Dagblaðið Vísir - DV - 22.10.2012, Page 4

Búast við eftirskjálftum
n Fleiri hundruð jarðskjálftar um helgina á Norðurlandi
Þ
að verða örugglega eftir­
skjálftar þarna á næstu dög­
um sem gætu orðið þrír til
fjórir að stærð þess vegna,
segir Sigþrúður Ármannsdóttir,
jarðvísindamaður á Veðurstofu Ís­
lands. Nokkuð snörp jarðskjálfta­
hrina reið yfir Norðurland um
helgina en skjálftarnir áttu upp­
tök sín um tuttugu kílómetra norð­
austur af Siglufirði á þekktu jarð­
skjálftasvæði.
Frá því skömmu fyrir mið­
nætti á laugardagskvöld og fram á
sunnudagsmorgun höfðu mælst
fleiri hundruð skjálftar en nokkuð
dró úr skjálftavirkninni þegar líða
tók á sunnudaginn. Íbúar á Norð­
urlandi, meðal annars á Akureyri,
Siglufirði, Blönduósi og Dalvík,
fundu vel fyrir skjálftunum.
Aðspurð hvort skjálftavirkni
sem þessi sé óvenjuleg segir Sig­
þrúður: „Þetta er ansi stórt en það
hafa komið skjálftar í Tjörnes­
brotabeltinu upp á 7.“ Sigþrúður
bætir við að þó svo að fyrstu mæl­
ingar hafi bent til þess að stærsti
skjálftinn hefði verið 5,2 hafi hann
að öllum líkindum verið aðeins
stærri. Þegar hún er spurð hvort
eitthvað megi lesa úr virkninni og
hvort skjálftarnir séu hugsanlega
undanfari eldgoss segir Sigþrúður
að svo sé ekki. „Þetta er sigdalur
og það eru engin merki um elds­
umbrot eða neitt slíkt. Þetta er
náttúrulega Tjörnesbrotabeltið
þar sem mikið er um skjálfta og
er þekkt skjálftasvæði. Það verð­
ur ábyggilega eftirskjálftavirkni á
næstu dögum. Það var þarna hrina
í september og þá mældust hátt
í hundrað skjálftar og þetta er á
mjög svipuðum slóðum.“ n
einar@dv.is
4 Fréttir 22. október 2012 Mánudagur
Mikil skjálftavirkni Eins og sést var
mikil virkni á Tjörnesbrotabeltinu. Grænu
stjörnurnar merkja skjálfta yfir 3 á Richer
að stærð. MYND VEÐURSTOFA ÍSLANDS
Sameining sveitarfélaga:
Bessastaðir
í Garðabæ
Það var naumur meirihluti
fyrir því í Garðabæ að Álftanes
og Garðabær sameinuðust,
en á Álftanesi voru skilaboðin
um sameiningu skýr og mikill
meirihluti samþykkur henni.
Íbúar sveitarfélaganna gengu til
kosninga um sameiningu sveitar­
félaganna samhliða kosningu um
tillögur stjórnlagaráðs á laugar­
dag. Sveitarfélögin ættu því að
sameinast fyrir áramót og verður
Álftanes þá hverfi í Garðabæ.
Bessastaðir, aðsetur forseta Ís­
lands, verða því frá og með ára­
mótum í Garðabæ.
Íbúar í bæjarfélögunum
greiddu atkvæði í þjóðaratkvæða­
greiðslu og í íbúakosningu á
laugardag. Sameining sveitarfé­
laganna var samþykkt en tölurn­
ar voru svohljóðandi: Á Álftanesi
voru 1.658 manns á kjörskrá, af
þeim greiddu 1.248 atkvæði. Já
sögðu 1.093, eða 87,6 prósent. Nei
sögðu 144, eða 11,5 prósent. Auðir
og ógildir seðlar voru 11, eða tæpt
prósent.
Meirihlutinn var naumur í
Garðabæ. Þar voru 8.506 manns
á kjörskrá og greiddu 5.417 þeirra
atkvæði. 53,11 prósent sögðu já.
Nei sögðu 46,8 prósent. Auðir og
ógildir seðlar voru 103.
Nöfn mannanna sem létust:
Óvíst hvað
olli slysinu
Mennirnir sem létust í flugslysi
á Njarðvíkurheiði á laugar­
dag hétu Hans Óli Hansson, til
heimilis í Kópavogi, og Ólafur
Felix Haraldsson, til heimils á
Patreksfirði. Hans Óli var fædd­
ur árið 1946 en Ólafur Felix var
fæddur árið 1970. Þeir láta báð­
ir eftir sig sambýliskonu og þrjú
börn. Rannsóknardeild flug­
slysa og rannsóknardeild lög­
reglunnar á Suðurnesjum geta
ekki veitt upplýsingar um hvað
það var sem orsakaði slysið.
Vélin, fisflugvél, brotlenti í mó­
lendi um kílómetra suðaustur
af flugvellinum.
Lögreglan fór á vettvang
ásamt sjúkrabifreið og lækni
og var slökkvibifreið send á
vettvang. Tilkynning barst til
neyðarlínunnar klukkan 15.20.
Mennirnir voru báðir úrskurð­
aðir látnir þegar að var komið.
Æ
tti eg að spá um nán­
ustu framtíð íslenzku
Þjóðkirkjunnar í svip­
aðri mynd og núlifandi
kynslóðir Íslendinga
þekkja hana, gef eg henni áratug eða
tylft lífdaga, vel vitandi um spásagn­
ir lækna um líklegan líftíma ban­
vænna krabbameinssjúklinga,“
sagði séra Geir Waage, sóknar­
prestur í Reykholti, í ræðu sem hann
hélt í Hallgrímskirkju á miðviku­
daginn í síðustu viku. Ræða Geirs
var einn dagskrárliður á örþingi
sem Kvennakirkjan hélt um breytta
starfsmöguleika presta á Íslandi.
Í ræðunni fór Geir með gagnrýn­
um hætti yfir þær breytingar sem
orðið hafa á starfsemi og eðli Þjóð­
kirkjunnar á liðnum áratugum. Telur
Geir stöðu kirkjunnar vera með þeim
hætti í dag að hann sjái ekki fram á
að hún eigi sér langan líftíma. „Eg
hefi elskað þessa kirkju og þjónað
embætti hennar eins og ég hjet bisk­
upi mínum á vígsludegi. Nú kannast
eg varla við hana. Eg er lútherskur
Guðfræðingur og þar af leiðandi
bölhyggjumaður. Sem slíkur veit eg
vel að án Guðs náðar er ekkert líf
og engin framtíð. Því sel eg alla von
mína undir Guðs náð og verk Heilags
Anda í þessu efni eins og öðru,“ sagði
Geir í lokaorðum sínum í ræðunni.
Gagnrýnir veraldarvæðingu
kirkjunnar
DV hafði samband við Geir til að
spyrja hann nánar út í hvað hann
hefði átt við með þessum orðum sín­
um í ræðunni. Geir segir að hann
eigi meðal annars við fækkun presta­
kalla í landinu, breytingar á prest­
setraskipan, færslu prestsstarfa af
landsbyggðinni og til Reykjavíkur
og minnkandi starfsöryggi presta.
„Breytingarnar á starfsemi Þjóð­
kirkjunnar gerast svo ört; niðurbrot­
ið í henni er svo hratt, einkum og sér
í lagi niðurbrotið í embættaskipan
hennar. Ég tek svona sterkt til orða til
að ýta við mönnum, vekja viðbrögð.“
Í ræðu sinni segir Geir meðal
annars að niðurbrotið sé vegna þess
að kirkjan hafi á síðustu árum orðið
veraldarhyggju að bráð. „Öll þessi
þróun er í einum farvegi vaxandi
miðstýringar og stofnunarvæðingar
biskupskirkju. Ekki er mjer með öllu
grunlaust um, að fyrirmyndin gæti
einfaldlega verið deildaskipt stórfyr­
irtæki með draumsýn um duglegan
forstjóra. Kirkjan gleypti hráa sýn­
ina, sem varð grundvöllur útrásar­
innar, varð hreinni veraldarhyggju
að bráð. Hún hvílir enn í þeirri hug­
sjón hvað rekstur og þar af leiðandi
skipulag varðar, og ánetjaðist um
leið einnig þeirri veraldarhyggju sem
hæst bar um sama leyti í fjelagstízku­
legu tilliti. Herra Karl Sigurbjörns­
son var ekki fyrsti lýðhyllibiskupinn
(eða popularistinn á biskupsstóli).
„Kirkjan er ekki stofnun, heldur
grasrótarhreyfing“, kenndi hann um
árabil, og beitti sjer fyrir niðurbroti
grunnstoða stofnunarinnar, einkum
sóknarprestsembættisins.“
Trúir á inngrip heilags anda
Aðspurður segir Geir að hann vilji
vekja athygli á þeim grunnstoðum
sem þjóðkirkjan stendur á; grunn­
stoðum sem ekki eru veraldlegar
eða félagslegar. „Ég vil að menn gái
að því á hvaða grunnstoðum kirkjan
stendur. Kirkjan stendur ekki bara fyr­
ir byggingum, félagsmálaumsvifum
og öllum þessum hlutum sem ein­
kenna kirkjuna í nútímanum. Þetta
er allt gott og þarft en þetta er ekki
meginerindi kirkjunnar. Megintil­
gangur kirkjunnar er predikun fagn­
aðarerindisins; predikun hins kross­
festa og upprisna Drottins og það er
þetta sem við eigum að vitna um í
öllu sem við segjum af stólnum: Við
eigum að opna fólki skilning á ritn­
ingunni og því sem Kristur kenndi.
Við prestar eigum ekki að predika
hugðarefni okkar sjálfra, hvort sem
þau eru pólitísk eða eitthvað annað.“
Geir segist hins vegar trúa því að
heilagur andi grípi inn í og leiðrétti
þessa óheillaþróun í sögu kirkjunn­
ar: „Ég álít kirkjuna vera verk heilags
anda og hún er alltaf kraftaverk. Mér
sýnist stefna í brimgarðinn, skipbrot­
ið, upplausnina en ég á engu að síð­
ur von á því að heilagur andi muni
taka í taumana og lagfæra þetta. Ég
predika syndina áður en ég tala orð
náðarinnar. Ég vísa þó til ljóss og
framtíðar í trúnni,“ segir Geir.
Ræðu Geirs má lesa í heild sinni
á DV.is. n
Ingi Freyr Vilhjálmsson
fréttastjóri skrifar ingi@dv.is
n Geir Waage telur Þjóðkirkjuna eiga stuttan líftíma eftir
LÍKIR ÞJÓÐ-
KIRKJUNNI
VIÐ KRABBA-
MEINSSJÚKLING
„Eg er lútherskur
Guðfræðingur
og þar af leiðandi
bölhyggjumaður
Kirkjan er kraftaverk
Geir Waage segir að kirkjan sé
kraftaverk og þó að hann sjái
ýmislegt gagnrýnivert við hana
þá trúi hann því að heilagur
andi grípi inn í og lagi það sem
þarf að laga.