Lögmannablaðið - 01.03.2011, Blaðsíða 23

Á léttUM nótUM
nýVErið BarSt Lögmannafélagi Íslands
að gjöf skikkja Eggerts Claessen lögmanns
og hefur henni nú verið komið fyrir í skáp
í bókasafni.
Eggert átti frumkvæðið að stofnun
málflutningsmannafélags Íslands ásamt
Sveini Björnssyni, síðar forseta Íslands,
þann 11. desember 1911 en nafni félagsins
var breytt í Lögmannafélag Íslands í
ársbyrjun 1945. Eggert var fyrsti formaður
málflutningsmannafélags Íslands og gegndi
formennsku í því alls þrisvar; 1911-1918,
1921 og 1940-1941.
Eggert fæddist í Skagafirði 16. ágúst
1877. Hann útskrifaðist frá Hafnar-
háskóla árið 1903 og hóf störf á ii.
skrifstofu í hinu nýstofnaða Stjórnarráði
Íslands 1904. Árið 1906 varð hann mál-
flutningsmaður við landsyfirréttinn og
hæstaréttarmálflutningsmaður þegar
Hæstiréttur var stofnaður árið 1920.
Eggert var bankastjóri Íslandsbanka
hf. 1921-1930 og var eftir það hæsta-
réttarmálflutningsmaður til æviloka 1950.
Hann var einnig einn af stofn endum og
framkvæmdastjóri Vinnuveitendasambands
Íslands 1934 til 1950.
afkomendur Eggerts hafa nú stofnað
útgáfufélag um ritun ævisögu Eggerts
og hafa fengið guðna th. Jóhannesson
sagnfræðing til að skrifa sögu hans. Áætlað
er að sagan komi út árið 2013.
EI
skikkja eggerts Claessen