Dagblaðið Vísir - DV - 22.10.2012, Síða 6

„Komumst aldrei í fréttir fyrir neitt gott“
n Nemendur í MA eru ósáttir við fjölmiðlaumfjöllun um sig
M
ér þykir miður sú staðreynd
að við komumst aldrei í
fréttir fyrir neitt gott, sama
hvað við gerum, skrifar Erla
Hrönn Unnsteinsdóttir, nemandi við
4. bekk í Menntaskólanum á Akur-
eyri.  Greinina skrifar Erla í Akureyri
Vikublað. Hún er ósátt við umfjöll-
un um busun í MA og segir að nem-
endur í skólanum fái aldrei umfjöll-
un nema til að snupra þá og fjalla um
það sem miður fer. Hún sendir því
fjölmiðlum og foreldrum tóninn og
segir að foreldrar verði að átta sig á
sinni eigin ábyrgð.
Ástæðan fyrir bréfi Erlu Hrannar
er last sem nemendur fengu í blað-
inu Akureyri Vikublað á dögunum,
en þar kvartaði foreldri yfir því að
nemendum hefði verið boðið upp
á áfenga bollu í busapartíi.  „Við fór-
um í þessi partý með það í huga að
passa ölvun krakkanna, því jú, við
vitum vel að fyrsta árið í MA er um-
talað: bekkjarpartý, busapartý og
eintómt djamm,“ segir hún og bend-
ir á að ábyrgð nemenda sé mikil, en
veltir því fyrir sér hvort foreldrar hafi
íhugað sína eigin ábyrgð í þessum
málum.
„Þau þyrftu ekki að segja foreldr-
um sínum eitthvað sem þau vildu
ekki, en þeim skyldi gert ljóst að þau
væru á leið í partý. Við létum krakk-
ana vita að þarna yrði áfengi, en
enginn yrði neyddur til þess að fá sér
eitt né neitt og að það væri alveg jafn
gaman að vera edrú og að drekka.
Það er ekki okkar hlutverk að setja
reglur fyrir þessa krakka, það er verk
foreldranna, þeir setja útivistartíma,
þeir setja reglur um áfengi og tóbak.
Ekki við,“ segir Erla og bætir við: „Ef
þú vilt ekki að barnið þitt drekki,
segðu því það, treystu þínu barni til
þess að hlusta á þig og hlýða. Ef það
gerir það ekki, þá verður þú að eiga
það við þitt barn og ekki ásaka okk-
ur fyrir þitt gloppótta uppeldi. Þessi
endalausu löst eru farin að verða
óþolandi – lastið okkur eins og þið
viljið, en lofið okkur einhvern tím-
ann líka.“ n
astasigrun@dv.is
6 Fréttir 22. október 2012 Mánudagur
Foreldrar taki ábyrgð Erla Hrönn segir að foreldrar verði að bera ábyrgð og hætti að
kenna eldri nemendum um það sem miður fer. MYND SKJÁSKOT AF VEFNUM MA.IS
RÁNDÝR TANNVIÐGERÐ
HJÁ EINHVERFRI STÚLKU
n Kostaði yfir 200 þúsund n Kerfið tekur of lítinn þátt, segir Tannlæknafélagið
T
ennurnar hennar voru í slæmu
ástandi en mér finnst það ekki
réttlæta þennan reikning, segir
Rakel Auðunsdóttir, móðir
fimm ára stúlku með ódæmigerða
einhverfu.
Rakel fór með dóttur sína,
Elísabetu Klöru, til barnatannlæknis
í síðustu viku og hljóðaði reikningur-
inn fyrir tannviðgerðina, sem tók um
tvær klukkustundir, upp á samtals
231.340 krónur. Ofan á þá upphæð
bætast við 13.900 krónur fyrir um 20
mínútna viðtal við tannlækninn. „Þar
var spjallað við mig um aðgerðina,
hún sat í fanginu á tannlækninum
og hann límdi á hana límmiða,“ seg-
ir Rakel um viðtalið. Rakel fær aðeins
um 60.000 krónur endurgreiddar frá
Sjúkratryggingum af upphæðinni.
Upplifir tannburstun sem árás
Rakel viðurkennir að tennurnar í
dóttur sinni hafi verið mjög skemmd-
ar en segir að vegna einhverfu hennar
sé mjög erfitt að framkvæma hvers-
dagslegar athafnir eins og að greiða
hár, klippa neglur og bursta tenn-
ur. „Hún skilur þetta ekki og upp-
lifir það eins og verið sé að ráðast á
sig. Hún tekur yfirleitt köst meðan á
þessu stendur sem gerir þetta þeim
mun erfiðara. Oft hef ég bara gefið
henni tyggjó í staðinn fyrir að bursta
tennurnar.“
Mæðgurnar búa í Vestmanna-
eyjum þar sem tannlæknir ráð-
lagði Rakel að fara með dóttur sína
til Reykjavíkur til sérfræðings í
barnatannlækningum þar sem ekki
var hægt að gera við tennur hennar
án þess að svæfa hana.
Setti reikninginn á
VISA-raðgreiðslur
Rakel setur spurningarmerki við
ýmsa kostnaðarliði reikningsins eins
og þann sem kallast „tækjaflutningur
á aðgerðarstað.“
„Mér finnst skrýtið að ég þurfi að
borga rúmlega 12.000 krónur fyrir að
tækin séu flutt á milli staða, þar sem
þau voru á sömu hæð og aðgerðin fór
fram. Það þurfti fara með þau einn
stuttan gang og hefur sennilega tek-
ið um eina mínútu. Eins með að það
hafi verið settar tvær stálkrónur í 5
ára barn og þær kosti hvor um sig
rúmlega 63.000 krónur. Samkvæmt
gjaldskrá Tryggingastofnunar eiga
þær að kosta eitthvað um 10.000 og
miðast niðurgreiðsla Sjúkratrygginga
við þá upphæð.“
Rakel er einstæð móðir og að-
spurð hvernig hún hyggist greiða
reikninginn segist hún eiga mjög al-
mennilega fyrrverandi tengdamóður
sem hafi boðist til að setja reikn-
inginn á VISA-raðgreiðslur. „Ef hún
hefði ekki gert þetta fyrir mig hefði
ég aldrei getað borgað þennan reikn-
ing.“
Kerfið tekur lítinn þátt í kostnaði
Sigurður Benediktsson, formaður
Tannlæknafélags Íslands, segir upp-
hæðina vissulega háa en aðgerðin
sem um ræðir hafi augljóslega verið
mjög viðamikil. „Það er greinilega
mikil aðgerð sem þarna er fram-
kvæmd og þú kemst hreinlega ekki í
meiri gjörgæslu í tannlækningum en
þeim sem þetta barn er að lenda í.
Hún er með mjög sérhæfða meðferð
í gangi, það þarf að hafa það í huga.
En þetta eru auðvitað mjög háar töl-
ur, en það sem er eiginlega aðalmálið
í þessu er hversu lítið í rauninni kerf-
ið er að taka þátt í þessu með móð-
urinni.“
Þarf að auka forvarnir
Sigurður segir nauðsynlegt að kerfið
veiti meira aðhald tannheilsu barna
og bætir við að Sjúkratryggingar
þyrftu að niðurgreiða meira tann-
læknaþjónustu hjá börnum með fötl-
un. Hann segir það vel þekkt að tann-
heilsa einhverfra barna sé oft verri en
annarra og meira þurfi að leggja upp
úr forvörnum varðandi tannheilsu
barna til þess að koma megi í veg fyrir
aðstæður sem þessar.
„Það sem mér finnst eiginlega al-
veg ferlegt í þessu er að þarna ertu
með barn sem virkilega þarf aðstoð,
ekki bara á þeim tímapunkti sem hún
fer í þessa aðgerð, heldur er móðir-
in greinilega komin svolítið út í horn
með þetta allt saman. Auðvitað þarf
kerfið að vera þannig að börn væru
undir miklu meira eftirliti áður en
svona hlutir gerast. Ef það væri meira
aðhald frá kerfinu og það væri betur
haldið utan um þessi börn þá væru
foreldrar og forráðamenn ekki að
lenda í svona aðstæðum.“ n
Hanna Ólafsdóttir
blaðamaður skrifar hanna@dv.is „Aðalmálið í þessu
er hversu lítið í
rauninni kerfið er að
taka þátt í þessu með
móðurinni
Mæðgurnar Rakel Auðunsdóttir ásamt dóttur sinni, Elísabetu Klöru, sem fór í ansi dýra tannviðgerð á dögunum.
Geir í mál
við ríkið
Geir H. Haarde, fyrrverandi for-
sætisráðherra, hefur ákveðið að
kæra niðurstöðu landsdóms til
Mannréttindadómstóls Evrópu.
Líkt og kunnugt er var Geir fund-
inn sekur í landsdómi fyrir brot
gegn ákvæðum íslensku stjórnar-
skrárinnar, nánar tiltekið um að
hafa ekki sett mikilvæg stjórnar-
málefni með formlegum hætti á
dagskrá ríkisstjórnarfunda eða tek-
ið þau upp á þeim vettvangi. Lög-
menn Geirs hafa sent dómstóln-
um ítarlegt kæruskjal og segja að
í landsdómsmálinu hafi íslenska
ríkið brotið ákvæði mannréttinda-
sáttmála Evrópu um réttláta
málsmeðferð fyrir dómi og regluna
um enga refsingu án laga.
„Mannréttindadómstóllinn
er mjög ásetinn dómstóll og geri
ég mér ekki grein fyrir því hverjar
líkur eru á því að hann fallist á að
taka þetta mál til meðferðar, fyrst
ég vann það í öllu efnislegu tilliti.
Sömuleiðis er óvíst hve langan
tíma málsmeðferðin gæti tekið. En
í ljósi hinnar miklu sérstöðu þessa
máls í íslenskri réttarsögu og þess
fordæmis sem pólitísk réttarhöld
af þessu tagi gætu gefið annars
staðar í Evrópu, sérstaklega í ljósi
fjármálakreppunnar sem þar geis-
ar, tel ég að mér sé skylt að láta á
málið reyna fyrir æðsta dómstóli á
sviði mannréttinda í Evrópu,“ segir
Geir í yfirlýsingu sem hann sendi
frá sér á sunnudag.
Forseti á faraldsfæti:
Fundaði með
Finnlandsforseta
Ólafur Ragnar Grímsson, forseti
Íslands, fundaði með nýjum for-
seta Finnlands, Sauli Niinistö, í
Helsinki á sunnudag. Á fundin-
um var rætt um eflingu samstarfs
á norðurslóðum, heimsókn for-
seta Finnlands til Íslands á næsta
ári og traust tengsl og vináttu
norrænu lýðveldanna, Íslands og
Finnlands.
„Á undanförnum árum hefur
þróun mála á Norðurslóðum
skapað Finnlandi og Íslandi fjöl-
þætt ný verkefni og mikilvægt er
að styrkja samráð og samræður
hinna fjölmörgu aðila sem koma
að málefnum Norðurslóða, bæði
stjórnvalda, vísindastofnana, al-
mannasamtaka sem og íbúa hinna
dreifðu byggða. Norðurskauts-
ráðið hefur styrkst jafnt og þétt
og er nú grundvöllur viðræðna
um formlega samninga ríkjanna
á Norðurslóðum. Nauðsynlegt er
hins vegar að samræma afstöðu
til vaxandi áhuga ríkja í öðrum
heimshlutum á þátttöku í þróun
Norðurslóða,“ segir í tilkynningu
sem skrifstofa forseta Íslands
sendi frá sér á sunnudag.
Þar kemur fram að forsetarnir
hafi rætt hugmyndir um víðtækan
samráðsvettvang sem opinn yrði
öllum sem áhuga hefðu á málefn-
um norðurslóða og yrði haldinn til
skiptis í ríkjum svæðisins.
Forseti Finnlands þakkaði boð
forseta um að heimsækja Ísland á
næsta ári enda væru fjölmörg ný
viðfangsefni á dagskrá landanna
og mikilvægt að styrkja áfram
tengsl Íslands og Finnlands, bæði
á norrænum vettvangi og með til-
liti til norðurslóða.