist af miklum breytingum í lagaumhverfi okkar og
þeim fordæmalausu málum sem gert er ráð fyrir að komi
til úrlausnar dómstóla á næstu misserum.
Hvað bar hæst í íslenskum rétti
árið 2009?
Icesave, endurreisn og
umhverfismál
Haldið í sér andanum
Óvissan bar hæst
Katrín
Theodórsdóttir
hdl.
Þorbjörg Inga
Jónsdóttir hrl.
Hrafnhildur
Stefánsdóttir hrl.
Stórt verk lítið mál
Litlaprent ehf. | Skemmuvegi 4 | 200 Kópavogi
Sími 540 1800 | Fax 540 1801 | litla@prent.is
prent.is