Lögmannablaðið - 01.12.2009, Síða 24
24 < LÖGMANNABLAÐIÐ – 4 / 2009
Á árinu 2009 er áberandi ný löggjöf á
Alþingi Íslendinga sem er ætlað er
að bregðast við afleiðingum af
bankahruninu síðastliðið haust og
efnahagslægðinni sem fylgt hefur í
kjölfarið. Hér verður skautað yfir
helstu lagabreytingarnar.
Lög nr. 23/2009.
Bætt staða skuldara við
gjaldþrotaskipti og frestun
nauðungarsölu
Gerðar voru breytingar á lögum um
aðför, nauðungarsölu og gjaldþrota
skipti. Í fyrsta lagi er nú gert ráð fyrir
tímabundinni lengingu aðfararfrests úr
15 dögum í 40. Þannig er reynt að auka
svigrúm skuldara sem lenda í greiðslu
erfiðleikum til að leita úrræða og
endurskipuleggja fjármál sín og
hugsanlega komast hjá því að aðför og
fjárnám sé gert í eignum þeirra. Lenging
aðfararfrests var tímabundin, gilti til 1.
janúar 2010, og er til komin vegna
þeirra óvenjulegu aðstæðna sem nú eru
í efnahagslífi þjóðarinnar og þeirrar
auknu hættu á greiðsluerfiðleikum sem
fjölskyldur, einstaklingar og fyrirtæki
standa frammi fyrir.
Í öðru lagi voru gerðar breytingar á
lögum um nauðungarsölu og áréttað að
sýslumaður leiðbeini gerðarþola sér
staklega um að hann geti að ákveðnum
skilyrðum uppfylltum óskað eftir því að
eign sé seld nauðungarsölu á almennum
markaði. Er þetta gert til að tryggja að
ávallt verði leitað leiða til að fá sem
hæst verð fyrir eignina. Einnig er
gerðarþola nú heimilað að óska eftir
fresti á nauðungarsölu á fasteign eða
ráðstöfun hennar á frjálsum markaði.
Frestur þessi hefur nú verið framlengdur
og gerðarþoli hefur tíma til 1. febrúar
2010 til að koma nýrri skipan á fjármál
sín og þannig varna því að fasteign
hans verði seld á nauðungaruppboði.
Í þriðja lagi var gerð breyting á lögum
um gjaldþrotaskipti o.fl. sem bæta eiga
réttarstöðu skuldara. Dómari skal
leiðbeina skuldara um þau úrræði sem
felast í greiðsluaðlögun og nauða
samningum. Er með því leitast við að
tryggja að þeir skuldarar, sem hugsan
lega geti nýtt sér þessi úrræði, fari ekki
á mis við þau. Loks getur skiptastjóri
þrotabús nú, ef veðhafar búsins
samþykkja, heimilað skuldara að búa
áfram í íbúðarhúsnæði í eigu búsins í
allt að 12 mánuði.
Lög nr. 24/2009.
Nauðasamningur til
greiðsluaðlögunar
Með breytingum sem gerðar voru á
lögum um gjaldþrotaskipti er ein
staklingum nú tryggt virkt úrræði til að
gera þeim kleift að endurskipuleggja
fjármál sín í kjölfar bankahrunsins og
efnahagslægðar sem því hefur fylgt.
Úrræðið felur í sér heimild til að leita
nauðasamnings til greiðsluaðlögunar sé
sýnt fram á að maður sé og verði ófær
um að standa í skilum með skuldir
sínar. Þetta er ætlað almennum laun
Umfjöllun
Lagasetning í kjölfar hrunsins