Lögmannablaðið - 01.03.2011, Síða 4

4 lögmannablaðið tbl 01/11
einn tvöfaldan latté,
takk
Lögfræði nýtur mikiLLar hylli
sem marka má ásókn í lögfræðinám
í háskólum landsins. fjöldi þeirra
sem útskrifast með gráðu í lögfræði á
hverju ári er slíkur að hinar svonefndu
samanburðarþjóðir Íslendinga væru
full sæmdar af - og er þá ekki miðað
höfðatöluna títtnefndu. Samhliða þessu
hefur fjölgun lögmanna verið hröð
og bólgnar félagatalið út með hverju
námskeiði sem haldið er til öflunar
lögmannsréttinda.
fyrir þeirri hylli sem laganám og
lögmennska nýtur um þessar mundir
eru eflaust æði margar og mismundandi
ástæður. Þungt hlýtur þó að vega sú
staðreynd að mjög hefur komið til kasta
lögmanna og lögfræðinga við úrlausn
mála vegna bankahrunsins. Verkefnin
eru bæði mörg og stór og því hefur reynst
full þörf á öllum tiltækum mannafla. að
greiða úr málum í kjölfar bankahrunsins
er þó vonandi ekki eilífðarverkefni, þótt
eflaust gætu einhverjir daðrað við þá
tilhugsun. Við blasir að í fyrirsjáanlegri
framtíð munu fleiri lögmenn verða um
hituna og þá mjög sennilega um færri
og minni verkefni.
Samkeppni í lögmannastéttinni er nú
þegar mikil og góð og hún mun aukast
enn frekar. Það ætti að hafa í för með sér
að gæði þeirrar þjónustu sem íslenskir
lögmenn veita mun aukast enn frekar. Á
hinn bóginn munu færri verkefni leiða
til þess að lögmannsstofur og aðrir
þeir sem nýta starfskrafta lögmanna
og lögfræðinga munu í auknum mæli
halda að sér höndum hvað varðar
mannaráðningar - á sama tíma og
stærstu útskriftarárgangar lögfræðinga
koma út á vinnumarkaðinn. Vissulega
er hægt að vona að efnahagslífið taki
löngu tímabæran kipp, að fjárfestingar
aukist með tilheyrandi verðmætasköpun
og hagvexti. að óbreyttu er hins vegar
fátt sem bendir til þess.
Síðbúin fjöldahylli laganáms mun
þannig að líkindum leiða til þess að
atvinnuleysi meðal íslenskra lögfræðinga
verði nokkuð. Þessi þróun hefur þegar
átt sér stað annars staðar, t.a.m. í
Bandaríkjunum, þar sem þrengingar
á vinnumarkaði fyrir lögfræðinga eru
töluverðar í kjölfar fjármálakreppunnar.
Í gamni og alvöru er spurt þar vestra:
„Hvað segirðu við nýútskrifaðan
lögfræðing?“ Yfirskrift þessa pistils er
svarið við þeirri spurningu.
BorGAr Þór einArsson HDl.
leiðAri