Lögmannablaðið - 01.03.2011, Blaðsíða 17
lögmannablaðið tbl 01/11 17
gegnum tíðina unnið mikið með
barristerum. Þeir sitja í svokölluðum
inns of Court sem eru stórar byggingar
í námunda við High Court of Justice.
innan þessara inns of Court eru síðan
svokallaðir Chambers, sem í raun eru
nokkurs konar lögmannsstofur, þótt
hver málflutningsmaður sé að forminu
til sjálfstæður í sínum störfum“, segir
Hafliði.
Síðustu ár hefur þróunin þó orðið
sú að dregið hefur saman með stéttum
barristera og solicitora enda þótt aðgrein-
ingin sé enn við lýði. Er nú svo komið
að solicitorar geta aflað sér málflutnings-
réttinda á borð við barristera og kallast
þá „solicitor advocate“. Hafliði mun
öðlast þau réttindi á næsta ári.
Lengi hefur tíðkast að dómarar komi
úr hópum barristera. Því er algengt að
dómarar hafi stundað lögmennsku að
fyrra starfi. Jafnframt hefur færst í aukana
að solicitorar færi sig um set og gerist
dómarar á seinni stigum ferilsins. Hafliði
segir þetta skila sér í hagnýtri nálgun
dómstólanna við lausn ágreiningsmála:
„Þetta veldur því að dómararnir hafa
hneigð til að tengja lögfræðileg álitaefni
við þann veruleika sem þeir upplifðu
fyrr á ferlinum. Þetta er að mínu viti
kostur og nokkuð sem tvímælalaust ýtir
undir það orðspor Lundúnaborgar að
vera, ásamt new York, miðstöð viðskipta
í heiminum.“
Eins og margir íslenskir lögfræðingar
þekkja er mikil sérhæfing eitt helsta
einkenni enskra lögmannsstofa. Á stóru
viðskiptastofunum tíðkast þannig mikil
deildaskipting. Þannig er ekki óalgengt
að stærri stofurnar hafi yfir að ráða
bankadeild, fyrirtækjadeild, vinnumark-
aðs deild, hugverkadeild, málaferladeild
og þar fram eftir götum. Hafliði segir
góð og gild rök fyrir þessari miklu
sérhæfingu og hinni aldagömlu aðgrein-
ingu, enda sé enskur réttur afar brota-
kenndur: „Englendingar eru að mörgu
leyti slakir lagasmiðir, auk þess sem
umhverfið er oft á tíðum allt að því
óþarflega flókið. Í því samhengi má
nefna sem dæmi að til eru átta mismun-
andi og fullgildir lagabálkar sem bera
heitið „Landlord and tenant act“, sá
fyrsti frá árinu 1709 og sá síðasti um
tuttugu ára gamall.“
Við þetta bætist síðan gríðarlegt
mikilvægi fordæmisréttar í enskum rétti.
Ekki sé því óalgengt að mikil vinna
fari í að leita gamalla dóma sem kunna
að hafa fordæmisgildi langt aftur í aldir:
„flestir dómar sem kunna að hafa for-
dæmisgildi hafa þó gengið síðastliðin
hundrað ár. Engu að síður má ætla að
magn réttarheimilda sé margfalt meira
þegar enskur lögmaður þarf að komast
að niðurstöðu um lögfræðilegt álitaefni,
en þegar íslenskur starfsbróðir hans
glímir við sambærilega spurningu,“
segir Hafliði.
aukið vægi
gerðardómsmeðferðar
Hafliði hefur undanfarin ár verið fulltrúi
Íslands hjá gerðardómsstofnun alþjóða
viðskiptaráðsins (iCC). aðsetur iCC er
í París, og eyðir Hafliði því talsverðum
tíma þeim megin Ermasundsins. Hafliði
bjó í nokkur ár í París og á jafnframt
franska eiginkonu. Hann segir vægi
gerðardómsmeðferðar sífellt aukast:
„Helsti kosturinn er gjarnan talinn sá
að gerðardómar leysa úr ágreiningsmálum
með skjótum og öruggum hætti. auk
þess geta aðilar þá leyst úr málum bak
við luktar dyr, ef svo má segja, frekar
en að gera það fyrir allra augum gegnum
hina almennu dómstóla. Loks eru
gerðarmenn gjarnan valdir á grundvelli
yfirgripsmikillar sérþekkingar á sínu
sviði, auk þess sem hlutleysi ríkis-
dómstóla í sumum löndum má draga í
efa og þá er gerðardómsmeðferð eini
raunverulegi kosturinn.“
Þrátt fyrir að málsmeðferð fyrir
gerðardómum taki alla jafna tiltölulega
skamman tíma, hefur álagið þó aukist
talsvert síðustu ár, að sögn Hafliða. Þetta
eigi ekki síst við nú allra síðustu ár í
kjölfar sviptinga á alþjóðamörkuðum.
Hafliði er fulltrúi Íslands hjá gerðar-
dómsstofnun alþjóða viðskipta ráðsins,
sem hefur meðal annars þann starfa að
fara yfir drög að gerðardómsúrlausnum
og kveða úr um hæfi gerðarmanna.
Haldnir eru mánaðarlegir fundir þar
sem farið er yfir slíkar úrlausnir :
„Yfirferð okkar er fremur formleg en
efnisleg, enda gerðarmenn sjálfstæðir í
starfi. Þessi mánaðarlega yfirferð er hins
vegar eitt sérkenna iCC, og fer þannig
fram að við annaðhvort samþykkjum
drögin eða sendum þau aftur á gerða-
rmennina teljum við úrbóta þörf“, segir
Hafliði.
UMfjöllUn
skrifstofa logos í london